Accueil
Envoyer à un ami
Version imprimable
Partager

1.000 manifestanti segondu à u prete, 500 segondu à a pulizza

Sta sera, grande manifestazione vicinu à ind'è voi. Ghjè siguramente a sola volta in l'annata induve a pulizza autorizeghja una manifestazione di ghjente cù e so cagoules.



Aiò, ùn vale a pena d'annerbati è di dì ch'o sò un malcridente, ch'ellu ci vole à sbattizami o ch'o sò un membru d'Al-Qaida.

S'aghju sceltu stu titulu, hè ghjustu per divvi chì oghje hè Venneri Santu. Ghjè a cummemurazione da i cristiani di a Passione : u suppliziu di Cristu in Gerusaleme è a so crucificazione à u monte Golgotha.

Ùn avete capitu nunda ? Bon, vi ferma u filmu di Mel Gibson, ancu s'ellu hè appena troppu sanguinosu cum'è adattazione.

2.000 anni dopu, u missaghju di Cristu hè sempre cusì forte è numerose sò e cunfraterne à tramandallu. Da per tuttu in l'isula, si facenu e via cruci (u caminu di croce) chì ramintanu e suffrenze di Ghjesù.

A cumemurazione a più cunnisciuta hè di siguru u catenacciu in Sartè (un annu l'evenimentu hè ancu statu ritrasmessu in direttu à a televisione giappunese) è in segonda pusizione ghjunghje l'incatinatu di Bisinchi.

In Brandu si face a Cerca, induve e quattru cunfraterne di u paese facenu prucessioni da una cappella à l'altra, nant'à tuttu u territoriu di a cumuna. E donne à st'occasione portanu a faldetta, una rota chì copra u capu è ogni cunfraterna hà fattu una pulezzula, tessutu cù e palme. S'è vo avete l'occasione d'andacci, hè propiu da vede !

Ci vole dinù à manghjà magru u Venneri Santu, : ma ùn v'inchietate, più ch'è qualchì ghjornu è pè Pasqua si manghjeranu i campanili in Bastia, Caccavelli in Aiacciu, è da per tuttu migliacci, bugliticce è kinder surprise !

u 20 di Marzu 2008
U Sgaiuffu



1.mandatu da Petru-Ghjuvà u 21/03/2008 14:02
Salute a voi,

aghju scupertu u vostru blog, ùn n'hè tantu!
vulia rispondevi per divi chi ghjè dinù bè si a ghjente vole vede un bellu filmu nantu a u nostru Signore, date lu u cunsigliu di vede "la dernière tentation du christ" di scorsese.
Ghjè una maraviglia per ghjè u pendante di quellu di gibson chi hè un filmu nantu a passione cumè si pò truvà indè i scritti!
L'altru ghjè una manera di fà riflette per quelli chi credenu pocu è micca.

Chi lu vostru blog campa cent'anni

Petru ghjuvanni DIDIER

2.mandatu da Benghjè u 22/03/2008 15:21
Ind'è mè (Balagna) si face a "granitula" chì s'assumiglia à ciò chè tù chjami "a cerca".
È per ciò chì tocca à a manghjusca, per pasqua ci sciacchemu e cuciole ("canistrelli" ind'è voi...) benedette u ghjovi santu, i chjarchjoli, i campanili ecc... Mi piantu ch'aghju a fame...

Novu cumentu :