Accueil
Envoyer à un ami
Version imprimable
Partager

10 anni fà: Quastana VS Bonnet...

A vita hè fatta à scala, à chì colla à chì fala... 10 anni fà, Bernard Bonnet passava per u tippu à a moda in Corsica. Hè nant'à ellu ch'ellu cuntava u Statu da fà piantà u cumbugliu è a cumedia naziunalista. Ghjè ellu chì duvia purtà a pulitica di u statu di dirittu è l'uperazione mani pulite... Ghjè ellu chì l'eletti sciaccamanavanu...



Ma da u dì à u fà, ci hè quant'è da u tesse à u filà... È s'ellu ferma cusì vivu u ricordu di Bernard Bonnet serà più per via di e bugie, di i so detti, di a so ghigna chè di a so azzione à prò di a Corsica. A pudemu mette a so faccia, à mezu à Morand, Marbeuf è Grossu Minutu. Ma di sicuru da sottu à l'Alisgianincu!

A bugia di u Fisc...
Per fà la à l'accorta è senza tirà nant'à l'ambulanza, ramintemu i so fatti di gloria. A bugia "pedagogica" cacciata u 30 d'uttobre 1998 nant'à l'evasione fiscale d'un omu d'affare corsu è e sgalabatezze di l'affare di e pagliotte...

Ramintate vi, ci dumandavamu di quale pudia parlà, culpabilizendu nant'à i nostri vizi culturali... "S'efforce-t-on d'améliorer le taux de recouvrement des impôts qu'est agité le spectre de l'inquisition fiscale qui pénaliserait surtout les contribuables modestes. Peut-on parler de contribuable modeste lorsqu'on découvre, il y a quelques semaines, au domicile d'un homme d'affaires corse, la matérialisation d'une évasion fiscale de plus de 20 millions de dollars". Hà palisatu dopu chì sta bugia avia una funzione pedagogica... S'ellu era sempre zitellu, ùn li averiamu messu u "bonnet d'âne"?

L'aligoste arrustite di Francis
Ma più chè sta bugia è l'invitazione data li da Paulu Quastana di fà e so valisge, hè l'affare di e pagliotte chì u ci lamperà luntanu...

Bonnet le jour, cagoule la nuit...
Eranu miseri i fatti. Duie pagliotte in focu... Aiò, ùn ci hè male! U prublema era a sgalabatezza di i clandestini di u GPS. Un bacinu d'essenza, un walkman... Chì baiocche! Più gattivu, avianu lasciatu un stampinu "Feraud balance des flics"... Chì linguacce sti flicchi! È dopu ùn vulete micca chè no'li pigliessimu à a risa i giandarmi ? S'elli sò cusì putenti i tercani, pensate appena à l'altri...

Corsica Nazione in Matignon...
Infine, dopu à tamantu fucarellu, hè stata finita a pulitica di u statu di dirittu. Sepellita a pulitica di terra brusgiata... Affundata l'uperazione mani pulite... Un annu dopu à sta quistione è qualchì mese dopu à l'incarcerazione di u prefettu di Corsica, Lionel Jospin invitava à Paulu Quastana è Jean-Guy Talamoni. Principiava u prucessu di Matignon...

l'8 di Nuvembre 2008
Sbanditu



1.mandatu da ricordu u 08/11/2008 07:04
s'arricurderà dinù omu, chi u "processus" di matignon, ùn hé micca solu venutu dà a cacciata di P Quastana...mà ancu dà sacrifizii maiò fatti dà militenti. Certi so sempre chjosi a bughju é d'altri per furtuna rivedenu u sole dapoi dui ghjorini..ghjé dinù bè di precisà la innò ?

2.mandatu da Piombu u 08/11/2008 11:04
Cume si dice 'cagoule' in corsu ?

3.mandatu da Sbanditu u 08/11/2008 11:27
cagoule = capuccinu ?

4.mandatu da machja u 08/11/2008 14:11
Aghju trovu "camisgiu"

5.mandatu da Piombu u 08/11/2008 15:14
A dicu franca : u prublemu cu 'ssu tipu di parole è ch'avemu a nostra cara lingua d'una parte, storicamente taliana, ma e francofona a nostra mente !
Cagoule, pe u francese, vole di qualcosa di più (o menu) che capuccinu o camisgiu.. E, pe disgrazzia, e cuniscimu tutte...

6.mandatu da ricordu u 09/11/2008 18:46
a macacciula

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta