Accueil
Envoyer à un ami
Version imprimable
Partager

10 lochi pè festighjà l'ottu di dicembre

L'ottu dicembre a sapete, hè u ghjornu di a festa di a nazione. Ma chì fà ?



10 lochi pè festighjà l'ottu di dicembre
Pè l'ottu dicembre, pudete mettevi u custume di Super Corsu cumpratu à Gifi, cù e vostre Meindl, manghjà un pezzu di figatellu chinese è fà u giru di u vostru lotissement curnendu in vittura. Ma ci hè megliu :

1. Salutà i gendarmi in Luri
Cunferenze è manghjusca sò à u prugramma u sabbatu 7 dicembre in Luri

2. Sciaccassi una fetta di pulenda in Bastia
Si passa à u caffè u Sax. Pulendata è serata corsa à u prugramma sabbatu sera.

3. Sciaccà una panetta à u vescu in Parigi
Cum'è tutti l'anni, a Casa Corsa d'Issy-les-Moulineaux organizeghja una festa. Quist'annu cascherà u venneri 6 di dicembre è ci serà ancu u vescu. L'occasione di dilli chè vo cuntate bè cuntinuvà à fà l'ochju ancu s'ellu ùn li piace micca.

4. Appiccicà una bandera in Conca
In Conca, e bandere corse seranu messe sabbatu in cima di A Punta di l'Ortu è di A Punta Calcina. Dopu ci serà un spuntinu è una veghja.

5. Mette a soia in L'Isula Rossa
In L'Isula hè dumenica ch'ella hè organizata a festa

6. Mughjà à a Casa di u populu turchinu in Bastia
Nanz'à a partita cont'à l'OL dumenica, puderete sciaccavvi un buccone cù i sustenidori di Bastia 1905. È mughjà dinù.

7. Accende un fumigenu in Furiani
Ah nò quessa Thiriez ùn vole micca.

8. Festighjà in Bastia
Ah nò quessa Zuccarelli ùn vole micca.

9. Sciaccassi un bichjeru in Migliacciaru
Si passerà dumenica dopu meziornu à partesi da 6 ore.

10. Stà in casa vostra
È leghje un libru, o fidighjà l'integrale di Facciacce nant'à YouTube

Un evenimentu à mette quì ? Mandateci un mail o un messagiu nant'à Facebook.

È s'è vo ci la fate à fà tuttu, site veramente forte.

u 3 di Dicembre 2013
U Webmaestru



1.mandatu da Rughjatore u 03/12/2013 11:53
ci sarà dinò una Veghja Piazza Paoli in Corti, cù l'associu Ghjuventù Vagabonda, da beia è da magnà (ficateddu, vinu,...) è canti dinò, è chjam'è rispondi...pà quiddi chì t'ani una chitarra ci sarà din`una piazza

2.mandatu da Frédéric Pantz u 03/12/2013 15:11
U ghjornu è l'ora o Rughjatore pè piacè ?

3.mandatu da Roma ricca u 03/12/2013 17:12 (da un teleffuninu)
Andà à a fiera di a castagna in Bucugnà !!!

4.mandatu da Ramu u 03/12/2013 20:34
Mi farò una..Pietra!

5.mandatu da ghjuva u 04/12/2013 18:31
ci vullerebe falla tutti in carughju o ghjente...mancu sue varamente u nostru populu si ne more. Chi disgrazia

6.mandatu da Ghjuvanluca u 05/12/2013 10:52
in à mia casa in Sardegna.....8 di dicembre: u pinseru un'è mortu .
Salutu ai fratelli di Corsica.

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta