Accueil
Envoyer à un ami
Version imprimable
Partager

10 ragione di ripiglià u travagliu

Avete u spleen di a rientrata ? Avete l'angoscia di a fine di l'estate ? Ma nò ! Eccu e 10 bone ragione d'esse felice di piglià a via di a rientrata.



10 ragione di ripiglià u travagliu
1. E croce sò partute : I battelli è l'aviò sò partuti pieni à tappu, è si stà megliu. Menu mondu nant'à e strade, più nimu à u mare... Chì piacè ! Bon hè vera, ci sò assai croce chì sò firmate quantunque.

2. U più bonu hà da vene : U fretu, u sole chì si ne và, a notte chì casca, u figatellu arrustitu, Halloween, è sopr'à tuttu l'apperitivu chì pò cummincià à 5 ore.

3. Pudete sempre andà à u mare : Ancu in Santa Giulia avete tutta a piazza ch'ellu ci vole.

4. Di tutte e manere, ùn avete micca travagliu : 16.133 Corsi disimpiegati, segondu Pôle Emploi. Allora ùn ci fate micca crede chè vo site azezi di ripiglià u travagliu, di tutte e manere ùn ci n'hè micca.

5. Era ora ch'ellu finisca l'estate : Buatte orrìbili cun djnacci, rosé bien frais è mojito, cuncerti goffi, beach-party è beach-soccer... Hè ora di piantà a cummedia.

6. St'inguernu, ùn ci serà micca elezzioni : l'inguernu 2012-2013 serà un piacè. Micca elezzioni, micca campagna eletturale, micca dibattiti nant'à Via Stella. Infine appena di riposu.

7. A fine di u mondu : A sapete, hè prevista pè u 21 dicembre 2012. Allora prufittate.

8. Ci sò dui clubs corsi in L1 : Bon d'accordu, ùn anu micca da vince tutti i sabbatu. Ma l'estate senza macci di u Sporting è di l'ACA, hè troppu longu...

9. A fine di a moda discutèvule : Birk, pantacourts, camisge fiurite, débardeurs... A lista hè troppu longa.

10. Troppu mondu ? 2000 persone à ghjornu à u lagu di Melu, l'Altore chì smarrisce per via di a frequentazione in muntagna troppu impurtante, mari à bloccu di ghjente, siti saturati di mondu... è s'è no lasciavamu a natura rifiatà appena ?

u 3 di Sittembre 2012



1.mandatu da ghjattuvolpa u 03/09/2012 12:48
Avà chi pudemu prufità, emu da travaglià He mal fatta ss'affare

2.mandatu da ANTO u 03/09/2012 14:29
Ci hè di che esse cuntenti ,fera piu freddu e pagheremu u 'fioul" assai piu caru ,l'impositi hannu da cresce ,e Hollande hè sempre cusi losciu !Focu a ceppa !

3.mandatu da Acqualacciu u 03/09/2012 15:19
È po s'avvicina a Santu di u Niolu, senza DJ ;-)

4.mandatu da Acqualacciu u 03/09/2012 15:19
* Santa

5.mandatu da Corsica antica è muderna u 03/09/2012 18:37
Aiò chì hè u più bellu mumentu avà sin ne vanu tutti !

é si sinò sta parrulaccia "buatta" pensata rimpiazzà la quandu da una parule più schieta o più addattata ?
Boite (induve si mette l'affare ) = scatula
Boite de nuit = discotecha mi pare nò ?

Basta inù sta diglusia digià chì a ghjente strompia a lingua quand'omu parla
parule chì esistenu è chì sò rimpiazzate
-u stylo
- u cahiè
- u comptoir
- un macciu
ecc.. ecc...

à sò chì hèn per fà ride ma ùn face più ride avà

6.mandatu da Stonclette u 03/09/2012 18:41
Ci vole passa u permessu di caccia, dopu truva una donna per fighja i film in casa e truva tre o quattru amici per fa l apéritivu e ghjuca à belote

7.mandatu da Misgió u 04/09/2012 08:09
Mancu un dibatittu nant'a viastella ? Poh chi inguernu goffu senza dibatittu magagnosu ....
"liberate jean jean ! "

8.mandatu da stumacatu u 06/09/2012 15:19
Eju, un ripigliu micca u travagliu... u cuntinueghju !!

Travagliu tuttu l'anu - fora di e cinque settimane legale di vacanze...

E di che certi s'anoianu in Corsica...!!

9.mandatu da Capicursinu rancicu u 12/09/2012 01:12
R.I.P a piazzetta.. Ao mà Induve site !?

10.mandatu da Acqualacciu u 12/09/2012 11:09
Hè vera, face a pena in capu a Santa di u Niolu ma quantunque!

11.mandatu da Calvoise u 12/09/2012 19:53
10 ghjorni senza articulu ?! :-((

12.mandatu da tarra nostra u 12/09/2012 21:11
avà hè troppu !!

13.mandatu da Asterizzu u 12/09/2012 23:15
Eviva eviva
Radio Corsica Frequenza Mora diventa cù sta rientrata
France Bleu RCFM
Era ora
Seranu cuntenti quelli di u Sporting
ma "la France Bleue" mi ricorda Chirac o Sarkozy
Allora fate u piacè battizatela piuttostu : France Bleu Blanc Rouge RCFM
è femula finita ...

14.mandatu da stumacatu u 13/09/2012 17:32
Mà, Asterizzu, ascoltetti sempre sta radiu di liccaculi...?!!

Preferiscu ancu à France Inter, o mancu un ghjocanu micca à esse corsi...

15.mandatu da Calvoise u 13/09/2012 23:50
11 ghjorni senza articulu ?! :-((

16.mandatu da Capicursinu rancicu u 14/09/2012 16:19
E avà 12 ! Sè vo ne rifate dà quì a 2 ghjorni, eiu vi pagu. E pagu bè

17.mandatu da Calvoise u 14/09/2012 20:46
Hè vera, ùn hè più pussibule ! 12 ghjorni senza articulu. AVA BASTA !!!

18.mandatu da Calvoise u 15/09/2012 18:59
Piglia nòme èppo pòsa...

19.mandatu da Alta strada u 16/09/2012 00:26
U sporting chì si piglia concie annant'à concie, a piazzetta chì stà muta dipoi 2 settimane... Dumane mi compru u prozac sò in traccia di fà una depressione!

20.mandatu da Calvoise u 16/09/2012 10:27
ié, simu cotti.

21.mandatu da pastizzu u 16/09/2012 12:22
O Webmaestru, site mortu o che ?
Avà ch'emu da fà s'a Piazzetta si ne va....

22.mandatu da ANTO u 16/09/2012 13:37
Un so pocu longhe s'tannu e vacanze !

23.mandatu da u webmaestru u 16/09/2012 17:03
Eccu, ci semu ! A Piazzetta face a so rientrata anch'ella. Soca c'era bisognu di piglià appena di vacanze in più...

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta