Accueil
Envoyer à un ami
Version imprimable
Partager

10 ragioni d'ùn andà micca à u ski

Cù e vacanze d'inguernu riprincipia a cumedia di i sport di neve...



10 ragioni d'ùn andà micca à u ski
1. U veru Corsu ùn face micca ski. Avete digià intesu parlà i vostri antichi di ski ? Imaginate Babbone è Mammone in traccia di fà u planté de bâton cusì appreziatu da Jean-Claude Dusse per e pendite di u Monte Rinosu è di Monte Cintu ? Nò ? Bon.

2. U periculu hè in ogni locu. In più di i risichi di ferite (chì sò numerose e strambacate è e scialbate), pudete à ogni mumentu ritruvavvi sott'à un falamentu o avè un accidente di caccianeve. Lasciate st'affaracciu à l'astri.

3. A marca di i spechjetti.
I catini chì sò partuti à fassi a so settimana à u ski si ricunnoscenu subbitu à a so chignaccia brunzata cù a marca di i spechjetti. Vi fate rimarcà, site goffu è passate à a risa. Chì vulite di più ?

4. Si stà cusì bè in Corsica di ferraghju è ci sò tante cose da fà ... Euh... Nò, quessa hè una bugia, ma piuttostu ch'è d'andà à cutrassi in l'Alpe cù una mansa di beaufs rossi inciapati techji di génépi è di vin chaud, truvate astru affare ! Ci hè siguramente megliu da fà.

5. Ghisoni, Ese, Verghju... Site veramente passiunatu di ski ? Bon, d'accordu... Ma tandu skiate corsu ! È da u campu di neve di Ghisò, si vede u mare. Ùn hè più bellu ch'è Isola 2000 o La Plagne ?

6. E moon boots. Nunda ch'è per quessa, statevi puru in casa vostra...

7. E strambacate in linea. Cù u sviluppu di i teleffunini chì filmanu, accresce u periculu di fassi filmà è di ritruvà a so strambacata nant'à Youtube. Avà passate à a risa direttamente davant'à 6 milliardi d'internauti. Hum...

8. Nancu stufu di u fretu ? A Corsica hà cunnisciutu u so peghju inguernu di l'ultimi 50 anni in termine di tempacciu. È voi, site prontu à pagà una furtuna per passà una settimana à -10 gradi ? Cumpratevi direttamente un iglù in Alaska !

9. U tire-fesses. Chì vergogna st'invenzione...

10. Tutti i catini sò partuti à u ski... Durante e vacanze d'inguernu si stà sempre megliu in Corsica, infine sbarazzata da unepochi di catini chì sò andati à spende una furtuna da l'altra parte di u mare...

Micca d'accusentu ? Lasciate i vostri cummenti in linea !

u 22 di Farraghju 2010
U Sgaiuffu



1.mandatu da U Pulastru u 27/02/2009 09:11
So d'accordu, mà ci vole à parlà di a "sortie ballade raquette", è quessa, organizata dà l'Università di Corsica, aiò ghjuventù, svegliatevi, divventate micca Beauf, ! Hè bella à Corsica d'oghje.. Imaginate Babbone n'anta è raquette, vi piace?

2.mandatu da Massimu u 27/02/2009 09:50
10. Per i conni chi faccienu i "bonhommes de neige" accantu à u chalet , nunda per quessa dinù pudemu stà in casa nostra ..

3.mandatu da ZIU ANTO U PURCAGHIU u 27/02/2009 11:44
Quessa a nivaccia a mè un mi gherba tantu. Un so chè beulè è stancaghjinè. Ucaccia neve so eiu ,mi tocca di piglia a paletta per anda a fa manghjia i mio animali.Tempi fà babbone avia ancu apena d'aiutu.Oghie risate hè dannu per me.Si tutti si famosi skiori pudessinu vene a dammi un colpu di mane puderia ancu eiu impara a fà u ski,ma ino un mi facenu chè schersi issa ghjente... Megliu farianu a stassi in dè eddi in di so loghi ............

4.mandatu da Anima2b u 27/02/2009 14:23
ha ha ha ! mdr... mi pigliu e listesse ragjone... e in piu, a neve, un mi piace micca. A vegu quand'ella falà in Aiacciu... E in stu casu, un possu micca fa altrimente...!!!

5.mandatu da paulo u 27/02/2009 16:38
Skiori Corsi in Terra Corsa!

6.mandatu da jean claudusse u 27/02/2009 17:17
si tutti i skiori chi partenu à spende millioni à l'alpes d'huez o à isola 2000 si facianu una o duie dumenicate in Ese, Verghju o in Ghisoni, forse ùn saria micca male pè l'ecunumia corsa, no ?

7.mandatu da GIGI u 27/02/2009 20:10
10. una ragio di primura maio: ùn esse à fiancu à sti pinzutacci di M....

8.mandatu da filidatu u 27/02/2009 21:33
per mè una ragiò impurtante hè chì ùn sò micca schià è chì à vinticinque anni ùn mi vecu micca amparà à schià à mezu à i mucicosi

9.mandatu da Piratella u 28/02/2009 00:01

10 / Non posso sciare sono constipato

10.mandatu da Niet u 28/02/2009 01:22 (da un teleffuninu)
Inculati

11.mandatu da Ziu Santu u 28/02/2009 11:30
Tutti st'inculati chì partenu à fà u schì in cuntinente pè esse perzu in un tufone peghju ch'è u paisou u più goffu di Corsica in più di quessa si montanu a sega. " o ghjente on part au ski" . Parte in vacanze và bè ma micca in quelli lochi guffacci di' sse francie. Ci sò tanti affare à vede in u mondu. Ogni sabbatu sera " dans la night", ogni mese di ferraghju à u schì è l'estate à u mare ma in quelli lochi VIP. Per mè ùn valenu di più chè i pinzuti


12.mandatu da chjucchetta u 28/02/2009 11:48
Sì le neve fussi merda
Eppo cogliel'à palate
ùn ci serrebbe fastidiu
serrebbe menu cutrata
per pudè fanne l'umetti
è tiranne le tullate

13.mandatu da fratellu ficatellu u 28/02/2009 13:57
Senza parlà che sti cavi "Iè, a traduzione literale di "caves") un'hanu mancu una baiocca in borsa per mette a so turnata è si techjanu di pasta inc'u budiru tuttu l'annu, solu per tene i so soldi per pudè andà a fà i carnavali in Courchevelle o Vars... E, di sicuru, quand'ellu hè compiu l'inguernu, ponu riturnà a le so altre passione, u tuning, u kite-surf, e via ferrate, etc.

14.mandatu da FIUMINALE u 01/03/2009 09:21
O SIGNORE FADE VOI CHI SIDE LI PIU SUPRANU, METITE APPENA DI ZUCHINU ACH' A QUESTI CHI U NE ANU

15.mandatu da estrimei u 02/03/2009 10:51
a FIUMINALE ,
ammè, e cisi sia!

16.mandatu da azizzo u 03/03/2009 21:06
basta u ski aio !! arristate ste cunnerie. spendite soldi per nulla !
statevi ne in casa !

17.mandatu da Ron P. Stack u 05/03/2009 07:59 (da un teleffuninu)
Mi stumaca di sente mughjà i pinzuti apressu a i sò figlioli nant'e piste !

18.mandatu da muammar u 10/03/2009 11:30
Eh bé, chi bella discursata di qualità...
Prufitu, mettu a meglia ancu eiu : INCULATU, cusi ghjustu pà u piacè

19.mandatu da muammar u 10/03/2009 17:00
"meia" bastérà (un so micca paccatu à a lettera)

20.mandatu da fratellu ficatellu u 10/03/2009 21:53
Mettu a meia dinù allora : Sac'a scaghju !

21.mandatu da Culomba1 u 15/03/2009 23:25

Ragiò XXXXVVVV : in Corsica, duie volte nantu à trè ùn ci hè neve....

22.mandatu da linzulone u 16/03/2009 20:28
mi ha fattu monda ride l'articlu, e certe reazzioni dinù. ma certi cummentarii di giovanni imbecili un so manc'à pena ridìculi, e mi stumàcanu assai;
Surtite à pena di i vostri tuvoni, o pòveri cignali !

23.mandatu da PICCHJACCANTU u 08/04/2009 00:43
ragiò di quelle maiò:

ùn andate micca a passà e vostre vacanze à u ski, chi un si sentenu che i lagni di pinzutacci...
Ié, sti listessi pinzutacci che no ritruveremu d'estatine nnantu à i nostri belli lochi...sempre in traccia di lagnà si...

Allora state quì à spende i vostri soli!!!

24.mandatu da anto u 22/02/2010 14:34
Salutè Pè avè u piacè d'anda n'ell'Alpe senza esse troppu "cugnatu" (beauf ) ,si po rimpiazzà u genepi pè u casanis e a fondue pè a pulenda !Cusi ognun'è cuntentu !!

25.mandatu da Fiumorbu u 22/02/2010 15:23
Andate in ghisoni hé u piu bellu locu di corsica

26.mandatu da Lolisam u 22/02/2010 17:00
Ie u ski hé periculosu in piu! Eri mane fui amici si so feriti in ghisoni : unu s'he scipatu u fémur e l'altru a faccia. Alora o zitte statevi in casa... He piu sicuru

27.mandatu da ziu santu u 22/02/2010 17:28
Scusarete u mo primu cumentu d'annu ma u ghjornu eru à pena azzezu niente ch'è di pensà à i cugnati o i pinzuti tutti adduniti

28.mandatu da Eiu u 22/02/2010 21:09
Hai ragió... Stemuci puru ind'e noi... Ma a chi fà? Ghje quessu u prublemu...!

29.mandatu da muammar u 23/02/2010 15:28
Bah, sé vo ne sete à ricaccià i vechji articuli...

30.mandatu da jeanclaudusse u 24/02/2010 00:23
O Muammar, anch'elli anu dirittu di piglià appena di vacanze... à u ski !

31.mandatu da Culomba u 24/02/2010 05:59
Ci sò centu mila uccasione altre di truncassi una gamba : i tighjati d'Aiacciu cù i so tufoni per un dettu!

32.mandatu da miccaèbastiaciuinzza u 24/02/2010 13:47
cun u disoperu di a cgt; parechji hannu da "scia" aspettendu in u lucale di a sncm...

33.mandatu da l'arte è mighellazzu manghjà è beie è stà a spassu u 24/02/2010 22:27
perchè chi certi corsi partenu ?? perchè chi ghjè una moda e ci vole a mustrà a l'altri di u paese chi ci so i soldi,mà cume aghju pussutu leghje piu n'altu certi manghjanu paste cu u butiru tutta l'annata per andà à a neve eiu averebbe a vergonia,un ingrassemu micca assai i francesi cu l'impositi ci vole torna à lasciali dui soldi povera corsica --' tuttu què per mustrassi alala partimu cume una cuscogliula cu u ventu noi i corsi, poveru populu cosa avemu dà diventà ..

34.mandatu da Ciuciarella2a u 01/03/2010 19:46
Una ragio d'ùn andà micca à u ski hè l'impressione d'avè piddatu 20kgu quandu avemu missu a noscia "Combinaison". Hè un veru piaceru, quandu si vedi i foto !

35.mandatu da Balanina u 01/03/2010 19:50
Un ci voli micca à andà a u ski parchi 3 ghjorni più tardi la ghjenti vedi chi sogu andata a u ski cù u mo nasu di "clown" è a mio andatura di "pingouin".

36.mandatu da Audrinetta u 01/03/2010 21:36
Una ragio d'un andà micca à u ski ghjè chi ci vole u tempu per rimette si d'un bracciu o di una anca tronca, cusi tuttu u mondu hè a u currente che vo site una zucca à u ski è che vo site andatu per à "frime". In più cun a marca di i spichjetti face ancu più montasega.

37.mandatu da PERTU SANTU u 03/03/2010 18:41
Un andaté a fà u ski,in sti loghi tronca codi!!Lasciaté puitostu andà i pinzuti cusi vineranu menu l'estaté in de noi ..a ronpeci é stacché..

38.mandatu da MTG u 09/03/2010 19:48
una ragione d'ùn andà micca à u ski ghjè chi tuttu u mondu a sà che tu si andatu à u ski perchè hai a marca di i spechjetti è a pela brusgiata.Mancu à a risa!!

39.mandatu da Mamone u 25/02/2011 19:58
Mi ramentu u primu gjiornu di l'appertura di a stazione di ski ,in Ascu in 1961o 1962 ,infine nell'anni sessanta ,noi, i giovani era cuntenti ,( chi a quell'eblighe un c'era tante distrazioni,) di culla in muntagna ... A sera ,vultata a casa , dicu a u mio babbone: "Beh ,o babbo ,c'era un mondu schemu"!! Ellu ,calmu ,calmu mi rispose :" Voli chi l'astuti collinu quassu"!!!Ellu cunisciva a muntagna ,a neve ma appressu a e pecure e li si paria stranu di anda in muntagna per pruminassi!!L'eblighe hannu cambiatu :in bene ? in peghjiu? Chi lo sa....

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta