Accueil
Envoyer à un ami
Version imprimable
Partager

10 ragioni di perde in Furiani

Quandu u Sporting perde trè o quattru à zeru in Furiani (contr'à Saint Etienne è u PSG) ùn ci hè nunda à dì. Ma quand'ellu vince, ci vole sempre una bona scusa.



Bastia - Monaco 1994. 42esimu minutu : pè a so securità, l'arbitru De Pandis hà a bona idea d'arrestà a parita è di vultà in i spugliatoghji... currendu.
Bastia - Monaco 1994. 42esimu minutu : pè a so securità, l'arbitru De Pandis hà a bona idea d'arrestà a parita è di vultà in i spugliatoghji... currendu.
1. "Le contexte" : A sapete tutti. I dirigenti, i sustenidori è i ghjucadori bastiacci sò tutti assassini chì caccianu e kalashnikov quand'elle ghjunghjenu e squadre frestere. Hè per quessa chì i visitori perdenu i so mezi, sanu ch'elli ùn puderanu parte sani.

2. "L'arbitrage maison" : L'hà detta stu geniu di Jean-Marc Furlan : i clubs corsi sò favurizati da l'arbitragiu. A prussima volta, ci spiegherà chì Frédéric Thiriez ci tene caru ?

3. "Les mauvais regards" : Eccu una scusa originale, trova da l'attaccante di Troyes Jean-Christophe Bahebeck. L'hà detta nant'à u so contu Twitter : Arriver en Corse déjà des mauvais regard ! (sic). Marc Lavoine cantava : Elle a les yeux revolver, elle a le regard qui tue, Elle a tiré la première, m'a touché, c'est foutu.

4. "Le côté obscur de la force" : Sta volta hè un certu Sébastien Gueguen, direttore di a cummunicazione di Troyes chì scrive nant'à Twitter : Le côté sombre du SC BASTIA. Agressions verbales et physiques lorsque nous remontons dans le bus. Rapport délégués déchiré sous leurs yeux. Dark Vador si spasseghja e sere di match in i curridori di Furiani è piglia tuttu u mondu à panette.

5. U suchju d'aranciu chì adrumenta : In l'annu 1990, l'OM di Tapie hè statu accusatu d'avvelenà i ghjucadori di Lech Poznan cun suchju d'aranciu puzzicosu. Marseglia avia vintu 6 à 1. Nentru, ci avianu messu appena di Lexomil.

6. Megliu chè a guerra in Afganistanu, Furiani : In u 1994, dopu à una partita appena calda trà Bastia è Monaco (risultatu finale 2-2 ma Bastia viderà u so macciu persu), i ghjucadori munegaschi facianu i belli in a stampa per cuntà l'infernu ch'elli avianu campatu. Cusì, u lunzescu in fine di carriera Mickaël Madar s'hè ritruvatu in prima pagina di Le Parisien cù stu tìtulu : "Ce que j'ai vécu à Furiani". À difettu di fà parlà d'ellu cù i buts ch'ellu ùn marcava micca, s'hè fattu una bella publicità.

7. "Les violences policières" : Ah nò, hè vera chì i CRS ùn menanu chè i bastiacci in Furiani.

8. A Saint-Georges avvelenata : À u Perù, in a partita trà Hijos de Acosvinchos è Sport Ancash, trè ghjucadori sò cascati secchi nant'à u terrenu. Sò stati avvelenati da l'acqua data da i lucali à i visitori. À quandu l'affaire de la Saint-Georges empoisonnée ? Da leghje : Des joueurs empoisonnés lors d'un match de football au Pérou.

9. E minacce : Hulk, (u ghjucadore bresilianu di u Zenit Saint-Pétersbourg, micca u mostru verde), hà ricevutu una falsa bomba cun minacce ci dice a stampa. Quale serà u primu pienghjulone di L1 à dì ch'ellu hè statu minacciatu ? 10 dòllari nant'à Valbuena.

10. Les chansons keurses subversives : Thierry Roland avia dettu ch'ellu era statu scandalizatu da e canzone cantate u 5 di maghju 1992 in Furiani. Nanz'à a partita, I Chjami Aghjalesi avianu cantatu Populu Vivu, Catena è Guerrieri. Avia parlatu d'un "véritable appel au meurtre". Per noi, un "appel au meurtre" saria piuttostu e canzone di Céline Dion, Vincent Delerm, Christophe Maé o Sexion D'assaut. Ognunu i so gusti !

10 ragioni di perde in Furiani

10 ragioni di perde in Furiani

u 7 d'Utrovi 2012



1.mandatu da ANTO u 07/10/2012 17:02
Simu tutti "salafisti" tuttu u mondu a sa !

2.mandatu da Capicursinu rancicu u 07/10/2012 23:40
Puzzemu, simu cattivi, goffi, brutti, baulli, mà ne simu fieri :)

3.mandatu da Uniti vinceremu u 07/10/2012 23:53
Ci vol' a mina sta robba pinzuta!!!! E basta!!!!!

4.mandatu da stumacatu u 08/10/2012 18:01
Mi so campu !

Ma u peghju hè che a pensanu à veru !!

Un n'hanu ancu capitu che si passa male in Furiani quandu ci femu scrucà da l'arbitri, micca quandu perdimu e che deviamu perde, cume contr'à Saint-Etienne o Pariggi...

Per a risposta, u piu forte hè quantunca paalbertini anantu à Tweeter...

5.mandatu da Mare nostrum u 08/10/2012 18:09
Per l echipe francese , furiani hé a sede di satanassu !! ;-)

6.mandatu da stumacatu u 08/10/2012 18:10
Per aiutallu, prupongu sta riposta à u tintu sebgueguen : "mais, vous, vous avez tué un Préfet" !

Hè veru che c'eramu tutti : a prova n'hè che, dapoi, paghemu tutti...

7.mandatu da Altu-Taravu u 08/10/2012 20:52
Iè, noi corsi semu tutti terruristi!
Di più in Furiani semu ancu "Hooligans"!

Novu cumentu :