10 ragioni di sustene à Domenech

1. U francese u menu pupulare di Francia : pè riassume, nimu tene caru à Domenech. L'unanimità hè tutale in l'upinione da a manca à a diritta, da i bobos à i prolos.Tutti sò anti-Domenech. Raymond si trova à l'oppostu di Dany Boon, Yannick Noah è David Douillet, sempiterni "più simpàtichi". 65 millioni di Francesi contr'à ellu : nunda ch'è per quessa, u tippu meriteghja a nostra simpatia.

2. L'auto-flagellazione, sport n° 1 in Francia : I Francesi sò cusì vergugnosi d'avè à Ray cum'è selezziunadore ch'elli passanu u so tempu à rende nant'à a squadra di Francia. A qualificazione contr'à l'Irlanda ùn hè mancu stata festighjata. Cuntinuveghja o Dumenech !

3. I più boni ùn ghjocanu micca : Arricurdatevi Pirès, Trezeguet, Giuly, Mexès, Benzema... Invece Raymond piglia patecche cum'è Chimbonda. Cun ellu, ancu Laurent Casanova (à a ritirata) pò pretende à esse titulare.

4. U mondu sanu hè stumacatu da a Francia : L'Irlandesi, i Taliani, i Spagnoli... Tutti si ne ridenu di i tricolores. A Marseillaise hè u solu innu chì face l'unanimità : hè fischjatu da per tuttu !

5. A so chigna : Francamente, quand'ellu si vede a classa di Trapattoni, Lippi, Cruyff o Eriksson, ci dumandemu ciò ch'ellu face Raymondu cù i 50 migliori intrenori mundiali. À cant'à ellu, ancu Freddy Antonetti in short è clacchette Fila hà a classa.

6. Si batte per Estelle Denis : i ghjucadori i più forti ùn sò micca pigliati. Mutivu : s'avvicinavanu appena troppu di a so moglia, Estelle Denis. Nunda di più normale ch'è di metteli fora, nò ?

7. Hà fattu a prigiò per avè vindutu biglietti di macci: World Cup 94, Ray vende nanz'à una partita (Bolivia - Curea !!!) i ticchetti ch'ellu avia ottenutu di rigalu. S'hè fattu un staziu ind'è i pulizzeri americani. Chì tanti Tony Montana...

8. Era un ghjucadore pessimu : Difensore antipaticu è gattivu, Domenech ùn era micca un ghjucadore di talentu. Hè appena cum'è si Fabrice Jau diventava selezziunadore di L'Equipe de France.

9. I soli chì sustenenu à Dumeneccu sò i tippi in cagula d'Action Discrète : Andate à vede sta video... Cumu annerbà Luis Fernandez, Dugarry è Pascal Olmeta ? Faciule.

10. A Francia hè sigura di perde : Pè a Cuppa di u Mondu 2010 in Sudafrica, semu tranquilli o zitè !