Accueil
Envoyer à un ami
Version imprimable
Partager

10 ragioni per chì u Sporting fermi in L2 (vistu da e donne)

U Sporting chì fala in "Naziunale" ? Hè dinù una catastrofa per e zitelle...



10 ragioni per chì u Sporting fermi in L2 (vistu da e donne)
1. Si u Sporting fala in "naziunale", quale hè chì s’hà da scunfinisce u vostru cumpagnu traumatisatu sin'à al menu à a ripresa di u campiunatu ? voi !!!

2. Stumacatu, u vostru cumpagnu decide d'ùn andà più in Furiani. Tandu, principianu i guai... Giranduleghja tutta a ghjurnata in casa cù a so maglietta "SCB / Vendasi" è a sera insiste per sorte ancu cù a sciarpa turchina è u so survêt "Duarig".

3. Peghju, ùn sorte mancu più u sabbatu è si stà in casa. Risultatu : trè chilò in più in un mese. A vostra serata "sushi + Sex and the City" si trasforma in serata pizza, hamburger è birra. L'orrore.

4. I scontri di naziunale si ghjocanu a dumenica dopu meziornu. Hè menu simpàticu chè u venneri sera per andà à beie un colpu cù e vostre amiche à u Zanzi.

5. U vostu cumpagnu hè stumacatu da u futbol. Scambia di passione è scopre... u PMU ! Tandu avete da rigrettallu u tempu quand'ellu mughjava "O l'arbitre, o gaulois !" Avà strida "forza Pompon de Boléro ! Opium étoile sì u più forte !" Face subitu menu maschju...

6. Quale vole parte in week-end à fà u shopping in Plabennec, Pacy sur Eure, Créteil, Rodez o Luzenac ?

7. Finitu u tempu quand'è vo fidighjavate tranquillamente "Plus Belle la Vie" ! U vostru cumpagnu, nustàlgicu, vulerà passà tutte e so serate à ripassassi u vechju scagninu videò di l'Epupea di u SECB... D'altronde ùn suppurtate più a musica di "Chariots de Feu "...

8. Si u sporting fala, forse u vostru cumpagnu sustenerà à l'ACA. In fine di stagione, ùn siate micca surpresa di vede lu cù un "toc de look" (cf articulu di u montasega cù un paghju di Carrera è e chjave di u ML per andà à fà u 4x4 nant'à i tighjati di Bastia.

9. Addiu Liga 2, exit u vostru dressing ! Stu locu hè diventatu un museu : sciarpe turchine, poster di Laurent Casanova (cù i capelli), bandere, mug è pilicce di u leone "Pistellu". U vostru cumpagnu è i so amichi surtiti da "On refait le match" passanu e so ghjurnate in stu museu à piglià u Sporting à PES per batte l'OM...

10. Bastia in naziunale… Ùn vi ferma più ch'è da andà à dragà i giovani di u centru di furmazione dopu à l'intrenamentu !

Forza Bastia !

u 18 di Farraghju 2010
Matcha è Gunpowder



1.mandatu da GWM u 18/02/2010 14:25
"poster di Laurent Casanova (cù i capelli)" !!!!!!!!!

esistianu digià i poster, tandu ? valerà una furtuna què !

2.mandatu da Fiumorbu u 18/02/2010 15:42
6. Quale vole parte in week-end à fà u shopping in Plabennec, Pacy sur Eure, Créteil, Rodez o Luzenac ?
TUTTE E DONNE!

3.mandatu da Corfatex u 18/02/2010 16:09
c'hè quantunque l'unica fabbrica di "Boursin" di Francia in Pacy-sur-Eure...
ghjè un furmagliu chi piace à e donne, no ?

4.mandatu da Fiumorbu u 18/02/2010 16:24
Ié chi piace a e donne u boursin, è si ghjé per fa u shoppingu so tutte pronte

5.mandatu da Küg u 19/02/2010 10:55
ancu e zitelle si metteranu à lampà sedie è forgani in campu s'è no falemu ?

6.mandatu da L'alta strada u 20/02/2010 12:04
Emu ancu persu.. Ùn ne possu più sò stumacatu.. Noi emu da falà et marseglia s'hà da piglià a cuppa di a ligue.. Chì spaventu!

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta