Accueil
Envoyer à un ami
Version imprimable
Partager

10 rigali à fà pè Natale

Dumane Natale cantavanu I Muvrini... Ma cum'è sempre, ùn sapete micca cosa offre ? Ancu di grazia, eccu 10 idee di rigali da fà.



I "Lego construction" corsi

A cullezzione di i "Lego construction" corsi s'ingranda. Scavate, sbundate, bettunizate ! Tutti l'omi pulitichi corsi sò dispunibuli.
10 rigali à fà pè Natale

La Bonne Paye... au Conseil Général de Haute Corse

10 rigali à fà pè Natale
Cun stu ghjocu, organizate i vostri marcati trafficati, cumprate pè millioni di preservativi, empiitevi e stacche, tichjatevi di suvvenzioni, manghjate à buzeffu.

U Gilbercopter teleguidatu

10 rigali à fà pè Natale
Un ringalu di circustanza in stu Natale 2010. Attenzione, "rupture de stock" in vista, spicciatevi !

U trenu Playmobil AMG 800

10 rigali à fà pè Natale
Pigliate un rigalu di merda. Caru assai è ch'ùn viaghja micca : offrite l'AMG 800.

Offrite un kit di false precure

10 rigali à fà pè Natale
Avete un amicu merre, cunsiglieru generale, elettu municipale o piazzatu à a CTC ?

Pè a so prussima elezzione offrite une poche di false precure. Pudete esse siguru ch'ellu ùn anderà micca à scambiallu in magazinu.

Le petit chimiste : 150 sperienze di chìmica corsa

10 rigali à fà pè Natale
Amparate è ghjucate cù a chìmica corsa : eroina, cuccaina, marijuana, LSD, ecsta, GHB, popper...

Quessu u rigalu, pudete esse siguru dinù ch'ellu ùn serà micca scambiatu contr'à "Tempi Fà 3".

Muntatevi a sega, riescite u vostru braccasgiu !

10 rigali à fà pè Natale
"Le braquage pour les nuls" vi spiega cumu riesce u vostru braccasgiu, senza favvi chjappà.

Cusì vi puderete inventà u vostru veru braccasgiu, cum'è i veri mittomani.

Una vesta Millet

Fate piacè à u vostru amicu mittò, offrite una vesta Millet. Di siguru, ùn hè micca racummandatu di mette a vesta per andà in muntagna, ma piuttostu per andà in buatta è in i lochi à a moda.
10 rigali à fà pè Natale

Farina pisticcina da sniffà

10 rigali à fà pè Natale
A cuccaina hè diventata troppu cara per voi, site sbaiuccatu per essevi troppu drugatu, ma vulete cuntinuvà à mettevi appena di pulveretta in u nasu ?

Pruvate a farina pisticcina AOC.

Offrite una vittura à a(u) vostra(u) amica(u)...

10 rigali à fà pè Natale
Mini Cooper, Hummer, Cayenne... Tutti i mudelli sò dispunibuli, in Majorette. Di tutte manere, cosa scambia d'avella in veru ?

u 12 di Dicembre 2010
U Sgaiuffu



1.mandatu da Per ride u 12/12/2010 19:41
U megliu di tutti, hè di staghjò, hè u MO-NO-PO-LY, o CORSOPOLY cusì face identitariu.

Hà piglia piglia quantu ne pigli?


2.mandatu da stroncaedieta u 13/12/2010 10:44
addiu trou atu...un Vuitton ...falso, n addiu vistu troppu veri in Aiacciu sistatina !

3.mandatu da anto u 13/12/2010 17:17
Un bellu rigalu sarebbe u cambiamentu ch'elli ci hannù prumessu ,chi pè u mumentu mi pare "statu quo ante .

4.mandatu da mamone u 13/12/2010 18:01
Pensu chi a cullezione "Lego" per bettuniza ad' avè u successu stu Natale ,cu tutti i progettti di custruisce per aludia i turisti e tutti quelli chi vularebbenu "Balearizza" a Corsa e fa di u bordu di mare un "bagna culu" per turisti!!

5.mandatu da malmignata u 14/12/2010 20:15
U piu bellu di i rigali saria una bella corda pè tutti ...ch' elli pudessinu apicàssi tutti sti puliticanti chi "ùn" facenu i so leggi dà babbu à figliolu..

6.mandatu da U Palatinu u 15/12/2010 10:14
Per mè (è dicu bè "per mè"), un rigalu chì mi faceria moltu piacere seria ch'è u mio situ (u mio foru di discussione in lingua corsa), cuniscessi novi membri, è una friquentazione megliurata.
A dicu (quasi) senza vergogna.

7.mandatu da Ghjuvan matteu u 15/12/2010 17:40
Ancu un paghju di guanti millet per anda a u liceu quandu ellu face 10 gradi

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta