Accueil
Envoyer à un ami
Version imprimable
Partager

10 rigali pè i zitelli penìbili (viaghja ancu pè i vostri)

I vostri zitelli ùn sò micca stati bravi ? V'anu faticatu bè quist'annu ? Ùn pudite pate quelli di i vostri amichi ? Hè sunata l'ora di a vindetta.



10 rigali pè i zitelli penìbili (viaghja ancu pè i vostri)

1. Quaterni di vacanze

M'arricordu chì una volta, Mamma m'avia datu cum'è rigalu quaterni di vacanze. Hè stu ghjornu quì ch'o aghju cuncettualizatu u succidiu.

U quaternu di vacanze : trà 7 è 8 €
10 rigali pè i zitelli penìbili (viaghja ancu pè i vostri)

2. A fata satanista chì si ne vola

Perchè chì hè crudele, ma da sbillicassi.

A fata chì se ne vola è chì ùn vulterà più : 29,99 €
10 rigali pè i zitelli penìbili (viaghja ancu pè i vostri)



3. Un animale, ma in pilliccia

U peghju rigalu chì m'hè statu fattu quandu era chjuca, era di fammi crede ch'avia da avè un pappaghjallu. Per rigalami dopu un pappaghjallu in pilliccia. Hè stu ghjornu quì ch'o aghju cuncettualizatu l'omicidiu. Fate pianu, circa vint'anni dopu dumandu sempre vindetta. Ma lasciu i pappaghjalli in pace.

4. Una pilliccia microbu

E nostre preferite : a syphilis (in corsu si chjama "u mal francese"), a diarrìa, u pidochju è u ténia.
10 rigali pè i zitelli penìbili (viaghja ancu pè i vostri)

10 rigali pè i zitelli penìbili (viaghja ancu pè i vostri)

10 rigali pè i zitelli penìbili (viaghja ancu pè i vostri)

10 rigali pè i zitelli penìbili (viaghja ancu pè i vostri)
Syphilis : 8,95 €
Diarrìa : 8,95 €
Pidochju : 8,95 €
Ténia : 12,95 €

5. Una pilliccia d'animale inciaccatu

Persunalmente, sì qualchissia mi rigala què piengu. Ma hè vera ch'elli esistenu zitelli veramente abuminèvuli.

A pilliccia di scuiattulu mortu : 29,99 €
10 rigali pè i zitelli penìbili (viaghja ancu pè i vostri)

6. Un DVD di Saw in una scatula di Bambi

Ancu chì Bambi m'hà traumatizatu ancu di più.
10 rigali pè i zitelli penìbili (viaghja ancu pè i vostri)

7. Un libru annuiante da crepà

In generale, i zitelli facenu u musu quandu li si rigala libri (oh và bè, micca bugie mansa di falsi). Ma dopu, quand'elli leghjenu, sò cuntenti. Invece chì quì, nò.
10 rigali pè i zitelli penìbili (viaghja ancu pè i vostri)

10 rigali pè i zitelli penìbili (viaghja ancu pè i vostri)

10 rigali pè i zitelli penìbili (viaghja ancu pè i vostri)

Kant, Critique de la raison pure : 9,50 €
Rousseau, Emile ou De l'éducation : 10,20 €
Tolstoï, Guerre et paix (in dui vulumi) : 8,90 €

8. A puppàtula di ciucciu "Reborn" - caru

Sò puppàtule realiste di ciucci, è danu u schifeghju in veru. Bon, hè appena cara, ma a faccia spaventata di u destinatariu ùn hà micca prezzu. O sinnò ci hè u kit : menu caru è guasi u listessu risultatu.

A puppàtula goffa Reborn : 179,90 €
10 rigali pè i zitelli penìbili (viaghja ancu pè i vostri)

9. Un carrettu di pulizìa – 24,99€

Nanzu, u carrettu di pulizìa era rusinu, destinatu solu à e zitelle (ahè !) è ùn ghjuvava à nunda : ùn nettava nunda. Oghje, a sucetà hè cambiata : i carretti di pulizìa sò fatti dinù pè i zitelli, è s'assumiglianu propiu à i veri. Capite ch'è vo puderete fà a pulizìa à i vostri zitelli, è chì in più di quessa, seranu felici. Perfettu.

U carrettu : 24,99 €
10 rigali pè i zitelli penìbili (viaghja ancu pè i vostri)

10. Dui aranci

Perchè chì avemu tutti qualchissia in a so famiglia, appena faticante, chì diciulava à ogni Natale "eiu, pè Natale, avia dui aranci è era cuntentu". Avete l'età d'esse stu membru di a famiglia appena faticante. Ùn lasciate micca passà l'occasione.

S'è vo sceglite sta suluzione, ùn vi scurdate di filmà e reazzione è di mandaccile. Hè Natale, vulemu ride.


u 24 di Dicembre 2014
Laura Paoli



1.mandatu da Atchum u 24/12/2014 13:05
Poveri zitelli di a video... Anu da scimisce (ancu si per certi era siguramente digia troppu tardi)

A vindetta di quelli chi anu ricevutu licumi ou roba da pulisce ha da esse spaventosa

2.mandatu da natale goffu u 26/12/2014 13:54
un annu aghju fattu ghjunghje u "père fouetard"; hè finita in parapiglia : i zitelli si sò messi e mani, i parenti eranu à panza in terra, i caccari "affligés" eranu di quelli chì per Natale ùn avianu mancu un aranciu!!! peccatu à l'epica ùn ci eranu tutti st'arnesi da filmà

3.mandatu da anto u 02/01/2015 14:33
A pace e a salute per ognunu ....

Novu cumentu :