Accueil
Envoyer à un ami
Version imprimable
Partager

11 rigali di Natale da fà à l'ultimu

Simu u 25. Sò ondeci ore è quaranta. U ripastu di Natale hè à meziornu è ùn avete micca finitu di fà i vostri rigali. Hè tuttu chjosu. Site lecchi. Ma ùn paniccate micca. Ci hè sempre una suluzione.



11 rigali di Natale da fà à l'ultimu

1. Un abbunamentu à Netflix

Hè novu novu, tuttu u mondu ne parla, ci sò serie simpatiche è a persona pò fà piantà l'abbunamentu quand'ella vole.

Da 7,99 à 11,99€/ mese
11 rigali di Natale da fà à l'ultimu

2. Piazze di cuncertu/teatru/museu/sinemà

Si compranu in linea, si stampanu, si mettenu in un inviluppu è hè fatta. Ùn avete micca un bellu inviluppu ? Datele puru cusì ma site veramente un casu. Ùn avete micca stampatrice ? O Signore...

3. Soldi

Ùn hè micca originale, ùn face tantu "spiritu di Natale", ma site veramente à u stracciu.
11 rigali di Natale da fà à l'ultimu

4. Sòsule di famiglie tenute secrete dapoi quattru generazione cupiate in un bellu quaternu appiecandusi

Pigliassila à l'ultimu, pò custavvi assai caru. Ùn vi lagnate micca sì i vostri antichi venenu à visitavvi.
11 rigali di Natale da fà à l'ultimu

5. Un abbunamentu à una box

U cuncettu hè originale : a persona riceverà à intervalle regulare un pacchettu cun rigali nentru. Si rigala unu, trè, sei mesi o un annu. Ci n'hè per à pocu pressu tuttu u mondu, ùn v'avemu fattu ch'è una piccula selezzione. Ne truverete d'altre quì.

Per l'amatori di vinu : lepetitballon.com
è vinattendu.fr/

Per l'amatori di tè : lathebox.com è envouthe.com

Per l'amatori di biera : belgibeer.fr

Per l'amatori di literatura : exploratology.com

Per l'amatori di bellezza : birchbox.fr è glossybox.fr

Per l'amatori di pruduttu bio : veganbox.fr è ecolili.com

Per l'amatori di ghjatti : kitty-box.fr è miaoubox.com

Per l'amatori di cani : doggy-box.fr è woufbox.com

Per l'amatori di scenze : scientibox.fr

È per quelli chì sò luntanu, ci hè ancu una box corsa : corsican-box.com

11 rigali di Natale da fà à l'ultimu

11 rigali di Natale da fà à l'ultimu

6. Un abbunamentu à un giurnale

Face sempre piacè, eppo a scelta ci hè. Noi avemu solu qualchì suggestione.

Pè i grandi : National Geographic, Vogue, Beaux arts, Photo, Science et vie.
Pè i chjuchi : Geo Ados, J’aime lire, 30 millions d’amis, Picsou, Astrapi, Science et Vie Junior.

7. Una box rigalu

Wonderbox, Smartbox, abbasta d'una stampatrice pè rigalala, o sinnò si pò mandà u rigalu per email. Saltu in paracadutu, pilutagiu nant'à un circuitu, battezimu sottumarinu, dumenicata à u spa, ripastu gastronòmicu, ottellu insòlitu... Di regula u rigalu vale à vità è si pò scambià, casu mai avessite fattu una pazzìa. Di u generu saltu à l'elàstica à qualchissia chì hà u giracapu. O una notte in una yourte in u Cantal. (Felicitazione).

www.smartbox.com
www.wonderbox.fr

8. Un dissegnu di mè

Prevedu di diventà artista cunnisciuta in u 2015, prufittatene, quist'annu chì vene seraghju siguramente troppu cara per voi.


11 rigali di Natale da fà à l'ultimu

11 rigali di Natale da fà à l'ultimu

9. Un cosu ch'elli v'anu rigalatu pè Natale annu è induve ci hè sempre l'etichetta nantu.

Iè, hè goffu, ma ci vole à sopravvive, è sopravvive ùn hè micca sempre assai bellu.

10. Un viaghju.

Ci vole ciò ch'ellu ci vole.

11. Una creazione persunale.

Sapete cosge ? Pinghje ? Stazzunà ? Hè u mumentu di mustralla.
11 rigali di Natale da fà à l'ultimu

12. O sinnò, vi ferma a suluzione ultima.

Da vede quì : https://www.youtube.com/watch?v=ABrSYqiqvzc

Sia tuttu u mondu serà à panza in terra, sia vi truverete cù una lagnanza in ghjustizia per agressine sessuale, ma in ogni manera ùn vi si dumanderà più nunda per Natale quist'annu chì vene.

u 25 di Dicembre 2014
Laura Paoli



1.mandatu da anto u 26/12/2014 08:14
Ci n'hè pè tutti ma u piu caru ghjè a salute ,allora chella sia bona per ognunu ,zenza scurdacci di a pace ......

Novu cumentu :