Accueil
Envoyer à un ami
Version imprimable
Partager

13 di ghjugnu di u 1981 : a cuppa hè nostra !

Una sera di ghjugnu à u Parcu di i Principi, Paul Marchioni hà pisatu a cuppa dop'à avè basgiatu à Mitterrand. Ferma u solu trufeu maiò vintu da u Sporting... Eccu a storia di stu parcorsu chì ùn hè micca statu semplice.



13 di ghjugnu di u 1981 : a cuppa hè nostra !

1/32
12 ferraghju 1981 in Evreux
Bastia – Caen 3-0 (D2) Milla (32, 87) è Ihily (78).

A partita si ghjoca nant'à u terrenu neutru d'Evreux. Senza veramente cunvince, u SECB piglia pianu pianu a suprana nant'à a squadra di Nurmandia grazia à Roger Milla è Simei Ihily, i dui artisgiani di a vittoria in stu primu giru.
13 di ghjugnu di u 1981 : a cuppa hè nostra !

1/16 andata
7 di marzu 1981 in Furiani
Bastia – Auxerre 2-1 Henry (15) è Fiard (61) pè Bastia, Rémy (55) pè Auxerre

Furiani ùn hà micca fattu u pienu è si pensa tandu chì a cuppa ùn attira più. Bastia si procura tante occasioni ma Joël Bats face i miràculi in a so gabbia. L'avantagiu hè magru nanz'à u ritornu à l'Abbé Deschamps...
13 di ghjugnu di u 1981 : a cuppa hè nostra !

1/16 ritornu
11 marzu 1981 in Auxerre
Auxerre – Bastia 1-1 Lacuesta (62 pen.) pè Bastia, Loiseau (89) pè l'AJA.

Partita calda in Auxerre induve i Bastiacci eranu aspettati da 8000 sustenidori pè l'AJA è da Guy Roux. L'arbitru Michel Vautrot fischja quattru penaltys (dui pè Bastia, dui pè Auxerre). Pè u Sporting Milla manca u soiu, ma micca Lacuesta. In quant'à quelli d'Auxerre, Pierrick Hiard i caccerà tutti. U SECB salta torna un giru...
13 di ghjugnu di u 1981 : a cuppa hè nostra !

1/8 andata
3 d'aprile 1981 in Furiani
Bastia – Monaco 2-0 Milla (32, 42)

Giru difficiule per u Sporting chì casca nant'à Monaco, u tenente. U publicu torna à vultà in Furiani chì cummencia à passiunassi per sta cuppa. Roger Milla serà l'omu di a partita. Nanz'à u macciu, avia prumessu ch'ellu ne metteria dui, contr'à u so anzianu club... è tenerà a so prumessa !
13 di ghjugnu di u 1981 : a cuppa hè nostra !

1/8 ritornu
11 d'aprile 1981
Monaco – Bastia 2-1 Barberis (67), Trossero (90 pen.) pè Monaco, Marcialis (75) pè Bastia

A squadra di u Principatu ùn averà mai veramente inchietatu i turchini è Marcialis segna a so prima rete in stu parcorsu. Bastia si qualificheghja pè i quarti di finale è a pressione cumencia à cullà !
13 di ghjugnu di u 1981 : a cuppa hè nostra !

1/4
8 di maghju 1981
Martigues (D2) – Bastia 3-0 Dho (77), Lippini (79) è Esposito (85)

Ci vulia bè una desillusione pè un Sporting... è i turchini si piglieranu un bellu schjaffu ! Bastia era prevenutu, ùn ci vulia micca à piglià sta squadra à a legera. Martigues hè a surpresa di sta cuppa è avia cacciatu à Lyon capunanzu. A partita hè calda è i colpi falanu nant'à u terrenu è in e tribune induve i CRS intervenenu à parechje riprese. Dece persone finisceranu à l'ospidale. U Sporting ùn s'aspettava micca à pigliassi una chjiba cusì è pochi sò à crede ch'ellu passerà stu giru. Sta ci vulerà u sustegnu di u publicu in Furiani...
13 di ghjugnu di u 1981 : a cuppa hè nostra !

13 di ghjugnu di u 1981 : a cuppa hè nostra !

1/4 ritornu
19 di maghju 1981
Bastia – Martigues 5-0 illa (18, 64), Marcialis (26), Ihily (70), Mariini (80)

Inghjuliati à l'andata, i Bastiacci volenu a so rivincita. I sustenidori empienu à Furiani è sò decisi anch'elli à pisà nant'à a partita. Martigues paga u so affrontu è riparte cun 5 buts. U publicu
punta i so ghjucadori cume a sanu fà, ciò chì face dì à Martinez, un ghjucadore di Martigues : « Je suis soulagé de l'élimination, car au moins nous rentrerons à la maison sains et saufs ».
A storia hè in marchja...
13 di ghjugnu di u 1981 : a cuppa hè nostra !

13 di ghjugnu di u 1981 : a cuppa hè nostra !

Mezafinale andata
5 ghjugnu 1981 in Furiani
Bastia – Lens 2-0 Cazes (60), Milla (85)

In mezafinale a sorte manda u RC Lens nant'à a strada di u Sporting, cum’è in 72. A frebba s'impatrunisce di a Corsica è in Furiani l'ambianza è di livellu aurupeu. U SECB tene u risultatu ideale nanz'à un ritornu chì serà difficiule in u Nordu, davant'à 40.000 sustenidori.
13 di ghjugnu di u 1981 : a cuppa hè nostra !

13 di ghjugnu di u 1981 : a cuppa hè nostra !

13 di ghjugnu di u 1981 : a cuppa hè nostra !

Mezafinale ritornu
9 ghjugnu 1981 in Lens
Lens – Bastia 0-1 Marcialis (85)

I Bastiacci anu pigliatu a suprana à l'andata nant'à u pianu psicològicu. In Félix-Bollaert ùn tremanu micca è Marcialis ne schjocca unu à cinque minuti di a fine. U Sporting hè in finale è in a Corsica sana hè l'isterìa. Chì serà allora, pè a vittoria finale...
13 di ghjugnu di u 1981 : a cuppa hè nostra !

13 di ghjugnu di u 1981 : a cuppa hè nostra !

Finale
13 ghjugnu 1981 à u Parcu di i Principi
Bastia – Saint-Etienne 2-1 Marcialis (50) è Milla (58) pè Bastia. Santini (72 pen.) pè St Etienne

Bastia : Hiard – Cazes, Orlanducci, Lacuesta, Marchioni – Desvignes, Fiard, Henry – Marcialis, Milla, Ihily.
(rimpiazzenti : Pastinelli è Mariini). Intr. : Redin


Saint-Etienne : Castaneda – Battiston, Lopez, Gardon (Primard 17e), Janvion – Santini, Elie, Platini – Zimako, Roussey (Paganelli 86e), Rep. Intr. : Herbin.

Bastia, senza sperienza deve affruntà u grande St Etienne campione di Francia. François Mitterrand hè presidente dapoi pocu. U SECB ùn trimerà mai è in u segondu tempu duie rete di Marcialis è Milla mandanu à Bastia in paradisu. In Corsica a festa durerà parechje settimane. Da Capicorsu à Valincu, da Balagna à l’Alta Rocca, in ogni paesi si sèntenu e pistulittate. In Puretta seranu 3000 à aspettà l’eroi di a finale... Più ch’è mai, u Sporting hè a squadra d’un populu sanu. Solu dispiacè : Claude Papi, feritu, ùn ghjucherà a finale.
13 di ghjugnu di u 1981 : a cuppa hè nostra !

13 di ghjugnu di u 1981 : a cuppa hè nostra !

13 di ghjugnu di u 1981 : a cuppa hè nostra !

13 di ghjugnu di u 1981 : a cuppa hè nostra !

13 di ghjugnu di u 1981 : a cuppa hè nostra !
Articulu messu in linea u 13/06/2015, aghjurnatu u 13/06/2016

u 13 di Ghjugnu 2016


Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta