Accueil
Envoyer à un ami
Version imprimable
Partager

15 idee di custumi veramente goffi per halloween

Semu d'accordu, in più d'esse un'americanata cummerciale, halloween hè una festa cumplettamente has-been. À tal puntu ch'ella ùn hè più festighjata chè in Corsica.



15 idee di custumi veramente goffi per halloween
Avete rimarcatu chì halloween hè passata di moda... fora da ind'è noi ?

Allora sì veramente vulete vestevi sta sera, piuttostu chè di caccià una vechja mascara di Scream di l'anni 90 chì ùn face più paura à nimu, eccu unepoche d'idee di custumi da veru spaventosi.

In prefettu

D'accordu, un custume di prefettu face di più ride chè paura. Ma face sempre u so picculu effettu in una serata custumata.
15 idee di custumi veramente goffi per halloween

In Skeletor

Eccu un gattivu, antipàticu, sempre azezu è goffu cum'ellu ùn si ne face più. In più, quale ùn hà mai avutu u laziu di piglià stu biondu pienu di créatine di Musclor à pattoni ?
15 idee di custumi veramente goffi per halloween

In Yvette Horner

Ma cusì mancu à a Madrague ùn vi lascianu entre.
15 idee di custumi veramente goffi per halloween

In Thiriez

Un grande clàssicu d'halloween. Ma pigliate u rìsicu di favvi piglià à pattoni da un sustenidore di u Sporting briacu.
15 idee di custumi veramente goffi per halloween

In Chevènement

In a cuntinuvità di "le retour des morts-vivants"...
15 idee di custumi veramente goffi per halloween

In Père Fouras

Perchè in fine di contu, anch'ellu hà veramente una faccia à pattoni.
15 idee di custumi veramente goffi per halloween

In Jules

"Jules" era u nome di a mascotta di l'équipe de France in u 1998. Bisognu d'aghjustà qualcosa ?
15 idee di custumi veramente goffi per halloween

In Stormtrooper

Questi quì sò peghju chè u GIGN. In più avà sò stati cumprati da Disney, i corci...
15 idee di custumi veramente goffi per halloween

In diàvule di u Tour de France

U peghju, hè chì stu pazzu hà veramente da vene in Corsica à l'estate 2013...
15 idee di custumi veramente goffi per halloween

In Léguman

Facianu veramente prugrammi per i zitelli strani in l'anni 80. Léguman era presentatu cum'è un bravu...
15 idee di custumi veramente goffi per halloween

In turisti

"Pumataghji II, le retour", eccu un tìtulu di filmu d'orrore.
15 idee di custumi veramente goffi per halloween

In Francis Lalanne

Custì dinù, ci hè pochi affari da aghjustà.
15 idee di custumi veramente goffi per halloween

In Squadra d'Arozza

Cunniscite a Squadra d'Arozza ? N'avemu parlatu parechje volte nant'à A Piazzetta hè questì quì sò più forti chè e squadre di l'ACA è di u Sporting, hè una prucessione di morti chì voltanu ind'è i vivi.

Ma ùn v'inchietate, l'omi pulitichi ci prutegenu contr'à elli. Laurent Wauquiez, merre UMP di Le Puy-en-Velay hà interdettu in a so cumuna una "manifestazione di zombies". Semu salvi.
15 idee di custumi veramente goffi per halloween

In elettu

Stu ritrattu hè statu realizatu senza Photoshop.
15 idee di custumi veramente goffi per halloween

u 31 d'Utrovi 2012


Da u più recente à u più anzianu | Da u più anzianu à u più recente

54.mandatu da u webmaestru u 04/11/2012 13:07
Eccu, chjudimu quì i cummmenti, lascendu a cunclusione à u nostru amicu Petru, in piena forma ancu a dumenica.

Vistu u statu d'azizume di certi, vi prumettimu chè no ùn parleremu più d'Halloween.

53.mandatu da Petru u 04/11/2012 12:17
@ Linguatorta (Adolfetta)

Ci vuleria à mette à qualchissia di razza pura è d’una bellezza straordinaria cum’è tè à a so piazza.


@ Jean-Geek (u zuccarellistu di dumane)

« aghju sempre vutatu Corsica Nazione. Dopu aghju sempre vutatu Corsica Libera »
Voli una medaglia ?

« vistu che tu devi esse un militante attivu di stu muvimentu (per parlà cusì forse serai ancu a l'esecutivu) »
Iè, devu esse ancu un capimachja di u fronte, è perchè micca u presidente i u Venezuelà PER PARLÀ CUSÌ !
(PARLÀ CUSÌ vole dì esse capace di scrive più di 2 filari, iè basta cusì pocu oghje !)

« Ma quandu ti leghju [...]mi pongu e dumande pe e prussime elezzione... »
Si vede bè u valore è a forza di u to impegnu.
Vota per Zuccarelli s’ella ti face piacè, prò ti fia ! N’aghju poca primura eiu...


@ babbo (u più debbule chì si crede u più forte)

« So i piu forte si francesi, hanu ancu culunizatu "a piazzetta" »
Sò ancu più forti di pettu à i cerbelli in presitu.


@ Mariuccia (l’intuition féminine)

« Corsica Libéra s'attacca à A Piazzetta!!!!?? »
Avà sò u riprisententu di Corsica Libera, ancu quessa !! Perchè micca di tutta a Corsica postu chè tù ci sì !?

« Avete (o piuttostu "hai" postu chè tù si solu) l'impressione d'esse un grande rivuluziunariu allora che tù FACI NUNDA per u to paese,bellu piattu in daretu a l'écran..... »
Eccu un bellu esempiu di ciò chì si chjama una projection. Tuttu hè dettu.

« Vai a fatti un opération commando solu solu on prefettura »
Hè sempre megliu di mandà à l’altri è di gode si davant’à u spettaculu, nò ?
È soprattuttu per pudè fà i so picculi cummenti stupidi è udiosi annant’à i fori virtuali (apiazzetta o corse matin sciglite u vostru) !
Oh Diu ! Corci quelli chì sacrificheghjanu a so vita per stu populu diventatu cusì schifosu in a so maiò parte. C’hè da pienghje.

U più scemu hè di pensà chì quelli di Corsica Libera (o altri) anu da vene quì à perde u so tempu à mezu à tanta cunneria. Ancu assai chì sò statu u solu à fà mi intrappulà, ùn sapia ancu chì stu situ hè a versione cursofona è forse appena più branchée di corse matin.
Cuntinuate e vostre mancanze di rispettu degne di i più grandi spirtoni è statevine puru in a vostra miseria !

Chì di ghjallina nasce in terra ruspa

Vi salutu

52.mandatu da www u 04/11/2012 11:47
Eccu...... Sti cummenti sò prova chi a Corsica stà veramente male

Insulte è viulenza per una photo piuttostu simpatica di Jean-Guy.....

Simu à caternu.... Site diventati scemi compii

Aghju a voglia di rende


51.mandatu da stumacatu u 04/11/2012 07:55
Ritrovu a nostra bella Corsica : intulleranza e viulenza !!

Leghjendu sti cumenti, mi digu che i fucilati tra corsi un so tanti luntanu à vultà...

E un circattti micca questu o quellu : semu tutti listessi !
Un c'hè ch'à leghjà...

Povera Corsica : zuccaru per porci...

50.mandatu da Mariuccia u 03/11/2012 17:17
Ohimelà cio ch'o lecu quì.....

Corsica Libéra s'attacca à A Piazzetta!!!!??

Ma per quale vi pigliate ?!? Avete (o piuttostu "hai" postu chè tù si solu) l'impressione d'esse un grande rivuluziunariu allora che tù FACI NUNDA per u to paese,bellu piattu in daretu a l'écran.....

Chi grossu malatu mentale che tu si..... Vai a fatti un opération commando solu solu on prefettura

Avete stumagatu à tutti, un ci hè piu nimu a e ghjurnate, e cuntinuvate si stumagà u pocu di Corsi chi fermanu..... Cuntinuvate cusi

49.mandatu da Zzz u 03/11/2012 17:12 (da un teleffuninu)
Ma mandateli à cacà tutti sti scemi chi si piglianu pè grossi patriotti allora ch'elli ùn facenu nunda

Nè surtita a notte per mette e bombe, nè militate. Tuttu cio che vo fate ghjè participà à a divisione di i naziunalisti

48.mandatu da babbo u 03/11/2012 13:01
So i piu forte si francesi, hanu ancu culunizatu "a piazzetta"

47.mandatu da Jean-Geek u 03/11/2012 10:14
O Petru, aghju sempre vutatu Corsica Nazione. Dopu aghju sempre vutatu Corsica Libera. Ma quandu ti leghju, vistu che tu devi esse un militante attivu di stu muvimentu (per parlà cusì forse serai ancu a l'esecutivu), francamente, mi pongu e dumande pe e prussime elezzione...

46.mandatu da Casata u 03/11/2012 09:46 (da un teleffuninu)
Discussione surrealista.

Eiu dicu solu chi da poi 20 anni, a storia di u muvimentu naziunale ùn hè più che "scissions..." per chi avanzate ?

45.mandatu da Linguatorta u 03/11/2012 08:45
Ma chì pigli a difesa di JGT un lucchese chì farebbe megliu à fà si un giru ind´è u dentistu è dumandà à Pieri di truvà li un travagliu chì hè un avucatu à l'affanu chì nimu ùn vole.

44.mandatu da Popopopò... u 03/11/2012 00:22
Eh bè, si Petru hè militante di CL, bella publicità per u vostru muvimentu

Si A Piazzetta hè un arnese di francizazione di a Corsica, allora chi so e lettere anonime che tu devi mandà à Corse-Matin è à France 3

Chì cerbellone

43.mandatu da terminatore u 02/11/2012 23:24
vi sbagliate, avà Venturi u giacobbistu si marita cù Colombani l'amicu di Jean Guy... Unione naziunale ! Infine .... à mumenti simu salvi.... Un simu più à Halloween o zitè, simu alluppiati ....

42.mandatu da Sampieru u 02/11/2012 20:15 (da un teleffuninu)
Ma cosa parli, o gloscia !!! Talamoni, hè quellu chi ha sempre pigliatu a difesa di Charles Pieri, hè cusi ?

30 anni di lotta, 30 anni d'affanni

41.mandatu da Pseudonimu u 02/11/2012 17:56
Chjamate u SAMU, stu vechju connu s'hà da fà un infarctus


40.mandatu da Filicaghju u 02/11/2012 17:49
Ùn hè micca pussibule, hè una magagna stu tippu...

39.mandatu da Petru u 02/11/2012 17:27
Prima, in quant’à a nostra lingua struppiata, ricunnoscu vulinteri chì mi sbagliu ancu eiu. Per esempiu : vi futtite ; a risa ; bench’ellu si dica. È mi ne scusu. Eccu, avà hè detta. Ma a sapete, cù u guastà s’ampara !
Dopu, pè ciò chì tocca à l’insulti, a mea hè per u situ è hè ghjustificata da parechje ragione chì quelli di stu situ, per mancà di rispettu sò ben più forti chè mè. Altremente, quelli chì m’insultanu ind’ i cummenti, vi lasciu à voi stu priviligiu chì eiu ùn ne vecu tantu l’interessu s’ell’ùn hè faccia à faccia.

@going to pink house (eccu un bellu pseudo pè andà à fà a festa in buatta di notte incù e stars di mafiosa. vodka-redbull per mè, ma aspettate ci vole ch’o andessi à riimpulverà mi u nasu)
« chè tù a voglia o nò, A Piazzetta dapoi 5 anni hà fattu di più avanzà a causa di a lingua corsa chè 20 anni di pienghjulimi di i naziunalisti chi ùn a parlanu mancu più.

è mi pare chi stu situ hà sempre dinunziatu i prublemi di a demugrafia, di l'immubiliare, di l'acculturazione, di l'assassiniu fattu à u nostru populu ogni ghjornu.

l'ai intesi i naziunalisti pè dinunzià à Thiel à festiventu ?
l'ai intesi pè parlà di u foncier ? (appena u Rinnovu eri)
i senti spessu parlà di a francizazione di a Corsica ?
di a nostra lingua struppiata ?
di Chevènement ? »

Infine qualcosa chì face veramente ride annant’à stu situ !
Site voi i veri resistenti alora, averemu intesu tuttu. U peghju hè chì vo a cridite da veru.
O ghjente un suppulu di mudestia ùn vi feria micca male…
Paragunà omi è donne chì si battenu pè a Corsica, fendu un pocu più chè dinunzià e cose, certe volte andendu sin’à u più altu sacrifiziu, incù quelli chì scrivenu i so picculi articuli annant’à u ternet, ci vulia à falla !
Da quì à pocu serete più forti chè Pasquale Paoli !

S’elli pienghjenu i naziunalisti cum’è tù dici ghjè forse perchè ùn c’hè tantu da ride. Omancu sò à capu di a realità, ùn si piattanu micca sempre daret’à una falza risa stupita. Ùn la dice u pruverbiu ? A risa stà in bocca à i pazzi.

I naziunalisti ùn parlanu di nulla è ùn facenu niente, hè vera, v’aspettanu... v’aghju da fà un picculu rigalu, v’aghju da dà una risposta degna di u vostru livellu :
« i naziunalisti sò tutti maffiosi è ùn sò boni ch’à piglià i soldi »
Cuntenti ? Vidite, ùn hè micca difficiule di diventà un veru resistente made in apiazzetta.com

Di a francisazione, ne pudete parlà postu chì ne site dinò attori. Di manera più suttile chè un stracciu cum’è colon matin ben intesu. Vi rammentu a vostra campagna guasgi officiale per u partitu sucialistu francese durente e presidenziale francese, quandu à sola campagna ghjuvatoghja per u nostru populu fù quella per l’astenzione. Pigliendu a scusa di l’anti-fascisimu, avete chjamatu i Corsi à piglià parte, à sottumettesi à sta falza puliticaccia francese, trattendu di fascisti tutti quelli chì ricusavanu.
Ancu più insidiosu, participate a nurmalizazione di i codici, di l’usi di i pinzuti. Un pocu à a manera di e lettere anonime in quaranta. Noi in Corsica simu stati esemplarii grazia à Diu, ma era in quaranta. Chì ne seria oghje. Quandu certi si sentenu forti insultendu ghjente ch’ùn cunnoscenu mancu solu pè un disaccordu, prutetti daretu à l’anonimatu di pseudonimi più ridiculi l’uni chè l’altri, cumu si cumporteranu quessi in situazione simile ?

È soprattuttu, pè certi, ùn site mancu più capaci di ragiunà. Innanzu, sapiamu parlà è scrive cum’è cristiani. Avà, certi scrivenu un’infrasata o duie – ma micca di più – pè insultà, è cusì sò persuasi di discorre ! Sti cumpurtamenti custì sò favurizati da i fori virtuali cum’è tù dici ghjust’appuntu. È apiazzetta si trova in testa di i fori Corsi per què.

Ghjè per mè un bellu esempiu di francisata culturale è voi avete a vostra parte di responsabilità, à titulu dinò di giurnalettu «poil à grater» à sapè : quì si vene solu per RIDE ancu s’ell’ùn hè comicu è s’ellu hè irrespettuosu, ùn face nulla, ci vole à RIDE ! È quandu ci ne unu chì dice certe verità invece dì spanzassi per nulla cum’è un imbecile, di sicuru, si face insultà. Cusì mantinite à ghjente in a so cunneria è tuttu và bè...

In quant’à Chevènnement, li fate falà dopu ad avè chjamatu i Corsi à vutà pè u so partitu (puderete sempre dì ch’ùn hè micca u SO partitu è tuttu u mondu vi crederà !).

« nò, ùn anu micca tempu, si sterpanu trà d'elli in cunnerie ch'elli sò i soli à capisce »

Ah quì alora sò obligatu à felicità ti ! Tù ai riesciutu à mette a manu annant’à l’assassini è ancu à falli cunfessà ch’elli sò NAZIUNALISTI. Bravu !!

« ma tù, fora di dà e to lezzioni nant'à un forum virtuale, di stupà è lampà u to velenu è d'insultà a ghjente, chi faci per u to populu ? »

Voli sapè cosa facciu per u mio populu ? Innanzu à tuttu, facciu prova di RISPETTU per i patriotti Corsi. Ùn mi pigliu micca pè un riprisintentu di a libertà di spressione disprezzendu u so impegnu sinceru, in u virtuale.
E di lezzione ti ne deraghju una, ùn ti ferà male : per fà ride veramente, ci vole prima u talente, è dinò u curagiu. Mette Ghjavan Guidu Talamoni in u listessu saccu chè bonnet, dicendu ch’elli sò tutt’è dui abbastanza goffi per serve di custumi per halloween, ùn hè nè talente (zitelli di 4 anni ponu fà megliu) nè curagiu, è i scherzi di vigliacconi ùn ponu fà ridichjà chè... i vigliacchi.

@ Ghjuvà
Ghjustu una quistione sè tù voli bè : ghjucà à a risa u surrisu di Talamoni, o perchè micca i capelli di Benedetti o a manera di veste si d’un altru, ecc. ghjè què esse critichi cù i muvimenti è rimette si in causa ?

@ Filicaghju
U male hè « solu » di mette lu à u listessu livellu chè bonnet è tutti l’altri.

@ aiotuttiifratelli
Iè l’aghju da fà dopu e tamante risate chì facciu quì, è cusì tutte e piaghe di u populu Corsu sparisceranu. Ti ringraziu pè u preziosu cunsigliu.

@ Jeanguitar (u più bellu pè a fine)
« [...]Jean-Guy, chi ellu stessu deve spanzassi di tutta sta cumedia pè nunda... »
Ah iè ! deve spanzassi, si gode sicuramente, hè cuntentissimu di vede chì dopu à tuttu ciò ch’ellu hà datu u so paese, hè ghjucatu à a risa da un paghju di merdosi annant’à internet.

38.mandatu da aiotuttiifratelli u 02/11/2012 16:19
O pè FUMA TI UN BELLU TIZZONE PA CALMA TI A PENA

37.mandatu da ancuquessaavale u 02/11/2012 12:14
dumandate piuttostu à Tatti quand'ellu parte in Sardegna,cio ch'ellu manghja? cio ch'ellu canta?cio ch'ellu leghje? è soprattuttu cio ch'ellu PARLA...... vi dicerà: "quandu so in Sardegna, manghju, cantu,ballu è ùn parlu ch'è SARDU, allora ùn lu capiscu micca....

36.mandatu da ghjuva u 02/11/2012 09:20
bravu Filicaghju......e forze a piazzetta e sopratuttu FORZA A CORSICA

35.mandatu da Filicaghju u 02/11/2012 01:33
E cume hà dettu unu : tinite a vostra energia contra i nemichi di a Corsica, mansa di tonti

34.mandatu da Filicaghju u 02/11/2012 01:31
Stu ritrattu hè ridiculu ma piuttostu simpaticu, un vecu micca induve hè u male contr'a jean-guy...

Quale si ne ride d'ellu o Petru ? Nimu...

Peghju a faccia di Ghionga !

Calmatevi tutti appena !!!

33.mandatu da Agathe Trel u 01/11/2012 22:45
Mi facini ride quiddi chi parlini in nome di Jean-Guy chi n'ha nunda à futta di tuttu que

Vo aveti bè a vostra piazza à i Canistrelli Clandestini !

32.mandatu da Memuriale di i "korsi" u 01/11/2012 21:29
Talamoni hè un'elettu cum'è l'altri. Puntu è basta. Hè duru quand'ellu parla di Simeoni ma vota u bugettu di Giacobbi quanbdu chì i muderati votanu contru. Iè hè quessa a Corsica. U peghju serà per quelli chì passanu a so giuventù in prigiò....

31.mandatu da Kinahava u 01/11/2012 20:23
Eiu aghju sempre vutatu à Corsica Libera è n'aghju nunda à futte di JGT è di e cunnerie di Petru...

Perdite u vostru tempu, o l'azezi, feriate megliu di spende a vostra energia e u vostru tempu à cumbatte a FRANCIZAZIONE di A Corsica, è micca A Piazzetta

Paese di scemi.....

30.mandatu da Chi si passa? u 01/11/2012 20:16 (da un teleffuninu)
Ca y est, c'est le match A Piazzetta vs Corsica libera ?

Ça y est les militants de CL se sont passés le mot pour voler au secours du grand manitou ?

Mi stumacate...mandate u naziunalisimu corsu à caternu cù i vostri cumpurtamenti

29.mandatu da Marc Anto u 01/11/2012 20:11
aghju l'impressione chi certi ùn aspettanu ché una cosa : ch'ella s'arresti A Piazzetta, u solu spaziu di spressione di i media corsi

allora a quelli chi un so cuntenti : andate à leghje u vostru Ribombu di merda è andate à favvi inculà

28.mandatu da Corsuechipofà u 01/11/2012 20:00 (da un teleffuninu)
Oh ghjente ?
Si po ride di tuttu e anchu di jean guy e m''avvaria piecciuttu di ride stà sera mà ci vole à dilla, a piazzetta prova à face ride mà un ci ghjunghje tantu... disgraziosamente

27.mandatu da Corsuechipofà u 01/11/2012 20:00 (da un teleffuninu)
Oh ghjente ?
Si po ride di tuttu e anchu di jean guy e m'avvaria piecciuttu di ride stà sera mà ci vole à dilla, a piazzetta prova à face ride mà un ci ghjunghje tantu... disgraziosamente

26.mandatu da antone u 01/11/2012 19:39
dunque avà a sapemu : si po ride di tutti, di Simeoni, di Giacobbi, di Francisci, di Zuccarelli, di Benedetti, di i pinzuti, di Thiel è di i pumataghji...

... ma micca di Talamoni.

và bè, a saperemu.

a Corsica avanza.

25.mandatu da orsucurtinese u 01/11/2012 19:12
@ antone
Eccu a Corsica d'oghje : si po ride di tuttu, hè nurmale?

dunque ridite puru.....in lu frattempu....

anch'eo so talamunistu , e un mi sta bè " u ride di tuttu"....

24.mandatu da Jeanguitar u 01/11/2012 18:49
à mè cio chi mi face ride hè chi Petru risponde pè Jean-Guy, chi ellu stessu deve spanzassi di tutta sta cumedia pè nunda...

in tutti i casi ringrazii à A Piazzetta per avè sbuscatu l'ultimu talamunistu di u mondu !


23.mandatu da Nimu u 01/11/2012 18:19
a verità hè chi Corsica Libera, cume tutti i naziunalisti, anu bisognu di ricunniscenza da l'eletti tradiziunali e ch'ellu un ci hè più nimu per occupà u terrenu

22.mandatu da OREZZA u 01/11/2012 17:56
Site tutti scemi...

si ride d'una fotto RIDICULA di Corse-Matin chi ùn hà nisun sensu puliticu, nunda di più mi pare.... è si face un prucessu à A Piazzetta per quessa

chi mansa di tonti

21.mandatu da ANTO u 01/11/2012 17:32
Simu digià pochi in issu paese a esse a pocu pressu corsi ,allora cerchemmu di micca cacciaci l'occhji tra di noi chi l'altri si n'occupanu bè .

20.mandatu da Stonclette u 01/11/2012 17:31
O populu corsu pesa u capu vidarei piu luntanu

19.mandatu da Vinzaresu u 01/11/2012 17:27
Avia raggiò lizarazu à l'epica: Petru l'âne

18.mandatu da bistugliu u 01/11/2012 17:02
poveru à tè, o Petru...

17.mandatu da Ghjuvà u 01/11/2012 16:54
Petru, vai à chjinatti chi dici n'importa chè

a magiurità di a ghjente chi scrive nanta stu situ hè siguramente piuttostu di sensibilità naziunalista, CL, Rinnovu, Manca o Femu a Corsica

ma à a differenza di tè, ghjè chi assai sò critichi cù i muvimenti è si rimettenu in causa

chi hè l'interessu di sta fotto cun sta closcia di Tatti, chi ùn vole sente nunda nant'à a coofficialità ? mancu Ghionga ùn u supporta più

hè ellu a CFR d'oghje

eppo à dilla franca, ùn vecu micca chi hè u disprezzu fattu à Talamoni qui. francamente.... so siguru chi anch'ellu l'hà pigliata bè

16.mandatu da going to pink house u 01/11/2012 16:46
ùn hè micca d'un Prozac che tu ai bisognu, hè d'un mese in sant'ornellu

chè tù a voglia o nò, A Piazzetta dapoi 5 anni hà fattu di più avanzà a causa di a lingua corsa chè 20 anni di pienghjulimi di i naziunalisti chi ùn a parlanu mancu più.

è mi pare chi stu situ hà sempre dinunziatu i prublemi di a demugrafia, di l'immubiliare, di l'acculturazione, di l'assassiniu fattu à u nostru populu ogni ghjornu.

l'ai intesi i naziunalisti pè dinunzià à Thiel à festiventu ?
l'ai intesi pè parlà di u foncier ? (appena u Rinnovu eri)
i senti spessu parlà di a francizazione di a Corsica ?
di a nostra lingua struppiata ?
di Chevènement ?

nò, ùn anu micca tempu, si sterpanu trà d'elli in cunnerie ch'elli sò i soli à capisce

ma ai ragiò, sobratuttu ùn ci vole micca à tuccà à Jean-Guy.

ma tù, fora di dà e to lezzioni nant'à un forum virtuale, di stupà è lampà u to velenu è d'insultà a ghjente, chi faci per u to populu ?

15.mandatu da Linguatorta u 01/11/2012 16:12
O Pè s'o mi possu permette a forza di stu situ hè di pudè parlà di tutti i sugetti in lingua corsa ridendu si di tuttu è di tutti. Cum´è Mascone à l'epica chì ne facia falà per tuttu u mondu è ognunu à sapia è ne dumandava. À mezu à e rivendicazione qualesse sianu quellu chì amaestreghja a risa hà un passu d'avanzu nant´à l'altri. Ùn và micca à circà troppu luntanu, simu tutti unu à fiancu à l'altri, penserosi di listesse cose cum´è tè.

14.mandatu da ghjuva u 01/11/2012 16:01
ai rasgii o pedru..ma certi cumu aghju dettu si sentenu sempre frencesi...i corsci..

13.mandatu da Petru u 01/11/2012 15:20
U mo prublema hè chì un situ chì hà fattu guasgi campagna per u partitu sucialistu francese durente l’elezzione presidenziale francese, bench’ellu si dice Corsu, ùn hà dettu nulla quandu stu partitu sucialistu francese impidia i Corsi d’andà in Nizza per u solu mutivu d’esse Corsu (mancu stu baschicciu di sarkosy ùn l’avia fatta).
Soca ùn aviate l’estru di ride…
Ma per ellu v’hè chjappu l’estru !
Hè vera chì servesi d’un ritrattu pocu avantaghjosu per futtesi di qualchissia hè assai comicu.

Ma u più gravissimu per mè, hè chì daretu à a scusa di a risa, rindite tuttu derisoriu mittendu à u listessu livellu un imbecile vestutu da diavule per u giru di francia, francis lalanne, ecc. è un omu chì hà passatu a so vita sana à difende u nostru paese cun pochi mezi, risichendu ancu a morte.

Innò ùn hè micca un « santu diu »(hahaha quantu si pò ride quì!).
Hè un omu sinceru chì merita u rispettu.
Sò digià abbastanza numerosi i colons à stuppà li in faccia, ùn anu micca bisognu di voi pè aiutalli.

À tutti i difensori di à libertà di spressione à duie vitezze, chì sò stumacati di a mio reazzione è chì mi cunsiglianu u prozac, vi dicu solu : ridite puru chì ci hè da ride !
Fate vi una bella scaccanata è tuttu và bè…

12.mandatu da ghjuva u 01/11/2012 15:09
per me a disgrazia e di vede talamoni incu u omu cume tatti....capiscu ava perche sinu cusi male oghje in corsica...se ancu i naziunalisti detti "dur" un anu nunda a fa che di fassi ritratta incu quelli cume tatti chi si sentenu piu frencesi che i frencesi

11.mandatu da Hanzu u 01/11/2012 13:05
beuh... poc'affari !!!

chi ghjè chi ti dirangia in sta fotto o Petru ?

ti pare esse un affrontu à u to Santu Diu Talamoni ?

Caccia ne appena no !!!

eiu ci vecu un ritrattu ridiculu fattu da u fottograffu di Corse-Matin, cun trè scurnachjoni chi piglianu a posa cum'è in "Onze Mondial"

è induve a leia trà Talamoni è Tatti ?

chi paese di malati... pigliati un Prozac o Pè, è vai à chjinatti

10.mandatu da antone u 01/11/2012 12:41
Eccu a Corsica d'oghje.

un si po più ride di nunda.... mettite una photo di Talamoni cun Tatti, chi ùn hè mancu gattiva è vi fate trattà di tuttu è di "manghja merda"

truvate ch'ella hè normale ?

poveru paese....

9.mandatu da Pseudonimu u 01/11/2012 02:57
Chi hè u to prublema o Petru ?

8.mandatu da Chi fà... u 01/11/2012 00:13
O Petru calma ti a pena, simu qui per ride a pene, e si po di chi nant'a stu ritrattu, a un surrisu du baulu stu tintu "Jean Guy". Ma pensu ch'ellu a fa a posta per esse cume Tati. Bona sera a tutti e longa vita per A Piazzetta.

7.mandatu da Petru u 31/10/2012 20:06
Vecu chì vi futtate di Ghjuvan Guidu Talamoni.
Cum'è vo site curagiosi ! ! !
Què alora ghjè una bella prova di curagiu è soprattuttu è assai assai comicu.
Hè talmente comicu chì sò guasgi morti di risu, ùn possu mancu più respirà...

O mansa di manghja-merda.

6.mandatu da L'orsu u 31/10/2012 19:29
Induve si pò truvà u custume di Tatti per fà paura à i zitelli ?

5.mandatu da Stonclette u 31/10/2012 18:52
Cu stu tempu u custumu officciale ghje u "ciret " giallu

1 2

Seguitateci nant'à Facebook


L'articuli

Abbunatevi à a newsletter

Circà nant'à A Piazzetta