15 idee di custumi veramente goffi per halloween

Avete rimarcatu chì halloween hè passata di moda... fora da ind'è noi ?

Allora sì veramente vulete vestevi sta sera, piuttostu chè di caccià una vechja mascara di Scream di l'anni 90 chì ùn face più paura à nimu, eccu unepoche d'idee di custumi da veru spaventosi.

In prefettu

D'accordu, un custume di prefettu face di più ride chè paura. Ma face sempre u so picculu effettu in una serata custumata.

In Skeletor

Eccu un gattivu, antipàticu, sempre azezu è goffu cum'ellu ùn si ne face più. In più, quale ùn hà mai avutu u laziu di piglià stu biondu pienu di créatine di Musclor à pattoni ?

In Yvette Horner

Ma cusì mancu à a Madrague ùn vi lascianu entre.

In Thiriez

Un grande clàssicu d'halloween. Ma pigliate u rìsicu di favvi piglià à pattoni da un sustenidore di u Sporting briacu.

In Chevènement

In a cuntinuvità di "le retour des morts-vivants"...

In Père Fouras

Perchè in fine di contu, anch'ellu hà veramente una faccia à pattoni.

In Jules

"Jules" era u nome di a mascotta di l'équipe de France in u 1998. Bisognu d'aghjustà qualcosa ?

In Stormtrooper

Questi quì sò peghju chè u GIGN. In più avà sò stati cumprati da Disney, i corci...

In diàvule di u Tour de France

U peghju, hè chì stu pazzu hà veramente da vene in Corsica à l'estate 2013...

In Léguman

Facianu veramente prugrammi per i zitelli strani in l'anni 80. Léguman era presentatu cum'è un bravu...

In turisti

"Pumataghji II, le retour", eccu un tìtulu di filmu d'orrore.

In Francis Lalanne

Custì dinù, ci hè pochi affari da aghjustà.

In Squadra d'Arozza

Cunniscite a Squadra d'Arozza ? N'avemu parlatu parechje volte nant'à A Piazzetta hè questì quì sò più forti chè e squadre di l'ACA è di u Sporting, hè una prucessione di morti chì voltanu ind'è i vivi.

Ma ùn v'inchietate, l'omi pulitichi ci prutegenu contr'à elli. Laurent Wauquiez, merre UMP di Le Puy-en-Velay hà interdettu in a so cumuna una "manifestazione di zombies". Semu salvi.