Eramu in u 43.
Dapoi l’ondeci di nuvembre di u 1942, sò à pocu pressu 85.000 suldati italiani chi occupanu a Corsica. E truppe di Mussolini stallanu u so cummandu in Corti è un distaccamentu in ogni cantone.
A pulizza pulitica facista accumpagna i militarii : l’OVRA (Opera Volontaria di Repressione Antifascista), spezia di Gestapo taliana. Stu serviziu secretu arresta a ghjente è apre un campu di prigiuneri in Prunelli di Fiumorbu. Stu locu tene più da u Stalag 13 di u Kolonel Klink ch'è di u veru campu.
I Corsi sò presi trà i puteri publichi corsi chì cullaboreghjanu incù Vichy è l’occupazione militaria taliana. A resistenza si face subitu è s’organizeghja sott’à u nome di Fronte Naziunale (nunda à chì vede incu u FN di Marine Le Pen chì sarìa piuttostu statu indè l’altru campu).
Ind'a notte di u primu à u dui di feraghju di u 1943, in Saleccia, u sottumarinu « Casabianca » sbarca 13 tone d’arme pè i resistenti corsi.
U 17 di ghjugnu 1943, indè a « Brasserie nouvelle », 50 corsu Napoléon in Aiacciu, sò adduniti Jules Mondoloni, André Giusti è Pierre Stefanaggi. Aspettanu tutti à Jean Nicoli per una reunione secreta.
Versu 7 ore di sera, sbarcanu e truppe d’occupazione. Ottu militarii fascista di u contru-spiunagiu entrenu per truvalli. U caffè tandu ùn era micca un locu « lounge & sushi » ma un dipositu per u materiale di a resistenza.
Sapendusi presi, i Corsi facenu saltà u piombu.
Maurice Choury, cugnatu di Danielle Casanova è resistente corsu conta a fucilata: " Sur le point d’être fouillé, André Giusti sort son parabellum. Le brigadier Bisogna se jette sur lui mais est abattu par Jules Mondoloni. C’est le signal d’une fusillade générale au cours de laquelle Giusti et Mondoloni abattent l’adjudant-chef Sias et le carabinier Francesco Coppi et tombent à leur tour sous les coups de renforts italiens accourus au bruit. "
Giusti, face diversione è sorte da u caffè tirandu nant’à i nemichi. Mondoloni hè feritu, fattu prigiuneru si ne more quarant'ottu ore dopu à l'ospidale «Eugénie» d’Aiacciu induve Jean Nicoli riescerà à vedelu, di notte, à l’appiattu. L’omu ùn hà micca parlatu, i sicreti di a resistenza fermanu salvi.
I dui cumbattenti corsi sì sò sacrificati per permette à i so cumpagni di scappà è di cuntinvuà a lotta di liberazione.
Per vindicassi, l’armata taliana arresta a ghjente di u paese di Jules Mondoloni : 45 persone di u Pitretu è Bicchisgià sò arrestate, 33 seranu depurtate.
Dumenicu Lucchini dettu «Ribellu» (quellu di a canzona di Canta « E tù, Dumenicu »...) piglierà a seguita di Mondoloni cum'è capimachja di u Fronte Naziunale da Tallà sin’a Pitretu Bicchisgià è Portipoddu.
Giusti avia 37 anni. Mondoloni avia 29 anni.
A Corsica serà liberata d'ottobre di u 43.
Hélène Chaubin, scrive in u so libru « La Corse à l’épreuve de la guerre 1939-1945 »: « (En Corse) la population a répondu à un ordre d’insurrection contre les occupants sans attendre le secours d’un débarquement allié : ce choix n’a pu être répété nulle part ailleurs. Aussi, la mémoire de l’évènement s’inscrit-elle dans une vision héroïsante, constitutive d’une identité qui repose sur l’esprit de liberté et la tradition du courage. »
Dapoi l’ondeci di nuvembre di u 1942, sò à pocu pressu 85.000 suldati italiani chi occupanu a Corsica. E truppe di Mussolini stallanu u so cummandu in Corti è un distaccamentu in ogni cantone.
A pulizza pulitica facista accumpagna i militarii : l’OVRA (Opera Volontaria di Repressione Antifascista), spezia di Gestapo taliana. Stu serviziu secretu arresta a ghjente è apre un campu di prigiuneri in Prunelli di Fiumorbu. Stu locu tene più da u Stalag 13 di u Kolonel Klink ch'è di u veru campu.
I Corsi sò presi trà i puteri publichi corsi chì cullaboreghjanu incù Vichy è l’occupazione militaria taliana. A resistenza si face subitu è s’organizeghja sott’à u nome di Fronte Naziunale (nunda à chì vede incu u FN di Marine Le Pen chì sarìa piuttostu statu indè l’altru campu).
Ind'a notte di u primu à u dui di feraghju di u 1943, in Saleccia, u sottumarinu « Casabianca » sbarca 13 tone d’arme pè i resistenti corsi.
U 17 di ghjugnu 1943, indè a « Brasserie nouvelle », 50 corsu Napoléon in Aiacciu, sò adduniti Jules Mondoloni, André Giusti è Pierre Stefanaggi. Aspettanu tutti à Jean Nicoli per una reunione secreta.
Versu 7 ore di sera, sbarcanu e truppe d’occupazione. Ottu militarii fascista di u contru-spiunagiu entrenu per truvalli. U caffè tandu ùn era micca un locu « lounge & sushi » ma un dipositu per u materiale di a resistenza.
Sapendusi presi, i Corsi facenu saltà u piombu.
Maurice Choury, cugnatu di Danielle Casanova è resistente corsu conta a fucilata: " Sur le point d’être fouillé, André Giusti sort son parabellum. Le brigadier Bisogna se jette sur lui mais est abattu par Jules Mondoloni. C’est le signal d’une fusillade générale au cours de laquelle Giusti et Mondoloni abattent l’adjudant-chef Sias et le carabinier Francesco Coppi et tombent à leur tour sous les coups de renforts italiens accourus au bruit. "
Giusti, face diversione è sorte da u caffè tirandu nant’à i nemichi. Mondoloni hè feritu, fattu prigiuneru si ne more quarant'ottu ore dopu à l'ospidale «Eugénie» d’Aiacciu induve Jean Nicoli riescerà à vedelu, di notte, à l’appiattu. L’omu ùn hà micca parlatu, i sicreti di a resistenza fermanu salvi.
I dui cumbattenti corsi sì sò sacrificati per permette à i so cumpagni di scappà è di cuntinvuà a lotta di liberazione.
Per vindicassi, l’armata taliana arresta a ghjente di u paese di Jules Mondoloni : 45 persone di u Pitretu è Bicchisgià sò arrestate, 33 seranu depurtate.
Dumenicu Lucchini dettu «Ribellu» (quellu di a canzona di Canta « E tù, Dumenicu »...) piglierà a seguita di Mondoloni cum'è capimachja di u Fronte Naziunale da Tallà sin’a Pitretu Bicchisgià è Portipoddu.
Giusti avia 37 anni. Mondoloni avia 29 anni.
A Corsica serà liberata d'ottobre di u 43.
Hélène Chaubin, scrive in u so libru « La Corse à l’épreuve de la guerre 1939-1945 »: « (En Corse) la population a répondu à un ordre d’insurrection contre les occupants sans attendre le secours d’un débarquement allié : ce choix n’a pu être répété nulle part ailleurs. Aussi, la mémoire de l’évènement s’inscrit-elle dans une vision héroïsante, constitutive d’une identité qui repose sur l’esprit de liberté et la tradition du courage. »
U 2 è 3 d'aprile sò i "prestaticci", è hè normale d'avè tempacciu
