Accueil
Envoyer à un ami
Version imprimable
Partager

2016 annu di a Marseillaise : cumu avemu da fà à cantalla mane è sera ?



U 2016 hà da esse l'annu di a Marseillaise, l'hà decisa cusì u Presidente Hollande.



V'arricurderete chì cantà l'innu francese, puru un volta sola, hè stata difficiule. Ci hè vulsutu à riflette assai mentre chì i visi di e vittime di l'attentati di Parigi sfilavanu nant'à i screni è chì u mondu sanu cummossu cantava quellu innu universale à la libertà.

Bò, à a fine avemu cantatu.

Ma, avale l'emuzione hè passata è u guvernu di a Francia (un pays ami) ci dumanda di cantà è studià a Marseillaise in e scole.

Cumu avemu da ingolle quella lisca senza soffre ? Eccu qualchi pussibilità.

1) Cunvincesi chì Rouget de Lisle era di l'Isula

Iè, basta à cunvincesi chì Rouget de Lisle era di l'Isula. A so vera casata era Triglia (rouget) di l'Isula (de l'île). Avemu digià a casa di Cristofanu Culombu in Calvi, a truveremu una casetta di piscadore/cumpositore in Balagna.
2016 annu di a Marseillaise : cumu avemu da fà à cantalla mane è sera ?

2) Cantà a Marseillaise in paghjella

Sì pò dinù cantà a Marseillaise in paghjella. Ci vuleria chì i zitelli amparessinu à dì « Aiò, piglia la tù... », à fà serve è à intunà à trè voci. Vai chì u direttore di a scola una buttiglietta di 51 l'averà !

3) Traduce a Marseillaise in corsu

Altra suluzione, cantà a Marseillaise (a Marsegliesa) in lingua corsa :

Aiò figlioli di a patria
Hè ghjuntu u ghjornu di gloria


I prufessori di corsu feranu una traduzzione aggalabata è basta.

4) Cantalla à a manera di u "Diu vi salvi Regina"

Si pò dinù, da cursizà appena l'affare, pruvà à cantà a Marseillaise in chjesa cù un tonu pietosu assai, cum'è u « Diu vi salvi Regina ».

5) Cantalla à l'usu "A Mannella"

Pudemu dinù cantà stu cantu guerrieru in Piazza à a Loghja, à l'usu « A Mannella », cù camisge à quadretti, curpetti di villutu pè l'omi, mandile in capu pè e donne... è decine di cetere è manduline scatinate.
2016 annu di a Marseillaise : cumu avemu da fà à cantalla mane è sera ?

6) Cantalla falsu

Ci pudemu infine appiegà à cantà falsu apposta, à fà di ogni sillaba un martire, vultulendusi nudi/nude in a farina castagnina, sott'à una luce strana da mustrà di manera stramuderna a chigna spaventosa di u mondu cuntempuràneu.

7) O allora, state à sente appena di bona musica

Ma s'è no n'avemu una techja di i canti patriottichi pudemu stà à sente una bella canzona irlandese di Van Morrison cù the Chieftains pè cambià appena.



2016 annu di a Marseillaise : cumu avemu da fà à cantalla mane è sera ?

l'11 di Farraghju 2016
Zenbucucciu



1.mandatu da ùn pensà u 11/02/2016 20:54
perchè cantà la ? simu in Francia ?

2.mandatu da musu pestu u 12/02/2016 22:53
ci anu da fa cata ancu "marechal nous voila" si l'affare cuntinueghia ...

3.mandatu da Carlo Leonardi u 13/02/2016 13:51
Fighjate questu link!

http://video.espresso.repubblica.it/tutti-i-video/la-marsigliese-e-di-un-italiano/937

4.mandatu da estrimei u 13/02/2016 15:19
"2016 annu di a Marseillaise : cumu avemu da fà à cantalla mane è sera ? "
pè u bisognu a facenu esce di a cantina , ma fate casu chi à Hollande e à Valls li gherbanu di più " l'hymne à la joie" e "The Star-Spangled Banner"

Novu cumentu :