Accueil
Envoyer à un ami
Version imprimable
Partager

4 case nant'à 5 ùn sò più corse

hè Alain Spadoni chì a dice :

"Sur 324 ventes dans différentes villes de Corse, 4 ventes sur 5 sont attribuées à des non-Corses". Anu cumminciatu Les Assises du Foncier in Aiacciu è ci hè urgenza.



Hè a statìstica di u ghjornu. Ci vene da Maestru Alain Spadoni, nutaru in Aiacciu, durante a so intervenzione à e famose assises du foncier chì principianu in Aiacciu .

L'infurmazione hè data da 24 Ore.

L'attesa hè forte pè risolve sta quistione primurosa. Ma chì ne pò sorte ? U rìsicu saria chì una volta di più, ghjustu à puntu, ùn ne sorti ch'è misurette o effetti d'annunziu.

« Cette démarche pourra être de nature à modifier notre cadre d'intervention, à envisager une négociation avec l'État et les autres collectivités dans leurs domaines de compétences, à proposer éventuellement des modifications de type législatif ou réglementaire » hà dettu Paul Giacobbi.

Speremu, chì a pressione immubiliare ella, ùn cunnosce riposu...
4 case nant'à 5 ùn sò più corse

u 30 di Sittembre 2010
U Sgaiuffu



1.mandatu da estrimei u 30/09/2010 09:15
" 4 case nant'à 5 ùn sò più corse "
chi vole di ? eu un capiscu ! "corse " chi vole dì ?
mi pare chi nenzu di trattà u fundariu , ci 'uleria a achjarinì e cose .
e per chi e cose sianu chjarissime ci 'ole a specificà so ch'elli so i naziunali ,i citadini (quelli ch'o chjameria i ghjunghjidicci ), i strangeri.
si u mio discorsu vi pare ghjustificatu pruvemu a faccilà vallè .
si sta pruposta un ha sensu , so simu tutti a paru , lasciemu puru core , l' "assises du foncier " so pete di sumeri !

2.mandatu da ceccè u 30/09/2010 10:30
hè ghjusta o estrimè

ma per ch'ellu sia SPADONI chi dica quessa, ghjè chi a situazione deve esse veramente pessima

chi serà a pruposta di Giacobbi ? aghju paura ch'ella sia quessa a peta di sumere

3.mandatu da circinelludiguagnenativupèliguagnesusosanguaversatu u 30/09/2010 11:17
ind'è u meiu u paese (di "muntagna", micca di bord'di mare) possu testimunià ch'è à nantu à 5 case vindute è una custruita, val'à dì 6 in un annu, è bè 1 sola hè andata à un corsu ! 1 pà 5...!
U prublema ùn hè micca chi certi pinzuti si stallessinu quì, u prublema so i prezzi praticati chì impediscenu i giovani corsi di cumprà, allora chi par 10 millioni d'auropei, u sole, u mare è a natura ùn anu micca prezzu !
ind'è u meiu dunqua u paese, certi coppii di giovani paisani ùn si ponu micca "alignà" pettu à i francesi, vistu u prezzu di e vendite... è ci sarà sempre più riccu ca noi ! Hè par quissa chi ci vole à fà legge ecc.

4.mandatu da A muresca u 30/09/2010 15:53
Micca d'accordu incu tè CIRCINELLU, a culunizazioni di populamentu hè un periculu maio...dopu sta ghjente voterà è pigliarà decisione pè noi è i nostri figlioli, à parè meu ghjè innacettabile....

Ci vole à fà sfarenza (Si om hè patrittu..) trà corsi è l'altri incu diritti sfarenti è ùn mi parlà di "discrimination" ghjè l'iduelugia di l'Auropa liberale chi l'hà squalificatta, mmà ghjè e deve esse a matrice di tutti i naziunalisimu...in casu cuntrariu hà a ragio Estrimei seranu torna pete di sumere, tandu un parlemu più di ppopulu corsu, u francese ci basterà..!!

5.mandatu da Zeruffu u 30/09/2010 18:24
A Corsica piglia a strada di l'Irlanda Suprana.
Andemu drittu drittu versu a guerra civile...

6.mandatu da per ride u 30/09/2010 18:55
O zitè, stu fattu certu è sicuru hà parechje origine.
Sò numarose , ma ne vogliu mintuva duie chì mi parenu di primura:

Una: I corsi figlioli ne facenu pocu pocu è quand'elli i facenu hè abbastanza tardi.
Ghjè un prublema demugraficu ch'omu ùn pò schizà.
A natura, u biotu, si sbroglia sempre par impielu.

Dui: I paisani vendenu, in parte, u so patrimoniu di paese da pudè fassi casali vicinu à u mare, è po casali di quelli. Volenu gode di a vita ch'hè cusì corta...
Questi i casali costanu una mansa di soldi, è tandu li tocca à fà cresce i prezzi postu chì a dumanda ci hè (hè a lege di u marcatu).

Quand'è no parlemu di "valori corsi" ùn la sò s'è no parlemu tutti di a stessa cosa.
........U soldu piace cusì tantu, eccu un valore sicuru...............


7.mandatu da anto u 30/09/2010 19:17
S'elli ci so chi compranu ghjè chi ci so chi vendenu !E cumè u corsu ghjè sulaghju quant' e l'altri un hè dumane chi ssè vendite pianterannu !

8.mandatu da A muresca u 30/09/2010 21:30
@ per ride , ai a ragio, e demugrafia hè impurtante, mà tandu à PULITICA è micca a pulitica(caccia) so qui pè fà cambià l'affari.... una ancu si corsin facenu pochi figlioli ( Cume tutte l'Auropeani. fora di l'irlandesi.) ùn hè una ragione pè lascia i strangeri falli induve noi...è accità l'immigrazione di populamentu...incu legge è regulamneti...venenu qui perchè pon avè tuttu, s'ellu ci si caccia à e chjirasge di una arburu, l'acellu si nè vanu in altro...

9.mandatu da A muresca u 30/09/2010 21:39
Scusate pè sti nuerosi sbagli d'urtugrafia, mà a sera si po esse stanca di a so ghjurnata...

10.mandatu da BUTAGAZ u 01/10/2010 17:46
BOUM!

11.mandatu da per ride u 01/10/2010 19:16
"ùn hè una ragione pè lascia i strangeri falli induve noi...è accità l'immigrazione di populamentu...incu legge è regulamneti..." A MURESCA dixit

Circhemu di vede inseme qualese sò e rialità di u nostru tintu paese (prestu fattu...)

AVEMU BISOGNU di ghjente chì vene d'altrò:

1. Chì i corsi sò vechji pà u più, postu ch'elli ùn facenu tantu figlioli a pupulazione invechja.. è more (a ghjente compra a NM par ciò).

2. Postu chì a pupulazione invechja, manchemu di giovani da pruduce ricchezze.

3. I giovani qualificati, d'un livellu mizanu à altu vanu à travaglià da mare in là par avè paghe più alte.

4. Sò rimpiazzati da ghjente pocu qualificata (aiutu à i vechji chì u bisognu ci hè è cresce) o da ghjente chì face travagli chì i corsi ùn volenu fà (agricultura, bastimentu, turisimu: parchè troppu duru, micca cunsiderazione è pagati troppu pocu).

5. I giovani senza qualificazione volenu soldi subitu (a luce di u soldu turisticu l'abbagliacheghja) è par disgrazia fighjula versu u banditisimu (forma d'adisperu cum'è a droga è a vitezza).

6. L'elite culturale è ecunomiche corse anu pocu primura di i corsi chì sò imbriacati da u discorsu individualistu accanitu di i nostri tempi " dopu à mè ponu crippà tutti".

7. L'incurdizia è l'incumpetenza di i puliticanti (è trà mezu à elli i naziunalisti) finiscenu d'arruvinà a spiranza chì pudia sbuccià quì o culà.

Mi piantu quì chì mi vene u pientu.... è ùn vogliu cambià di numignulu.




12.mandatu da A muresca u 01/10/2010 19:49
@ A per ride: aghju capitu chi tu si pè u culunialisimu tene u discorsu di a francia dipoi sempre.. allora si tuttu ghjè finitu, allora a chi ghjova di esse naziunalistu ( Un parlu pèr tè màpè quelli chi dipoi 40 dicenu di vulè cambià e cose... forse pè elli soli..)

si tuttu hè finitu alLora hè megliu di finisce cume l'ebrei di Massada...Morti mà incu l'onore Liberi di tutta schiavitù...

13.mandatu da Asteriscu u 01/10/2010 20:31
Bravu Per ride dici certe verità mà ùn ci dai soluzione. ancu tù dà indè u discorsu di "Clemenceau" o di "Morand.... Eu n'aghju una, ùn si po impiegà a tecinica mudernissima di u "Clonage" è cusi ci sarà dà fà 300000 corsi (Cume quelli Ponte novu) ..tandu sarebbe salva a "razza" i prublema di populazione sarebbbinu sciolti...

Aio ci vole a esse muderni è avangardista no ??

PS /: Sè i corsi ùn ponu campà qui frà elli, liberi , tandu nimu ùn ci deve pudè campa..NIMU !!

14.mandatu da per ride u 01/10/2010 20:50
si tuttu hè finitu alLora hè megliu di finisce cume l'ebrei di Massada...Morti mà incu l'onore Liberi di tutta schiavitù... A MURESCA dixit

EEE.....OOOO! Pianu , ùn la sò s'è tù sè à capu, ma in Corsica nimu ùn vole more cum'è in Massada. Stà à sente i discorsi di quelli chì difendenu i prighjuneri, stà à sente i prighjuneri... È tandu capisciarè chì ùn ghjove à nulla di tene discorsi di Massada.
Fora di l'asempiu di Circinellu ùn ne cunnoscu, in CORSICA, di ghjente chì sè data à more da par ella pà patriuttisimu.

Tù, quant'à mè, sè bella ghjovana (ùn hè un difettu, nè mancu una qualità), eiu sò aghjà anzianettu è mi pare di cunnosce appena i capizzoni (è i figlioli di i capizzoni) chì facenu l'arabbiati (ogni tantu) contru à u culunialisimu, quessi , ne sò sicuru di Massada ùn ne volenu sente mancu u nome.

Sè bellu pratenziunutu pà dì ch'e sò à prò di u culunialisimu (parlà è scrive corsu è un fattu contraculunialistu), è ùn dicu chì tuttu hè compiu.

Dicu ciò ch'e pensu. S'elli ti venenu i dulori ùn ne colpa meia.

O amica s'è tù voli luttà pà u to populu, apri l'ochji è guarda a rialità, a cuscenza hè sempre dulurosa. È ciò chì ùn tomba ingrassa!

Micca a rabbia nò, a cuscenza è u curaghju.

Ti salutu ( è ùn parlaghju più nantu à stu sugettu)


15.mandatu da A muresca u 01/10/2010 22:10
Iè per ride, soforse più giovannan che tè, è averaghju sicuremente assai menu sperienza e cuniscenza di u muvimentu ( o cio ch'ellu nè ferma..) dicu ghjustu chi faci l'apulugia di cio chi ci minaccia...invece di vulè lu cumbattu, a parè meu e soluzione ragiunevule ùn purteranu nunda d'effettivu è e l'altre soluzione (Necessarie è salutive..) ùn nè pudemu (è ùn volenu mancu i cappizzoni è i so figlioli chi facenu l'arrabiati..) à causa d'ideulugia "Umanista" è francese (Droit du sol, laicité..etc..etc..)

ai ragio di di cio chè tu pensi, ùn ti sbagliu tantu nantu à u dianosticu, mà per firmà indè un ragione medicale..simu tochi di una sorte di SIDA culturale trasmessu dà u culunialisimu, è omu (è donna..) sanu bè chi contrà ellu (Sida) ùn ci tantu affari dà fà..mancu a triterapia (Liberté Fraternité égalié..) solu rimediu prupostu dà i cappizzoni (Indipendentisti o regiunalisti..mà di menu in menu naziunalisti..)
parlà corsu ùn hè più oghje un attu contra-culunialistu, a nostra lingua hè insegnata (Ohimé..) dà u pudere è diventa una sorte di tocca lucale "fulclorica" postu qu'ella ùn si sente pocu a à radio o à a televisione (Fora di qualchi sugetti bè precisi..)è a stampa scrittu ùn sinè parla... mà ùn si sente mancu più indè i carrughji...

tutti i populi devenu smarisce un ghjornu, avà tocca a noi, è i prigiuneri ponu di cio qu'elli volenu, CL è Inseme pè a corsica ...(Chi parlana di a corsica pè ùn parlà più di i corsi..) Aio, basta i sogni, simu e fermeremu francesi (0 usu nostru)..I ciarlatani ci hannu troppu purtati di folle in canzone...I CORSI si credenu più forte che u culunialisimu francese...Mà ùn simu a l'altezza....

A bona sera amicacciu
ps :Anzianettu serai mà ai u vantaggiu di ùn vede mai a corsica
diventà cio ch'ella diventerà ( Corsi ùn sarannu che copruprietari, è pocu à pocu pezzi rappurtati..), eo averaghju st'"onore"...ùn so si resisteraghju à parte in Australia à u canada pè un vede...è dà un avvene à u figliolu..

16.mandatu da LISU u 01/10/2010 22:13
o gjientè,fatè puri attinzionè,issi strangièri s'annu da cumpra ancu a noi altri,per metteci in riservè , chiusi indi stazzi .E cusi a razza di i corsi un esistera piu. CI n'anderamu a campà in israel o in palestina,cusi puderemu sta tranquilli..

17.mandatu da MOA u 01/10/2010 22:15
avemu da finisce cumu l'Indiani pellirossi, in une riserva . qualchi corsi ind'e u turismu unganizaranu visite . :(((((((((((((((

18.mandatu da MOA u 01/10/2010 22:17
saria di listessu avisu che butagaz !

19.mandatu da estrimei u 01/10/2010 22:37
e se no' pruvavamu a cumincià a campà cume naziunali:
- praticà a nostra lingua u piu pussibile e u megliu pussibbile
- primuracci di u nostru Paese.
- pensà a a pulitica d'una manera generosa e rispunsevulle -pensà a u nostru Populu nenzu di pensà a se stessi. esse attivi , riflettuti, e critichi senza suttumetteci a i pertiti pulitichi -
he vera , un he tantu faciule , ma so sicuru chi l'affari cambierianu.

20.mandatu da Zeruffu u 02/10/2010 00:31
L'affare un hé finitu. Eppuru un si po campa in un paese duve l'altri vi rendenu a vita impussibule. Se a Corsica diventa Belfast, i coloni e i speculadori un staranu tantu qui. Un si po fa cum'e se 36% di a ghjente un esistessi micca. Se i 36% agiscenu, ponu mette un scumbugliu tamantu.
E pussibilita so duie: sia u prublemu hé arrigulatu incu un statutu speciale, val'a di un'autunumia, sia un hé e allora sara a guerra civile, a colpu di petre.
Un'ultima cosa, a Massada, eiu, ci so statu. E vi possu di chi face riflette. E qualla, oghje si ghjura "Massada un caschera piu".
Allora piantatevi di pensa a a disfatta, e pensate a u vostru duve di pettu a i vosti figlioli, avemu l'ubligazione di riesce.
"U ponte un caschera piu".

21.mandatu da machja u 02/10/2010 14:42
b[Estrmei, cume spessu hai ragio,e so d'accunsentu cun te.
Ma se un mi sbagliu dipoi sei mesi , 36% di i corsi hanu messu in piazza eletti chi difendenu e nostr'idee.
Cun elli ci so ancu i partiti i piu vicini di u populu, di travagliadori e di l'operai,i sucialisti,e i nemici i piu accaniti contra u capitalisimu,i cumunisti.
Quessu he un cuntestu eccezziunale,per fa passa a nostra cuncezzione di una sucieta a l'usu corsu.
Ma se tu fideghja be, nulla un si move, a vita he sempre piu cara per noi altri, i chiuci,a nostra lingua si ne va pianu pianu cume i nostri vecchji,a nostra terra vinduta a i frusteri piu che mai,e malgradu a maggiurità di raprisententi di u populu Corsu a l'assemblea, un aghju ancu vistu fughje, i ricconi, i capitalisti investissori, inpauriti per a prisenza di i naziunalisti e di a manca,a u capu di a corsica.
Alora chi pensà ? ci saremu sbagliati una volta di piu ? i nostri ci purterianu dinu di fole in canzone ?un la possu crede........

22.mandatu da estrimei u 02/10/2010 15:45
o machja ,
un ci simmu sbagliati , ma avemu torna da fà ,e torna a ampara.
per chi l'elletti - e i pertiti pulitichi - sienu ghjuvevulli , un ci'ole a cappiali ; ci 'ole a falli sente ch'elli un sò che quelli chi ci ripresentanu . He a pressione di u Populu chi rispunsabiliserà l'elletti , li metterà certi termini e ci ferrà avanzà .
he per quessa ch'ellu ci'ole chi u Populu ampari a esse rispunsevulle .'
a piazzetta, u forucorsu, u foru di rcfm , d'astri lochi di scambiu , ci ajutanu a amparà , a stà a sente a l'astri , a riflette e a fà pruposte a prò di nostru Populu (tuttu u nostru Populu)

23.mandatu da Maestrale... u 02/10/2010 17:14
@ à Tutti, ùn sunniate micca 36 % ùn so naziunalisti..u votu in corsica è cumplicatu ci so chi hanu vutatu contr'à diritta senza esse patriotti.... si vota spesse in corsica contr'à più che pè ....U prublema ghjè chi i naziunalisti (Eletti o no) credenu sempre inde l'ideuluga culunialista ( O republicana..cum'ella vi pare..) ùn volenu rompe culturalmente è spiritualmente....
a sucietà à l'usu corsu.. chi vole di ?? sucialista ?!
I Corsi so troppu attacati à a pruprità privata, è po à un populu di matrice pastolaro-guerrieria, catolica induce l'impurtenza di a famiglia (Clan..) è a malfidenza di pettu à i stati (Qualsia sianu...) lachemu corre una volta pè tutte u 'Tiers-Mondisme" è altri rumanticismi cusmopoliti...
A Muvra, ella ùn purtava tintene..

vi salutu o amichi di a piazzetta..

24.mandatu da A muresca u 02/10/2010 17:34
@ Zeruffu ICorsi ùn so ghjudei, ùn so che corsi è di menu in menu..L'Autunumia nè mancu l'indipendenza ùn so "Panacée universelle" a dicianu ancu i cursisti di u Pca.. si dipende di cio che tù metti..chi ideulugia è chi primure...à prova hè chi dipoi 1983 avemu una certa piccula autunumia (Statut particulier..n'est rien d'autre que cela même si c'est très light..) è dipoi tandu tuttu ghjè impeghjuritu, fora di i resultatu à l'elezzione sola vera passione (Perversa..) è solu orizonte di i naziunalisti..
alora ancu s'ellu si deve resiste, di ch'ellu si vincerà ghjè pè mè "sunnià"

a prestu..!! è shalom..

25.mandatu da machja u 02/10/2010 18:04
Si tu chi sunieghja o Maestrale, u votu corsu un hè cumplicatu cume tu dice, ma ghje un votu di debule, e ci vuleria a fà passa un permessu di vuta a assai corsi.
Ghjente chi cambianu d'idee e di partitu d'un elezione a l'altra, un so rispunsevule ne mature.
A sucieta a l'usu corsu un hè ne sucialista ne capitalista, che ne l'unu ne l'altru un esistavanu tempu di Paoli.
Ma tu pensi che per noi saria megliu una sucieta di cunsumazione, alora un cambiemu nulla, l'avemu dighja.
Quantu a i pastori e i guerrieri face un pezzu ch'elli hanu smariti di a corsica, oghje i corsi serianu di "matrice"RMI, boccaperta in ghjinocchi,di a famiglia manutesa.

Per e pruprieta, hai ragio, ne simu di piu in piu privati.....
A Muvra ella un purtava tintene...ma tu si

26.mandatu da Maestrale... u 02/10/2010 19:44
Mai capitu male Machja, ùn voliu micca una sucietà di cunsumazione,mà a l'epica di De Paoli à sucietà era solu "Vivrière " (ùn cunoscu a parulla corsa..) è ùn si po oghje campà dis sta manera....per mè, tuttu ùn po esse mercanzia dà vende o dà cumprà, i populu, è Patrie è e cultura ùn devenu esse cunsiderate cume ogetti di mercatu....

ùn cambiu d'idee eu.. aghju sempre avutu e listesse (Guasi) so certi naziunalisti chi acconcianu (A pena troppu a parè meo..)a somma caminentu...stanu troppu (certi) à sente e "Tintene francese" di Pariggi è i so sbiri..(Pacou & co...)

E machje elle dino smariscenu pian-pianinu...colpite dà i fochi.è dà e custruzzione...
mà a Mufra (Ghjè in fatti a vera parulla) ella deve tene l'ochju Muvrinu..è scapà o minà l'incappate...pè sopravive...

a prestu Machja...a Mufra avale si n'hè inmuntagne in Paese soiu...!!



27.mandatu da Speculator u 03/10/2010 09:10
6000 euro/m² per un'appartamentu ind'è a Pineta di Calvi, quantu Corsi puderanu cumprà?

28.mandatu da ghjuvan'marcu u 03/10/2010 10:10
U cuntrastu trà Machja, Maistrale e Estrimei è sennatu e significativu: anu ragione tutt'i trè. Sapemu quale simu, i partiti naziunalisti ha sanu anch'elli. Ma dipoi quarant'ani, nimu dice ciò chè vulemu esse ind'una sucietà muderna. I modeli mundiali anu fiaschati, ch'ellu sìa u cumunismu o u capitalisimu. Nimu a dumandatu à u populu in quale sucietà ellu vule campà in Corsica. Induve sò i prughjetti di sucieta ? Ghjè per quessa ch'i militanti entranu e escenu d'i partiti; Volenu luttà per a libertà, ié ma per chi fà dopu ? Cuntinuà cum'è nanzu, aspettandu i soldi da Francia e Auropa? Eiu, pensu chi ci vole a riflettà per animà una sucietà nova, originale per campà a l'usu corsu ma mudernu. Tocc'a noi di fà prova di u nostru sapè fà, di a nostra volunta d'ùn sparisce. Senza aggrunchjulassi.

29.mandatu da estrimei u 03/10/2010 10:12
u m2 costa assai piu caru per una serata a Via Notte, e ci so i corsi chi ci vanu !

30.mandatu da estrimei u 03/10/2010 12:03
"iu, pensu chi ci vole a riflettà per animà una sucietà nova, originale per campà a l'usu corsu ma mudernu."(Ghjuva'Marcu)
basta chi i diritti (e i duveri )di u Populu corsu sienu ricunisciuti e prudetti

31.mandatu da machja u 03/10/2010 12:04
O Gjuvan Marcu,a l'iniziu in 75,dopu Aleria hè nata una vera mossa revoluziunara, cu omi e done chi vulianu un veru cambiamentu.
Issa mossa sbucciata da u mondu paisanu, ha subitu impauritu i burghesi di a sucieta corsa, chi elli un vulianu revoluzione, ma solu una riforma per piglia u putere tenutu per i clanisti.
E ghje cusi ,cu l'aiutu di certi studienti di Nizza ( militanti di estrema dirita,o di u GUD )chi i burghesi hanu cacciatu in forza i militanti indipendentisti.
E a storia di a LLN hè quessa,a burghesia (dutore, cumercianti, avucatoni) contra u POPULU CORSU.
I primi un vulianu ne indipendenza ne autonomia, ma solu u putere,senza dumandà a u populu cio ch'llu vulia,andavanu soli a scuntra i raprisententi di u statu francese,in lu nome di u populu corsu.E oghje so elli chi hanu vintu.
Quarant'anni ch'elli ci burlanu, cu false prumesse di Liberta,e di Suvranita di u Populu,lascendu nant'a strada,centinai d'omi ,done e zitelli, feriti ,imprighjiunati,pistati,per u sistema ch'elli hanu messu in piazza.
Ma u veru putere;quellu di a salvezza,un hè quellu di l'elezione francese,u putere di i scruconi chi manghjanu sempre a u tavulinu di i ricconi, stupendu nant'u populu.
Issu putere l'avemu noi, u populu, ma un la sapemu ancu,e senza nostra voglia un si po fa una nazione.

32.mandatu da Tramuntana.... u 03/10/2010 14:10

@ G-Marchu hè bella muderna a nostra... suciètà (Forse ancu troppu..)chi voli di più ..
s'ellu vole di "altru restu che corsa" alora ghjè sparisce..

@ Machja, faci tù un'analisa marxista..quandu dici chi certi capizzoni s'hanu impratuniti a parulla è a direzzione di a lotta (E ch'ellu si cuntinueghja...) hè vera, mà l'odiu di a burghesia mi pare un anacrosnisimu, avà simu tutti più e menu burghesi ...in quantu à quelli di u Gud ..ùn sapiani chi pè esse patriottu ci vulia à esse cumunistu...Petru Rocca & quelli di u PCA..ùn eranu patriotti, assai nanzu à Che Guevara ?!

33.mandatu da Mestrale u 03/10/2010 14:20
@ Ghjuvan-marcu perchè oppone Corsa è muderna ?? mi pare à mè a vera mudernità pè i populu (Micca solu u nostru..) di campà di manera arradicatain indè l'avvene, d'altronde ùn ci hè che l'Occidente à vulè quessa, l'altri civilizazione ellE ùn s'aggronchjanu..rinviviscenu indè è so realità prufonde e antichi, noi simu intrapulati pè l'ideulugia di u "prugressu" tipicamente aurope è francese....

Corsica deve stà tarra di i Corsi..è solu di i corsi...!! corsi elli devenu firmà fidi à elli stessi...!!

34.mandatu da machja u 03/10/2010 16:08
Tramuntana,un aghju mica un'analisa "marxista",un aghju ne odiu ne simpatia per a burghesia, ma tutti i capizzoni di a LLN a dicianu e a dicenu sempre,per elli a Corsica e u so Populu un ponenu esista senza a francia.
Quande tu dice che no simu tutti piu o menu "burghesi"caschi cume assai corsi inde a trappula tesa per u capitalisimu.
Induve so i "burghesi" in corsica ? i 20 % d'omi e done senza impieghji ? quelli chi tocanu u RMI ? i funziunarii ? un hè quessa a burghesia.
E ghje cio chi ci face tortu, i corsi si piglianu per burghesi, ma i burghesi elli un s'imbuleghjanu cu u populu, chi so una minorita putenta.
Un socu ne marxistu ne sucialistu (ci n'hè abastanza a a CTC),un face mica parte di a burghesia, socu un omu di a tarra cume i me antanati e ne so fieru.
Ghje quessu u dràmu di u populu corsu,assai di i nostri fratelli si ne so scurdati di e so radiche, e si so alluntanati di a so tarra,di a so lingua ,di l'anima corsa,per circà a divintà una sumiglia di "burghesi",figlioli di u soldu chi hanu pigliatu u putere in francia in lu 1789, cu u sangue di u populu.
Aghju avutu a furtuna di scuntra e di cunosce Petru Rocca quand'ellu stava in Vicu, e ghje ellu chi ma fattu scopre a lotta di u populu corsu e a strada a seguita.
Tandu un si tratava, ne di burghesia, ne di marxisisimu ne di naziunalismu, un ci era che patrioti chi vulianu campà corsu, e ghje cio che avemu persu oghje.

35.mandatu da estrimei u 03/10/2010 17:13
".....ma tutti i capizzoni di a LLN a dicianu e a dicenu sempre,per elli a Corsica e u so Populu un ponenu esista senza a francia. "
quessa nu a sapia. he forse ch'o nu i praticheghju tantu. ma tandu chi vole dì "LLN " ?

"Aghju avutu a furtuna di scuntra e di cunosce Petru Rocca quand'ellu stava in Vicu, e ghje ellu chi ma fattu scopre a lotta di u populu corsu e a strada a seguita.
Tandu un si tratava, ne di burghesia, ne di marxisisimu ne di naziunalismu, un ci era che patrioti chi vulianu campà corsu,"

beatu che tu si. eu ne aghju cunisciutu un astru , parech'anni fà chi m'ha amparatu listessa cosa (un l'ammentu mica chi campa sempre )

36.mandatu da ghjuvan'marcu u 03/10/2010 17:16
Machja a sviluppatu ciò chi pensu in réalità; ùn vogliu micca oppone "corsa" e "moderna". A mudernità, per me, è di piglià cuscenza chi ci vole a sorte d'i modeli pruposti da a mundialisazione ma senza girà u spinu a l'altri. Tuttu què ùn vole dì chi ci vole a calcà l'azzione d'i qualchi comunisiti marxisti o di qualchissia. U populu è abbastanza astutu per inventà u modu di campà soiu; ma t'ai ragione, o tramuntna, ellu solu a u dirittu di sceltà in casa soia, nant'à so terra.

37.mandatu da A muresca u 03/10/2010 17:58
i[....A mudernità, per me, è di piglià cuscenza chi ci vole a sorte d'i modeli pruposti da a mundialisazione ma senza girà u spinu a l'altri.....]
A Mundializazione ghjè l'Unione (o u mischiu di u Capitalisimu è di immigraziunisimu), aghjustà una a l'altru permeterà (di sottumette i populu pè u sopra (Ecunumicamente) è pè sottu (Mischiu etno-culturale chi ciappa i populu è l'addibulisce.)...

l"'Altri" ùn hannu primura di noi piantemu incu "l'internaziunalisimu", simu à sola civilizazione à pinsà cusi..l'altre elle so belle naziunaliste e culturaliste... ci vola à sorte di u "cumplessu o di a lagnanza di l'omu biancu"...è dinù di l'omu corsu...
ci hannu (I francesi mà a facianu ancu ghenuvesi) amparatu à avè rimorsi; à ùn esse più bandit iribelli.... è avà terruristi è mafiosi è "razzisti".. pè salvà un populu indè a situazione di u nostru ci volerà à esse i tre à tempu è pè una bella stonda....


i mo ragione forse dispiaceranu à i "bè pinsante" mà ci eranu digia in tempu di Ghjenuva i "Benemeriti ".....pochissim'affari so cambiatI..

A prestu cari cunaziunali..





38.mandatu da U Rossu u 03/10/2010 18:45
Si noi altri patriotti corsi circavamu di fà un naziunalisimu novu chi sarebbe antichissimu è mudernissimu, una sorte si Siunisimu Corsu...!!

39.mandatu da machja u 03/10/2010 19:34
IE ,Estrimei, mi dispiace a dila, ancu inde noi c'hè un discorsu "puliticamentu curettu"e pinsemu che certe affare un so mica bone a esse lampate nant'a piazza publica , ma ti la dicu,per me a LLN ghje stata a piu grande scruccunaria di a storia di a Corsica.
A sai cume me che a lotta armata he divintata per via di "l'impositu revoluziunaru"un intrapresa di scruconi, i "suldati di u Fronte" eranu pagati cu i soldi di Bastia Securita o di u SCB ,eranu divintati funziunari di a viulenza,piu facianu salta e piu eranu pagati,senza prugettu puliticu ne cunsentu di u Populu.
E quelli chi hanu vulsutu dinunzia issi fatti, so stati cundanati a morte per i so "fratelli" di lotta ( Sozzi, Muzzi), i e case di i riconi lucchesi di Cavallo eranu prutette per i naziunalisti , a carnavalata di Tralonca urganisata cu i cunsiglii di Debré ,etc etc
Ma quessu un hè nulla acantu a u restu, perche l'omi chi hanu fattu u ghjoccu di u satu francese, so sempre i stessi, e so quelli chi 36 % di i corsi hanu mandatu una volta di piu per raprisentali a a CTC. Eccu Estrimei cio ch'ella fu e cio ch'ella hè divintata a LLN

40.mandatu da Mezzeta.. u 03/10/2010 19:58
Fà saltà ùn era un gattivu affare... o machja....mà hè vera chi certa affari hannu infragigatu a lotta...purtantu mi pare chi 15 anni fà francesi, stranieri , flichi è altri speculatori si tenianu ghjatti..perchè avianu a paura, i finziunari di a resistenza (Micca viulenza) avianu a so utilità, ancu pagati..

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta