Accueil
Envoyer à un ami
Version imprimable
Partager

47 shades of castagne

A sapete ch'ellu si conta quaranta sette varietà di castagne in Corsica ? Bon và bè, avà ci hè u cynips chì face un sterminiu è castagne ùn ci n'hè guasi micca. Aspettendu ch'elle voltinu, eccu i nomi di ste varietà.



Ritrattu : Jean-Jacques Mattei / Flickr
Ritrattu : Jean-Jacques Mattei / Flickr
Quaranta sette sfumature di castagne. Grosse, grande, chjuche, mezane, più o menu dolce, di culore più o menu rossu, giallu, o scuru.

A so cultura s'hè sviluppata à u Medievu, ma esistia digià in tempi di i Rumani. I Genuvesi l'anu incuragita, i Francesi circatu di pruibiscela (hè u famosu arrestu di u Rè di u 22 ghjungnu 1771).

Accusati d'incuragisce a curciura, l'oziu, u disprezzu di u travagliu (chì u castagnu dumanda menu travagliu ch'è d'altre culture...) è dunque d'incuragisce a ribellione, l'amministrazione francese difende a piantazione di castagni. Invece incuragisce è aiuta i pruprietarii chì volenu ammazzà i so arburi.

Iè, ùn u fidighjate micca cusì u castagnu, hè un arburu suvversivu.

Tuttu què per dì ch'ellu si conta quaranta sette varietà differente di castagne nant'à a nostra isula.

È voi, e cunniscite ? Forse, avete d'altri nomi à amparacci ?

Arriata
Bastelicaccia
Caccanella
Campanari
Campanese
Campanu
Capibianca
Cara
Carpinaghja
Cascianella
Fasgiulaghja
Fasgiulella
Furcutone
Frisgiata
Ghjentile
Ghjentilone
Giallu
Grataghjola
Gratulaccia
Grossa Canali
Guagnese
Insetu o Insetu pinzutu
Insitina
Lamosa
Leccia
Manghjereccia
Marunaghja
Melu
Mileddi
Morianinca
Munaghjone
Naturale
Nucella
Orezzinca
Palatina di Monte
Palatina Prunaccia
Petra Ferrigna
Pianella
Pilosa
Pitrina
Poarupà
Radacampana
Rossa
Rossa Pilosa
Rossuccia
Rossula
Russella
Santinu
Stoppia
Teghja o Tighjulana
Terra Magnese
Tricciuta
Tunata
Uva Sicca
Vicu
Villana
Zitimi

Lista publicata in u numeru 1 di a rivista Isule, 1985.


u 23 di Nuvembre 2014



1.mandatu da Giacomoni u 23/11/2014 11:01
In Rutali, si dice murianinca à locu di morianinca, marunaccia o merunaccia à locu di marunaghja.
Luigi G.

2.mandatu da peccatu ùn ci hè più festipinz'''' u 23/11/2014 11:46
è avà quantu ne ferma ?

3.mandatu da FRANCISCONE u 23/11/2014 12:06
Ind'è noi ci hè a pitrina, a minutina, è a chighjina pà i porci.

4.mandatu da cecce u 23/11/2014 19:36 (da un teleffuninu)
Orezzinca hè listessa varietà che à campanese !

5.mandatu da nebbisginu u 23/11/2014 22:04
a savurita di Muratu...

6.mandatu da Orezzinca u 24/11/2014 16:29
Nant'à u lessicu di a castagna è l'usi di a so cultura, vede u lbiru Castagni è puddoni

7.mandatu da Carbuccia2 u 25/11/2014 12:20
Aveti sminticatu a TRUULANA detta dino TRIULANA, chi porta tre castagni à vicciula, so frutti massi inzucarati: a variità asisiti in CARBUCCIA.

8.mandatu da Andreani u 25/11/2014 18:17
b[Salute,

b[Mi pare chì una variétà di castagna l' hà datu u so nome di paese : ZIRUBIA in a pieve pumontinca di à Scupamena . :-)
]b]b

9.mandatu da vallerustie u 05/12/2014 23:57
a muragione in Rusiu

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta