Accueil
Envoyer à un ami
Version imprimable
Partager

+49% di permessi di custruisce...

Malgradu u ritiru di u PADDUC è a suddisfazzione di i militanti anti-bettunizazione, ùn s'hè mai custruitu tantu in a storia di a Corsica.



+49% di permessi di custruisce...
Hè un articulu interessante d'Antoine Albertini in Le Monde di u 15 lugliu passatu chì a ci ampara :

pè l'annata 2008, sò 49,3% in più i permessi di custruisce in Corsica.

Ùn ci hè ch'è da spassighjassi appena da per tuttu (è micca solu in Balagna o in Portivechju !) per vede tante àrgani, parpaings è betonneuses.

Altra infurmazione interessante : 50% di e residenze custruite in u rughjone di Portivechju sò state cumprate da fresteri. Hè luntanu u tempu di u "vergogna à tè chì vendi a terra"...

Passatu u perìculu di a bomba, i grandi prugetti immubiliari chì ùn si sò pussuti fà durante st'ultimi 30 anni ponu avà esce tranquilamente. L'investiscidori arrecanu i so soldi è fiuriscenu i casali. U BTP ùn cunnosce a crisa, a maffia non più.

L'opposizione à u PADDUC hà forse piattatu una realità : u bettone cuntinuveghja à corre, più ch'è mai.

+49% di permessi di custruisce...

u 19 di Lugliu 2009
u webmaestru



1.mandatu da estrimei u 19/07/2009 19:49
o u webmaestru ,
un pudie stà , ci 'ulia che tu a ci cunturbessi ! eu u "Monde" nu u leghju micca, e se t'un c'ere statu tu, sta puzzaccia nu a sentia piu , e u mio cullacciu tratecchju di calci si era abbituatu !
ie , simmu di mustacciu 'nu a merda , e ci pigliemu piecè, tutti l'astri , ma eu dinnu.
un ci vuleria che apenna di dignita , ma mancu quessa un l'avemu piu !
campà corsu , praticà a sulidarità naziunale, esse cuscente chi i furesteri hanu piu laziu di metteci a u passu che di piglià u nostru .
ne simu tutti a liccà u cullu e a cuttighjà cume canioli 'nu a sperenza d'una limusina. he cusi ch'omu face ciava .

2.mandatu da Pietro Mastroleo u 20/07/2009 01:19
AGITE ! AGITE ! AGITE!
LA TERRA E' COME UNA MADRE DESOLATA CHE RESPINGE I FIGLI CHE L' ANNO ABBANDONATA. VIVA LA CORSICA!!!!!!!!!

3.mandatu da Forza u 20/07/2009 11:09
E segnu chi u focu verde e statu datu !!!!
Quale so quelli chi so indu l'affari oghje in Corsica ?!!!
Indegne personne che quelli chi un campanu che per u soldu ! Puzzanu u baschicciu da luntanu ! Un so micca omi per a Corsica, so pigliati indu sistemu perverssu di a mundialisazione, su mostru chi tomba tutte e culture .

4.mandatu da ziu santu u 20/07/2009 20:59
Chì fà ? Ci vole à plastica !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta