Accueil
Envoyer à un ami
Version imprimable
Partager

5 dumande nant'à u Catenacciu

Venneri Santu, hè ghjornu di Catenacciu in Sartè. Hè u mumentu d'interrugassi nant'à u viacruci corsu u più cunnisciutu di u mondu.



U pin's officiale di u Catenacciu
U pin's officiale di u Catenacciu
1. Chì ci vole cum'è preparazione fìsica ?
Una croce di 37 chilò, catene à i pedi di 17 chilò, un percorsu d'1,8 chilòmetri, ùn hè micca sèmplice di fà u viacruci. A greva di a fame ùn hè micca cunsigliata.

2. U Catenacciu serà ritrasmessu un ghjornu nant'à Al Jazeera ?
A sapete, l'emiri di u Qatar si compranu mezu mondu. A catena tv Al Jazeera dinù. Dopu à u PSG, a cuppa di u mondu 2022, i diritti di ritrasmissione di i macci di futbol di L1, si dice chì Al Jazeera Sport vuleria ritrasmette à a telè u viacruci di Sartè 2013. Puttachju o verità ?

3. U Sporting pò vince in Venneri Santu ?
Di regula, u SCB ùn vince mai a so partita quand'ellu ghjoca in Venneri Santu. Risposta sta sera dopu à u macciu contr'à Guingamp in Furiani...

4. Sartè vs Bisinchi, quale hè u più forte ?
Ci hè u Catinacciu in Sartè, ma ci hè dinù l'Incatinatu in Bisinchi. In u derby di l'incagulati, quale serà u più forte ?

5. Cun 35% di "résidences secondaires", Sartè hè sempre "la plus corse des villes corses" ?
L'INSEE ci dice chì in 2008 c'eranu circa 35% di residenze segundarie in Sartè. Hè sempre menu chè Portovèk (51%) o Sarra di Farru (75%).

u 6 d'Aprile 2012
U Sgaiuffu



1.mandatu da Lisandra u 06/04/2012 08:15
Preferiscu l 'incatinatu di Bisinchi !
Mi dispiace di un' pudè miccà vede quist'annu :( stò in Parigi pè i studi :(

(Pardon si j'ai fait des fautes, je n'écris plus en Corse assez souvent, malheureusement :( )

2.mandatu da ANTO u 06/04/2012 08:30
Un ci vole micca a sbagliasi c'hè catenacciu e catinacciu ,ma po esse u listess'omu .

3.mandatu da GIACOMONI u 06/04/2012 11:35
Si pò dì Catenacciu o Catinacciu. A parolla vene da catena (chaîne). A regula di a svucalatura (changement de voyelle) seguita a perdita di l’incalcu (changement de l’accent tonique). In lingua corsa, guasi dapertuttu, u a passa à i, invece chì in talianu ferma l’istessu, è avemu : catena, catinacciu, catinella, incatinà.
Avà, ci hè l’altra parolla catinu (pot de chambre, crétin) chì dà catinacciu, per marcà u peghjurativu, u disprezzu.
Ùn ci vergugnemu micca di ‘ssa parolla Catinacciu per designà a prucessione cù u penitente incatinatu chì porta a croce cum’è Ghjesù u Vennari Santu.
Forse u Diavule s’inframette in l’altru significatu, in un ultimu insultu versu u Figliolu di Diu.

Luigi G.



4.mandatu da Scortu u 06/04/2012 14:21
A catinu, mu ramenta à mo zia chi diggia : "sonna megliu "u catinu" che "le cadin". Li dicia : "O zia un si dice micca "le cadin" in fancese". Mi rispundia : basta cu e to burle !

5.mandatu da Anna o.. I mè ! u 06/04/2012 18:40
Tamant'affare stu Catenacciu..! Eiu mi portu sempre a me croce di maritu (82 chilò !) è micca solu u vennari è ùn mi montu micca à sera in vistitu rossu ;-)

6.mandatu da Anna o.. I mè ! u 06/04/2012 18:46
.. Scusate.. Ùn mi montu MICCA A SEGA (sta currezzione ortografica ci ghjoca à a risa : montà si à sega ùn ne micca cumè esse montata a sera...)

7.mandatu da Petru mazzulincu u 07/04/2012 09:36
Un impedisce micca: si po omu muntassi à sega e fassi munta a sera! E peghju so quelle chi dicenu fassi munta à sera pe muntassi à sega....

8.mandatu da u mocu u 25/06/2012 09:32

Rettificazione, in sartène ( è micca sartè ) si dice catinacciu, a croce pesa 33 kg comu l'anni di u christu quandu hé mortu,è i 14 kg di a catena riprèsentani i 14 stazione di u caminu di croce.
Amicizia

Novu cumentu :