Accueil
Envoyer à un ami
Version imprimable
Partager

6 - 2

U Sporting batte Aiacciu 6 à 2 è ancu Jau hà marcatu duie volte. Bisognu d'aghjustà qualcosa ?



6 - 2
Eri sera, ancu Jojo Bonavita averia pussutu mettene unu tantu a difesa di l'ACA facia pietà. In una stagione di merda cum'è quessa, a minima di e cose era di vince u derby pè pudè magagnà appena à l'aiaccini, nò ?

Perchè dimmula franca, ùn hè micca tutti i venneri ch'è no avemu l'occasione si ride in Furiani...

Ci hè piaciutu :
- U mondu, per una volta...
- U spetaculu, u ghjocu bastiacciu è i buts. D'abitutine, un venneri sera in Furiani s'assumiglia à un scontru MAPAD vs CNRO.
- PY André : s'ellu ùn ci hè ellu...
- Camara chì piglia cunfidanza è chì ne mette dui.
- U striscione in tribuna Est : "ALAIN, CONTINUE LES AFFAIRES"

Ùn ci hè micca piaciutu :
- Ch'elli ci sianu cusì pochi corsi nant'à u terrenu : Cahu, Mandrichi è basta.
- U sandwich à a mi-temps

L'insulte di a partita, intese à u stadu :

-"oh statuette d'appartement"
- "oh Fournier, oh Fourniret"
- "oh Quiévreux, oh futur chômeur"
- "oh Diabaté, tu as le diabète" (bof)
- "oh Poulat, oh pullastru" (re-bof)
- "oh Casoni, tu es pas bon quand même"
- "oh Beetlejuice"

Avemu pensatu...
- À i sustenidori aiaccini chì n'anu pigliatu sei è chì si sò manghjati sei ore di strada pè vultassine in casa soia, passendu pè San Ghjorghju chì Vizzavona era bluccatu...

A videò di a partita
Da vede quì

6 - 2

6 - 2

6 - 2

6 - 2

6 - 2

u 6 di Dicembre 2008
Léonce Lasagne



1.mandatu da Ju u 06/12/2008 00:58
Vous avez oublié les " Les Corses pour l'OM c'est des PD" et "Perpet pour Santos"

2.mandatu da U liò u 06/12/2008 02:24
Aveti ancu scurdatu u miticu cantu di a sirata :
"NICARAGUA OHE OHO"

3.mandatu da Zighizon u 06/12/2008 10:10
V'hè piaciuta a striscia "Alain, continue les affaires" ? Vi basta pocu per favvi piacè ! A mè mi seria piaciutu di più un bellu piattu di lasagne o Leò !
A quelli astuti chì scrivianu tandu à nantu à Kébé, ùn li s'era dettu nunda per cumpassione; ma oghje, à quelli chì i feliciteghjanu per sta prova di scrittura "rispettosa", à nome d'un rispettu digià ammentatu quand'ellu si trattava d'un antru puliticu (in i cumenti sta volta), ghjustu un cunsigliu à seguità o micca - fate cum'ella vi pare o zitè ! - : " cacciate sta rumenzula d'a piazzetta !".

4.mandatu da drobnjacku u 06/12/2008 10:32
heu !!! o Zighizon, caccia a TVA è vai à pigliatti dui o trè bichjeri di pastizzu chi mi pare ch'è tù appia bisognu di ride appena, ùn ti deve micca accade spessu.

nanzu di sorte e grande frase è e to grande lezzione, forse ch'è tu ci vole ch'è tù sappia chi u stadiu hè un locu di magagna è induve si cerca di cuntrarià è distabilizà u so avversariu, tutti i mezi so boni per quessa.

di siguru, ùn pensa micca truvà grandi filosofi in e tribune, per quessa ti sbaglii di locu;

in l'anni 60 i tifosi aiaccini venianu in Bastia cù un grande striscione "allez ajaccio, l'empereur vous regarde"

dopu à una chjiba contr'à u SECB di tandu, i bastiacci ne sortenu una "l'empereur ne vous regarde plus"...

sta forma di magagna hè a particularità di u mondu di u futbol in Corsica, ùn vale a pena di sorte e grande lezzione di "savoir vivre ensemble" à a francese.

quandu collu in Timizzolu è chì mi facciu insultà di "bastiais paysans", quandu sentu à u Vélodrome "oh les corses allez travailler" è in Parigi "terrorristes" mi face ride più ch'astre cose ! hè a regula di u ballò chi vole quessa, ci vole à magagnà l'astru per fallu biscà è arrabbià.

ciò chì m'impedisce micca d'andà à beie un colpu cù i mo amichi aiaccini dopu. megliu : in a tribuna di quelli chì anu fattu u striscione pè Alain, serai surpresu di sapè ch'elli ci sò assai... Aiaccini per u SCB.

avà, s'è tù ùn ai capitu quessa è s'ellu ti pare troppu viulente, interessati piuttostu à u badminton o à u golf.

5.mandatu da renusinca u 06/12/2008 11:24
"ancu Jau hà marcatu duie volte. Bisognu d'aghjustà qualcosa ? " à mè mi basta cume riassuntu

6.mandatu da Zighizon u 06/12/2008 20:19
O Drobnià, ùn ti vogliu fà perde tempu nanzu à a pastizzata ma mi scuserai di fà cù tanta pretensione un’antra lezziò. Peccatu chì sin’à oghje stu situ mi gherbava assai .
Prima chè l’apperitivu, lascia corre i to cummenti à nantu à a mo virsura francese, e mo grande frase è tira avanti è tocca… Perderisti tempu è asgiu à scunvincemi .
Eri sera, parechji in Furiani ùn anu appreziatu manc’à pena sta striscia. D’altronde l’emu vista mancu 30 seconde… Era tuttu què u so curagiu ?
Macagna ? Iè, macagna si, ma quì, o amicu, ùn simu più à macagne. Arricordati i cummenti nant’à u ritornu d’Orsoni à l’ACA… in « Piazzetta ». Ti parenu macagne ? Ne simu à listessi punti.
A sai ciò ch’ellu si scrivia in u 1991 nant’i muri ? MPA, mouvement pour les affaires … histos = mongs.
U risultatu di u « match » u connosci ? Tanti giovani naziunalisti morti da una parte è da l’altra è i francesi n’anu fattu un bellu filmu ; ancu i corsi anu risu è cumpratu u DVD. T’arricordi, iè, « l’enquête corse » cù l’amicu Clavier.
A sai ciò ch’ella era st’enquête corse ? A risata di i francesi dopu à tamanta disgrazia…
Ma forse chì tù, à u centru di u terrenu, ùn l’ai mai cuntati i morti naziunalisti dopu à u 1991 ? Eri forse troppu giovanu … O quellu fratellu smaritu in l’83 ?
L’ai capita bè : quì ùn si tratta nè di bastiacci, nè d’aiaccini, nè di marsegliesi : quì si tratta d’un omu è d’una famiglia. Aghju di sucuru avutu u tortu di scrive ciò chè ne pensava. Tantu peghju per mè.
Allora dopu, di francese è di restu, fammi u piacè, parlane cù i muccicosi o i turisti !
Ma postu ch’ella hè cusì, stà puru tranquillu, ai vintu. Anderaghju à visticà ver di u badminton, hè più à bon pattu chè u golf. In piazzetta, ùn mi ci scuntrerai più. Un lettore in menu, ùn vole dì, chì tantu ùn sà mancu ride, chè ?
Eviva a intelligenza corsa, eviva !

7.mandatu da scatinatu incatinatu u 06/12/2008 21:58
abbastanza chì storia per un striscione "macagna" vistu in tribuna Est !

o maè, mi pare chi à A piazzetta ci sia di tuttu è di tutti i lati di a pulitica. mi pari appena cuntrariatu è più ch'è azezu sta sera,serà u timpacciu chi face què? speru per tè

un lettore di menu dici? pecatu, sin'avà apprezziava abbastanza i to cummenti,è spessu so i cummenti è e discussione in l'articuli chi so interressanti è arrichiscenu u dibatitu

stu blog sorte di l'ordinariu chi si parla senza "langue de bois",si tratta di tuttu è s'hè fattu assai a critica di u naziunalismu, d'un cantu cume di l'altru. ci n'hè per tutti mi pare qui !

allora vai puru à fà u musu, iè, "eviva a intelligenza corsa" è speru rileghjeti in i cummenti di stu blog

rimettimu e cose à a so piazza : si tratta di ballo è di magagna, micca di più, o amicu... ùn cerca micca piu luntanu è à parlà di a guerra trà naziunalisti di l'anni 90. quale vole si po rallegrà si stu mumentu nerissimu di a nostra storia s'averà da riproduce ? nimu...

8.mandatu da Ziu Dumè u 08/12/2008 15:18
À Zighizon, s'ellu vene sempre...
Prima, ricunoscu chì u striscione ùn era forse micca u più bellu affare di a serata.
Secondu, in un stadiu, vene lecitu di macagnà l'avversariu.
Terzu, pense chì à Leonce Lasagne li serà sopratuttu piaciutu u spiritu di u striscione.
Infine, ai a ragiò. Ùn t'affaccà nant'à u blog! Ùn vedi micca chì tutti i quelli chì ùn pensanu cum'è tè sò baulloni?

9.mandatu da machjaghjolu u 08/12/2008 23:41
CARLU PIERI PRESIDENTE DI U SPORTING CLUB DI BASTIA = BALANCE DE L'ETAT FRANCAIS ! AFFARE FELICE TOMASI !! NON AUX BALANCE DE L'éTAT FRANCAIS fossoyeur du nationalisme corse !!!!!!!!!!!!!!!!!!!!!!!!!!!!!!!!!!!!!!!! ABUS DE BIENS SOCIAUX TA MERE !!!!!!!

10.mandatu da bobby u 08/12/2008 23:55
et vous, vous en êtes où avec la drogue ?

o zitelli, ch'avete fumatu per a festa di a nazione ?

11.mandatu da GWM u 09/12/2008 10:03
riguarata dà l'epica di Née:

"o Jau, o enfant de tortuuuuuuuuue" (incù quellu accentu...)

12.mandatu da innò u 09/12/2008 17:24
bobby hà raggiò. Parlemu un pocu di stu prublemu senza magagna. Dui sujetti impurtanti :

- A lingua corsa = Lingua viva ?
- è a droga in l'isula

13.mandatu da Anto u 15/12/2008 12:33
machjaghjolu, fumatu la coke ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta