Accueil
Envoyer à un ami
Version imprimable
Partager

6.500 visite in dui mesi per u blog A Piazzetta...

Appena d'autocelebrazione ùn face micca male. Allora eccu : lanciatu dui mesi fà, u nostru blog cunnosce un bellu successu postu ch'è no avemu arresgitratu 6.500 visite dipoi u principiu... A Piazzetta diventeria the place to be ?



6.500 visite in dui mesi per u blog A Piazzetta...
Qual'hè chì hà dettu chì leghje in corsu era un'affare passeistu, difficiule, per i vechji è ch'ùn interessa più à nimu ?

Dipoi ghjennaghju u nostru blog cerca à pruponevvi ogni ghjornu un articulu innù a nostra lingua, pocu impreme u sugettu : attualità, magagna, ballò, musica è ancu sarkozy.

E statìstiche parlanu da per elle : 2.500 visite di ghjennaghju, 4.000 pè u mese di ferraghju... Micca male per un principiu, nò ?

A squatra di i cuntributori ella, s'allerga postu ch'è no semu avà cinque redattori à fà macinà i nostri cerbelli pè truvà un articulu à mette in linea ogni ghjornu.

À ringrazià à tutti quelli chì anu messu A Piazzetta innù i so siti preferiti, chì venenu à vedeci è chì ci lascianu di tantu in tantu un picculu cummentu. Avete ancu u dirittu di susteneci finanziarmente : pudete mandacci i vostri scecchi. Ma i prisutti, i fisculi mariù, l'imbrucciate, e torte pisticcine o e buttiglie di Johnnie sò dinù accettati.

In tantu, pudete sempre dà u vostru parè lascenduci i vostri cummenti.

Cose à megliurà ? Affari chì vi sò piaciuti o dispiaciuti ? Chì sò i sugetti ch'ellu vi piace à vede trattati nant'à u blog ? Chì sò l'articuli chì vi sò piaciuti u più ?

I vostri avisi sò tutti i benvenuti !

u 3 di Marzu 2008
u webmaestru



1.mandatu da in cauda venenum u 03/03/2008 07:03
felicitazione bona andatura pe l'avene . tutti i sugetti so boni a tratta un manca che u vostru veru ritrattu . ventu in poppa pe u vostru blog. se vo vulete mette in ligame u blog di MADRICALE vi ne do l'autorisazione.

2.mandatu da estrimei u 03/03/2008 13:47
eu aghju u spiritu ritrosu e aghju sempre una critica in bocca ,ma nu u vostru casu so cundannatu a suttumettemi e a ricunosce che vo fate una grand'opera per a nostra lingua,e vi ne ringraziu.

3.mandatu da Sbanditu u 03/03/2008 15:14
Cosa à megliurà? Soca, ci volerà megliurà e nostre facciacce...

4.mandatu da francesca u 03/03/2008 16:24

Pè u ricordu di u mondu di l'audienza di i Bloghi corsi, site partuti bè...

In seriu, ùn ci hè chè cumplimenti è ringazii à mandavvi per campaci ogni gjornu cù a lingua è u spiritu... bravi

5.mandatu da u sgaiuffu u 03/03/2008 21:06
iè ma chì hè l'indirizzu di u blog di madrigale ???

6.mandatu da scemu u 03/03/2008 21:29
si po paggà anche in natura?

7.mandatu da Ghjuvà u 03/03/2008 22:01
Stu blog hè un veru piace!
Ne parlu d'ellu a tutt'u mondu,l'articuli so sempre bè scrittu è interessente.
Cuntinuate cusì.

8.mandatu da Cumpalliols u 05/03/2008 16:18
6.500 visite dipoi u principiu.
Voi site furtunatu.
Eiu sò cuntentissimu quandu ci hè dece visite per ghjornu nant'à u meiu.

http://cumpalliols.over-blog.com

9.mandatu da u webmasteru di pornhub u 01/04/2008 11:43
hé bellu u grupu di Abba !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta