Accueil
Envoyer à un ami
Version imprimable
Partager

90% di a pupulazione corsa pè u bislinguisimu

Un'inchiesta nant'à a lingua corsa ci ampara chì 90 % di a pupulazione corsa hè à favore di u bislinguisimu. Allora, ch'aspettemu ?



90% di a pupulazione corsa pè u bislinguisimu
A prima "inchiesta sociolinguistica nant'à a lingua corsa realizata da a CTC hè stata resa publica eri. S'ampara assai affari nant'à l'usu è e rapresentazioni di a lingua corsa. Si pò caricà u pdf di l'inchiesta sana nant'à u situ di a Direzzione di a lingua.

Ma l'insignamentu u più forte di st'inchiesta hè chì 90% di a pupulazione di a Corsica si dice à favore di u bislinguisimu. Hè ciò chì Corse-Matin è Corse Net Infos anu sceltu di mette in primu.

Allora d'accordu, i più azezi diceranu ch'ellu ùn hè chè un sundagiu fattu cù 508 persone, ch'ellu ùn hà nisun valore.
D'accordu, i più criticoni diceranu ch'ellu ùn ci vole micca à sperà tuttu da u Statu è da l'istituzioni, chì nimu impedisce a ghjente di parlà è d'amparà una lingua.
D'accordu, i più pessimisti diceranu chì innù i fatti, ùn avanzemu micca.

Ma quantunque, di dà un'indicazione. A ghjente di stu paese ùn pensa più chì a lingua corsa hè un perìculu. Ch'ammaestrà duie lingue hè una ricchezza è micca un prublema. Chì cunnosce e so radighe hè un bè, ma dinù ch'ellu hè un'apertura nant'à u mondu è a latinità.

Hè una bella risposta à i dinosauri anti lingua corsa, à i vechji brontosauri sticchiti di l'educazione naziunale chì ùn volenu sente nunda, à l'antichi diplodocus di France-Corse, à i vechji iguanodoni chì cuntinuveghjanu à dì chì u corsu deve esse solu a lingua di u passatu, di u paese è di e castagne, à i vechji cucchi chì dicenu chì u corsu ùn si pò insignà ch'ellu ci hè troppu varietà, à i vechji tirannosauri di u monolinguisimu "un et indivisible" è à tutti i criticosauri chì vi ripiglianu à ogni frasa per dì chì "in corsu ùn ci vole micca à dì cusì..."

90% di a pupulazione corsa à prò di u bislinguisimu ? Allora, a ci pruvemu ?

Da leghje u resucontu di l'inchiesta nant'à CNI.

u 10 d'Aprile 2013


Da u più recente à u più anzianu | Da u più anzianu à u più recente

13.mandatu da Lisandru u 11/04/2013 10:21
henry ci sera piu militanti naziunalisti chi parlanu a lingua corsa chi militanti di l'UMP o di EELV un credi micca ?

12.mandatu da Lisandru u 11/04/2013 10:20
Cume ??? Un ci possu crede, mà induve hè "la majorité silencieuse" di France-Corse ???

11.mandatu da Gael lique u 11/04/2013 09:37
O buzz un ci nunda dà stunante, Mineo e Tatti so taliani e battestini è più rossu che altre cose...

10.mandatu da henry smart u 11/04/2013 01:07
un'inchiesta interessante da fa dinu serebbe di vede quant'elli so i maestri di corsu ( prima scola è secundariu) à da una vera educazione bislingua à i so figlioli. Un la so, ma forse serebbemu stunati di u risultatu. Senza vule da lezzio, ci mustrerebbe una diferenza tra "esse per u bislinguisimu" è credeci da veru.
pudemu allarga dinu u sundame à tutti l'elettori è militanti naziunalisti chi parlanu u corsu.

9.mandatu da buzz a saetta u 10/04/2013 21:03
Averia pussutu esse più importante u resultatu ma nant'à l'806 personne anu interrugatu à Battestini, à Mineo è à Tatti.

8.mandatu da Indria u 10/04/2013 20:38
Moi, sous directeur 2de classe du premier bureau de la direction centrale de France Corse, et premier esclave orgique de Dominique Roustan Lanfranchi,
j'ai l'honneur de solliciter auprès du Ministère de l'information l'interdiction pure et simple de la pulication de ce sondage inexact, la parution immédiate d'un contre-sondage, et la fermeture immédiate des sites terroristes suivants : Corse net infos, Corse Matin, Via Stella, A Piazzetta.

7.mandatu da ghjuva u 10/04/2013 19:01
bravu babbo e po certi so sempre felice di tuttu chi volle di stu sondage?? a francia si ne pipa vistu a so consitusione...ci dicenu parlate puru les keurs...avede da more....yeaaaaa

6.mandatu da Calvoise u 10/04/2013 17:32
@Pazzurgu : +1 ("st'animali eranu belli inteligenti...")

@Jurassiccu : +1 ("un ghjornu, so tutti morti")

U mondu hè inghjustu !

5.mandatu da babbo u 10/04/2013 17:07
Ci vuleria a sape quand'elli parlanu di 90% di i Corsi,s'elli parlanu di i 300 000 abitanti di l'isula,o di i 100 000 corsi chi fermanu, perchè mi stunaria che i 150 000 francesi e i 50 000 immigranti chi si campanu inde noi sianu per u bilinguismu

4.mandatu da france u 10/04/2013 13:28
bravu Francekeurse, vi site scurdatu o gran parachutiste à a ritirata di compie cù : vive De gaule, vive la France, vive la République!!! mancava propiu mi pare....

3.mandatu da FranceKeurse u 10/04/2013 12:15
Moâ, officier parachutiste à la retraite, ayant servi en Indochine et en Algérie, où j'ai oeuvré avec ardeur à la répression des indigènes, membre éminent de l'association FranceKeurse, fervent républicain, dénonce avec véhémence cette manipulation de l'opinion publique et demande l'interdiction immédiate de l'usage du Keurse, ainsi que le rétablissement de la gégène à l'encontre de tous ceux qui daigneraient l'utiliser en public comme en privé.

2.mandatu da Jurassiccu u 10/04/2013 12:06
e un ghjornu, so tutti morti.

1.mandatu da pazzurgu u 10/04/2013 11:58
ma perche fate sempre u paragonu tra i vechji di france corse è i dinosauri ? st'animali eranu belli inteligenti anu campatu milliai d'anni. anu cunquistu a terra, u mare è u celu sani.

1 2
Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta