Accueil
Envoyer à un ami
Version imprimable
Partager

90% di a sciarcutteria corsa hè chinese

90% di u lonzu nustrale hè "made in China". Di tutte e manere, tuttu u mondu si ne impippa di l'agricultura, allora...



90% di a sciarcutteria corsa hè chinese
Chì differenza ci hè trà un knacki è un lonzu cumpratu à u supermercatu ?

Hè più bonu u knacki è almenu ellu si sà cum'ellu hè fattu.

90 % de la charcuterie n'est pas fabriquée dans les règles de l'art titulava Corse-Matin l'altru ghjornu. Vi stona ? A nostra carne purcina vene in magiurità da u strangeru. Anch'ella, hè "made in China".

A spiega un purcaghju orezzincu : « Ils achètent la viande en sachet de 25 kilos ! Ils la hachent, la salent, la poivrent et hop, une tête de maure sur l'étiquette. La matière première vient de Chine ou de Hollande. Au mieux, c'est la Bretagne, mais là-bas ils tuent les cochons trop tôt, ils sont pleins d'antibiotiques, la viande est molle et ils doivent ajouter un tas de nitrate pour la colorer ». Bon appitittu.

S'è no cuntinuvemu cusì, u figatellu diventerà un'affare pè turisti, una scruccuneria cum'è u "saucisson d'âne". È perchè micca un "Quick Burger Corsican" cun pezzi di lonzu corso-asiaticu.

In causa : una dumanda forte (cum'elli sò cuntenti i turisti di riparte cù a so rubaccia...), a difficultà di rispettà i criterii di l'AOC, a difficultà è u prezzu di fà qualcosa di qualità. Perchè strazià di fà qualcosa di bonu è d'autenticu quand'ellu hè cusì faciule di vende n'importa chè à u prezzu caru ?

Campà in paese, campà d'agricultura o fà u pastore, quale hè u tontu chì hè prontu à sceglie sta via oghje quand'ellu si pò avè una piazza à u Cunsigliu Generale ? Eppò hè cusì faciule di vende un terrenu è di fà custruisce piuttostu ch'è di fà l'agricultore.

A superfice di e terre agrìcule hè minacciata da a pressione immubiliare. Purtantu, si sà chì l'avvene hè à a cultura "sopr'à locu" pè risponde à a crise ambientale è ecunomica è suciale. Si sà avà ch'ellu ci vole à pruduce è manghjà lucale .

Saria forse ora d'avè una vera riflessione è di metti i mezi di salvà l'agricultura è l'allevu in Corsica, nò ?

Ùn ci hè chè da vede e riazzioni nant'à a pagina Facebook di a "charcuterie corse"... Ponu manghjà pulpette pè i cani, u risultatu hè u listessu.

Si passa di cummentu :
90% di a sciarcutteria corsa hè chinese

l'11 di Ghjenaghju 2011
u webmaestru



1.mandatu da Cucunellu Arrabiatu u 11/01/2011 10:51
A salsiccia corsa hè cume i so paisani vestiti cu Millet è Meindl made in China^^

2.mandatu da Olidà u 11/01/2011 11:07
Pazienza..A carne purcina serà prestu pruibita in Europa..tandu chi feranu i PUVERI chinesi..??

3.mandatu da nuit bleue u 11/01/2011 11:30
Quessu a sapemu dipoi ani e ani , e vera pe a sciarcuteria, per u casgiu e per tutta a roba corsa, face un pezzu chi i corsi un pruducenu piu nulla. Dopu vi stunati che a ghjente si tecchianu a Quick o a Mac DO, un simu mancu piu capacci di fa roba nustrale, simu divintati una banda di "corpi e di culi" senza ciarbellu chi manghjanu e caganu in francese, a carna purcina chinesa un l'avenu mica solu in corpu ma anc'in lu spiritu.
E mentre che no manghjiemu a merda frustera, i frusteri chi campanu inde noi, cume issa pastora tedesca, ripiglianu e nostre tradizione e rimetanu a a moda ,l'antica baretta misgia, accumudata a l'usu oghjincu.

4.mandatu da ghjaladicciu u 11/01/2011 11:43
Bravu nuit bleu . A forza di vulessi assumiglia a l'altri e vince soldi senza travagliu ne simu diventati peghju. Persa a lingua persu u populu

5.mandatu da Arrabbiatu u 11/01/2011 12:32
Be vistu cume sempre. Vi Felicitemu pe tutti i vostri articuli.
Di core.

6.mandatu da topupinutuazzezu u 11/01/2011 12:34
Quandu parlu di "No Global Pro Local" mi piaglianu pè un scemu ...

7.mandatu da estrimei u 11/01/2011 13:05
o topupinutuazzezu ,
i capiscu ! se tu impiegghi parulle ch'omu un capisce......

8.mandatu da anto u 11/01/2011 14:07
Ghjè un pessu ch'o cunoscu questu, basta a passa nantu a Balanina e vède i semi immatriculati 29 chi portanu carne purcina e ancu prisutti e lonzi dighja tagliati .Pè cio chi mi cuncerna ogni annu mi facciu u mo porcu casanu .

9.mandatu da nuit bleue u 11/01/2011 14:32
Anc'eiu, mi so fatu un purcàghju in sàla di bàgnu !!!!
A mumentu avemu da piatassi per manghja un pezzu di ficatellu.

10.mandatu da Carghjese u 11/01/2011 15:17
I cummenti nant'a pagina facebook sò veri o hè una macagna??

11.mandatu da Fabien u 11/01/2011 15:57
"Persa a lingua persu u populu"

Scusatemi, un so micca prufessore di Corsu, ma "charcuterie", in Corsu, un si dice "salame" ?
Ma forse, salame si dice solu per a sciarcuteria AOC...


12.mandatu da imbecille u 11/01/2011 16:13
salumeria vi dispiacce ?

sciarcuteria vole di "chair cuite" (explication sur france culture)
in corsica a salumeria un he mica cotta

le jambon de paris si eccu perche chair cuite chi he diventatu charcuterie pour les hommes aux esgourdes ensablées ( français)

13.mandatu da estrimei u 11/01/2011 16:52
he secondu i lochi . in Corsica suttana dicenu salamu , inde noi dimmu cherne purcina -ancu s'ella un he cherne fresca -
ma mi pare ch'ellu si duveria a parulla sgiambon quand'omu ammenta u "jambon cuit"

14.mandatu da fantomacciu u 11/01/2011 18:36
s'averia da dì "carne purcina" cume hè scrittu sopra, ma tuttu ognunu dice "sciarcutteria".

in paese da l'anziani ùn l'aghju mai intesa di "salame"... mi pare cusi falsu chè "sciarcutteria"...

eppo merda, scrivimu è parlemu cume no vulemu, no ? tutta quessa, ferma lingua corsa nò ?

15.mandatu da henry smart u 11/01/2011 20:02
un capiscu i vostri cumenti
h

16.mandatu da henry smart u 11/01/2011 20:04
he bona a robba purcina CU un bichjeru di muscat pet, davanti

17.mandatu da Piatamò u 11/01/2011 22:20
A carri purcina hè l esempiu di a noscia tuntia. Ci zappemu da par no cridendu chì a rubbaccia vinduta à d' altri ùn c imbrutta micca è ci sudisfemu di a nomina di sta lascita culturali quandu femu i nosci affari o cumprendu a robba à prezzi bassi. Stuppemu à nantu à nô stessi è dopu ci stunemu di Veda a noscia tarra andà à malavia. Par fà ci una risata femu a lista di i 10% Di pruduttori Di carri purcina fatta comu si devi par mirittà l AOC è fighjularemu quantu ci n hè chì l ani d' avè s edda si faci. Fighjularemu dinó in issi 90% quantu ci n hè chì ani da metta un pocu Di sali in zucca

18.mandatu da Piatamò u 11/01/2011 22:23
è piantà Di fà i so "purcarii" sottu u nomu Di pruduttu tradiziunali.

19.mandatu da LISU u 12/01/2011 11:30
in li mé loghi si dice ,carné purcina,hé ,si dicé figatelli,salcicciu,prisottu,mizzina(panzzetta)coppa ,lonzzu, ma cio chi mi frastona a mé ghié AOC di a carné purcina .Doppu é vacciné in li paési,avemu da suputa i purceddi in liberta in carrughi di é cità e di i nosti paési,tantti disghuasti di i nostri loghi.Rumatoghié é accidenti di vituré in più di é vacciné ....

20.mandatu da Aiaccinu u 27/02/2011 02:21
AHAHAHAHAHHAHAHAHAHHAAHAH I CUMMENTU DI "FACEBUCCU" SO MAGNIFICU!!

Novu cumentu :