Accueil
Envoyer à un ami
Version imprimable
Partager

À Bucchini dinù li piace u bling bling

In un'intervista surrealista, Dumè Bucchini difende u capitalisimu russiu, u turisimu di lussu pè ricconi strangeri è a vendita di a terra corsa. Circate u sbagliu.



À Bucchini dinù li piace u bling bling
Ma chì muscone averà pizzicatu à Dumènicu Bucchini ?

L'infurmazione hè cusì surrealista ch'ella ùn pare mancu vera. Ma ci vole à ascultà parechje volte l'intervista data à Alta Frequenza per avedesine ch'ella ùn hè micca una gattiva imitazione d'Yves Lecoq : nò, hè Bucchini chì parla, è hè ellu chì difende u turisimu di lussu.

Sapete, quellu di e "croisières" è di i golfeurs in i so bunkers pè ricchi di Sperone.

Stranu, ci si paria chì u prugramma di u Front de Gauche ùn andava micca in stu sensu. Sapete, si parlava di turisimu suciale, oppostu à quellu di e residenze segundarie di « les magouilles, les Jacouille et les fripouilles » (spressione di Dumènicu).

Peghju, hè bè ellu chì prununzia a frasa nant'à l'investiscidori russii : "dans certains endroits de l'île ils sont déjà implantés, ils ont déjà acheté des structures... il y a pas de raisons qu'ils continuent pas si on arrive à concrétiser les espoirs communs qu'on a mis en avant..."

Almenu hè chjaru. Avia digià ricunnisciutu chì a maffia era entrata à l'assemblea durante a campagna eletturale. Avà ricunnosce chì a maffia russia hè quì è ùn dumanda ch'è à sviluppassi.

Hè vera ch'ellu ùn ci n'hè micca abbastanza cù a nostra, hè sempre megliu d'andà à circà quella di l'altri, puderà sempre amparà qualcosa à i nostri maffiuselli.

Serà quessa a versione muderna di l'internaziunalisimu !

u 16 di Marzu 2011
u webmaestru



1.mandatu da marianto u 16/03/2011 12:19
u sara d'oghje st'affaru ! a u moi avisu a tuccatu e tocche anch'ellu ! communsitu inc'u l'affari de l'altri e capitalistu ancu i so affari !

2.mandatu da francescu u francese u 16/03/2011 12:46
MAFFIA RUSSA FORA

3.mandatu da briagoff u 16/03/2011 13:31
maffia russa fora, i francesi fora,arabi fora, turisti fora, clavier fora, UMP fora PS fora, i clanisti fora, i dur fora, i mou fora ,pumataghji fora, speculaziona fora, intraprese fora, u travagliu fora, bucchini fora, fln fora, i vecchji fora, i giovani fora, e done fora, i zitelli fora, e capre fora, i soldi fora........non, i soldi mica fora

4.mandatu da CCCP u 16/03/2011 14:44
l'Amichi di Bucchini è di Giacobbi si sanu fà cunvince......

5.mandatu da azezu u 16/03/2011 17:18
Innò i soldi dentru! E nostre stacche! ;-)

6.mandatu da ANTO u 16/03/2011 17:26
Umbè !u putachju un 'hè male ma pensu ch'ell'hè a so lingua chi s'hè sbagliata ....quoique !!!!

7.mandatu da zeruffu u 16/03/2011 22:32
St'affare hè GRAVISSIMU !
Un c'hè da ride. Bucchini vole fà vene E MAFFIE RUSSE. Pè sbiancà i so soldi.
In duv'elle venenu, distrughjenu u paese. Bucchini hè peghju chi Rocca Serra.
Muvemuci pè attacalli cum'è emu attacatu u Padduc.

8.mandatu da nuit bleue u 17/03/2011 11:51
U "bling bling" piace a tutti i corsi, un c'hè che da sorte in cita e fighja e done vistute cume per ballà, l'omi cu e viturone, i cacciadori cu i fucile i piu cari, Bucchini ci raprisenta bè, simu u populu u piu "bling bling" di a pianèta.

9.mandatu da Bucchini Dumènicu u 29/03/2011 17:05
Salute-

S’è vo’avete intesu bè l’intervista, aghju parlatu soprattutu di i scambii culturali è scentifichi, spicialmente per via di l’Università, è di u sviluppu di e rilazioni ecunomiche trà a nostra culletività è regione di Russia. Per ciò chi tocca à u turisimu, un’ mi pare micca un sprupositu di vulè fà cresce u numeru di i cruceristi quand’omu sà ciò ch’elli arrecanu à u cumerciu lucale. Ghjè di quessa ch’e vulia parlà dicendu chi si pudia « cuntinuà » è micca – cridite mi puru !- di l’acquistu di e « strutture », usterie o altre. Ch’ellu un’ ci sia malintesu, state puru tranquilli, annantu à una certa idea di u sviluppu di a Corsica è di a trasparenza un risicheghju di cambià à i me anni !

Dumènicu Bucchini, Presidente di l'Assemblea di Corsica

10.mandatu da estrimei u 29/03/2011 18:33
salute o sgio presidente ,
un simu micca di pulitica , ma he un veru piecè di vere un presiente di l'assemblea di Corsica vene nantu a piazzetta e spieggassi in lingua nustrale .


a demucrazia he dinnù chi l'elletti vainu a cuntrastà incu l'ellettori ('ncu u Populu ,he ancu megliu). forse ci ne serà d'astri a seguità l'esempiu.

11.mandatu da Piombu? u 29/03/2011 19:08
Un scrivite micca u Sartinesu ?

12.mandatu da francescu u francese u 29/03/2011 21:47
Scusate o sgiò presidente, ma aghju turnatu à ascultà è dite bè "dans certains endroits de l'île ils sont déjà implantés, ils ont déjà acheté des structures"...

Dunque, ricunniscite bè chi i Russii si so digià impatruniti di parechji "affari" in Corsica...

ghjè un'infurmazione impurtante !

13.mandatu da Ghjù u 29/03/2011 22:14
Un credu micca chi dumenicu bucchini venerà a spiegassi quì.. E cume l'ha dettu "piombu" un hè micca sartinesu quessu ?

14.mandatu da carlu u 29/03/2011 22:25
Serà veramente ellu ?

s'ella hè vera, felicitazioni à BUCCHINI d'avè fattu sta dimarchja, hè cusi ch'ella viaghja a demucrazia

forse serà u so secretariu, o attaccattu chi scrive supranacciu e micca suttanacciu...

ma mi dispiace ma nant'à Alta Frequenza Bucchini dice bè "ils sont déjà implantés...."

forse ùn avete micca vulsutu incuragisce l'impiantu di a mafia russia, ma ricunniscite ch'ella ci hè in Corsica !!! hè una infurmazione interessante quantunque.;..


15.mandatu da orsucciu u 30/03/2011 00:37
Hè vera chì nurmalamenti duveria scriva in sartinesi...s'eddu hè iddu davveru, ghjè un' iniziativa da salutà !

16.mandatu da Soffia Minculu u 30/03/2011 07:00
PPffffuuuu....Ò mansa di mitò aahhhhhh.... Suffieti mi in culu aahhhhhhh!!!!!!!!

17.mandatu da estrimei u 30/03/2011 07:32
so chi he sicuru , he chi u turisimu un ha sensu che s'ellu ghjova a a Corsica -- per contu meu a Corsica he tuttu u POPULU corsu -
oghje u turisimu ghjova a nepochi chi si facenu chjamà " l'économie de la Corse " ; he dinnù ellu a caggiò di tutti sti solli chi facenu nasce i morti cume i buledri .
ie , c'he a maffia russia , c'he a brise de mer , ci so l'astri e quil'astri , e po ci so sti zitelli chi volennu a Porsche o a Ferrari , a casa a bor di mare incu mille metri quadrati e u battellu .... per esse cume l'astri.
e ci so i corsi disgraziati chi so cundannati a perte per buscassi un pezzu di pane -chi qui u li negganu - , e ci so si corsi chi un anu micca i mezi d'accasassi -'nu u so Paese- e ci so sti corsi chi campanu 'ncu una limusina......
e po ci so st'ellezzione incu ellettori chi per forza o per amore votanu.... a lalleru!

Novu cumentu :