Accueil
Envoyer à un ami
Version imprimable
Partager

A CCM Airlines s'hà cumpratu Alitalia !

A crisa finanziaria mundiale, a crescita eppò a falata di u prezzu di u petroliu è a gestione pessima d'Alitalia ci ponu rende felici ! A nostra piccula cumpagnia regiunale s'appronta à fà una OPA nant'à a cumpagnia aerea Alitalia...



A CCM Airlines s'hà cumpratu Alitalia !
Finiti i voli periculosi nant'à i vechji Fokker 100 di a CCM... Da quì à pocu averemu Airbus A380 per un Aiacciu Parigi d'un oretta o un Aiacciu-Bastia di 20 minuti...

"Eramu in discussione dipoi un pezzu digià incù i cullaburatori di Silvio Berlusconi. L'avemu fatta à prupone li una ripresa di l'impresa chì seria accittevule per l'azziunari quant'è per l'impiegati. Speremu avà chì u sviluppu di a nostra cumpagnia ci permetterà di creà ancu più impieghi in Corsica". Eccu e parolle di a bellissima purta voce di a CCM. Eppuru i sindicati taliani si lagnanu digià è prutestanu contru à a cursisazione di l'impieghi.

A ci l'hà detta Massimo Rossi, u purtavoce di i mecanichi d'Alitalia "Siamo nati in Italia. Non vogliamo lavorare in Corsica. Alitalia deve rimanere una compagnia italiana".

Eppuru a CCI di Bastia hè in sussuru. Si parlerebbe di delucalizà una parte di l'attività di l'aeruportu di Milanu in Puretta è quelle di Roma in Figari, di modu à fà di a Corsica un hub isulanu à mezu à u mediterraniu.

A ci la spiega u purtavoce di a CCI : "hè una riescita tremenda stu hold-up d'Alitalia. Dopu trenta anni di cuntrastu nant'à u sviluppu di a filiera purcina, di u latte o di l'aquacultura, parlemu infine di a filiera aerea. Per un isula chì affundava, hè cum'è una rivincita o una vindetta nant'à a storia!".

In quantu à u direttore finanziariu di a CCM sustene chì : "Secondu i nostri conti. Serà di più interessante per i Corsi d'andà à fà e solde in Italia chè d'andà à fà le in Nizza. Postu ch'elli avianu a paura d'esse licenziati, l'avemu fatta à calà e paghe di l'otesse è di i piloti lucchesi. Cusì, averemu voli low costi trà Milanu è Calvi o Figari. Quessi pò, sò l'industriali taliani chì ci l'anu dumandata. Cusì e case ch'elli contanu di custruì in bor di mare saranu più vicine da e metropule eurupee".

È dopu dicenu chì in Corsica ci manca u spiritu d'impresa... Certe bugie!

u 28 di Sittembre 2008
Sbanditu



1.mandatu da jbgeronimi u 28/09/2008 22:29
Hanu pigliatu una suvvenzione ?

2.mandatu da Urelianu u 29/09/2008 16:34
beuh, chi bella nutizia!! E' Berlusconi ch'ha dettu? chi s'ha da costruisce una casa qui? Una nant'a a Costa Smeralda in Sardegna, è una nant'a Costa Verde!!! lol!!

3.mandatu da Penisulanu u 29/09/2008 17:11
Forse so megliu i Fokker 100! L'Alitalia a stanno a vende a pezzi, un la so micca si ind'e l'airbus ci truvate u motore! Ghje cumu un puzzle! Lasciate corre!

Parola di penisulanu!

Novu cumentu :