Accueil
Envoyer à un ami
Version imprimable
Partager

A Caccia à a bistuca hè aperta

Cuntinuveghja a pulèmica principiata cun l'articulu di A Bistuca nant'à a a caccia ch'avia inghjenatu tanti cummenti. Eccu quì una di e so riflessioni...



Da a caccia à a sacralizazione di a Corsica : benvinuti à u tempiu.

L’articulu nantu à a caccia cum’è d’altri pruposti nantu à A Piazzetta inghjenanu à spessu certi cummenti arrabiati da a parte di i littori o puru da l’autore. À le volte hè bramatu u cunsensu, u dolce dì, a nurmalizazione di u pinsà, l’attundulata di a riflissione.

Ma senza sensu criticu, ci n’andemu à l’usciu, andemu pà smarì. Una socetà, qualessa sia, t’hà bisognu di rinculu nantu à ella stessa. È què passa pà a critica, pà a macagna, ugittiva o micca, stuzzicaghjola, trasgrissiva, schirzosa, passa pà u scambiu, pà u cunfrontu di l’idee. Ma sopra à tuttu una socetà viva hè una socetà chì ride, è chì ride d’ella stessa. Ci tocca à esse à l’uppostu di una socetà sticchita, riprudutrice, capicalata. O sì nò, lampemu ci tutti avà in u pozzu di « in Corsica ùn ci hè prublemi, tuttu hè parfettu è ùn si pò ride di nulla », è femu la compie ! Andemu ci ne à u tempiu !

U prublema hè chì a socetà corsa hè una socetà malata, in piena crisa identitaria. A so esistenza stessa hè minacciata. Di una banda ci hè tuttu un latu di i « tempi fà » chì hè in traccia di smarisce o entre in museu è di una antra banda a Francia nega ciò chì ci ferma, cum’è a lingua par un dettu. Tandu l’identità hè in bisbigliu, in sussuru, in crisa ! A cunsiquenza cunnisciuta in tale situazione hà da esse di fà affaccà di modu sprupusitatu ciò chì cumpone l’identità, è dinò a cunsiquenza maiò hà da esse a sacralizazione di l’elementi identitarii. Tandu avemu una tuttemizazione di « u paese », di « i vechji », di « a lingua » ecc… ecc… è di « a caccia » ! È ssi sugetti sò duvintati « sacri », malannu à quellu chì a si prova à ritrattà li in burla. Vargogna à ellu !

Pà via di a crisa identitaria ma dinò pà via di a strittezza di u locu a critica in Corsica vene difficiule è certi prifiriscenu aggradì è accunsentì tuttu più tostu cà piglià u risicu d’ammurscià a ghjente. Ma fendu in u cunsensu : ùn si dice micca s’è tale libru scrittu in corsu hè goffu postu ch’ellu hè statu scrittu in corsu, ùn si dice micca s’è tale gruppu di musica corsa hè goffu postu ch’ellu canta in corsu, ùn si dice s’è tale piattu hè bonu postu ch’ellu hè un cucinaru corsu chì l’hà fattu, ùn si dice chì tale paese hè gistitu male postu chì ghjè un paese ecc… ecc… è ùn si macagna micca a caccia postu ch’ella addunisce « vechji » è giovani chì in più parlanu corsu ! Allora « don’t touch !»

E trè scimie di a saviezza in a mitulugia chinese : « ùn sente nulla, ùn dì nulla è ùn vede nulla »…

Da riflette ci !
A Caccia à a bistuca hè aperta

u 13 d'Aprile 2008
A Bistuca



1.mandatu da AK47 u 14/04/2008 00:32
anu da durà assai sse cunnarie ?

o bistù, pensi veramente ch'è no t'avemu aspettatu à tè pà rida ? ma cheta ! pianta appena di dà i to lizzioni arruganti di quellu chi vole ghjucà à u novu intellettuali corsu mudernu è "smart" ch'ampara a vita à u povaru è bravu imbecile paesanu ch'ùn cunnosce nienti

si davveru un vituperiu, pianta appena di pigliati pà quellu ch'è tu un sè micca, ti farà pro

2.mandatu da leie u 14/04/2008 10:30
quessu po u cummentu hè custruttivu !

3.mandatu da circinelludiguagnènativupèliguagnesusosanguaversatu u 14/04/2008 10:48
Heeeeeu! o amicu ti devi calmà un pocu, Heeeeeeeeeeuuu caccia calcosa caccia! pinsavu eu ch'è tu riddii ma m'avecu ch'è tu sè beddu seriu! ùn vecu micca unduva hè a lezziò, Bistù ha digià rispostu chi li piaccia a caccia....
Bistù: semi cùn tecu, semi !!!

4.mandatu da M16 u 14/04/2008 10:50

M16 vs AK47...

O AK47, prova si n'hè ch'è tù ùn ridi micca... Sì sempre in traccia di CRITICÀ !!!!

U vituperiu, mi pari ch'è sì tù, u mio coccu !

Hà da durà assai ssa caccia à a ghjente chì si sprime à modu soiu ?

ÙN CI HÈ PIÙ MANERA DI SPRIMESI NURMALMENTE QUÌ ??? Fora di e ghjastemme contra quelli chì dicenu ciò ch'elli pensanu ?!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

D'apressu à mè si pudarianu caccià issi cummenti chì ùn ghjovanu à nunda...

5.mandatu da GWM u 14/04/2008 13:04
Avà chi sapemu chi semu ammalati, aspettemu a cura...

Ben'intesa chi pudemu ride di noi stessi...mà vogliu di chi a Piazzetta hè nata solu unipochi mesi fà è chi digià certi spiritoni sboccanu qui forse cun l'intenzione d'esse divertenti mà infatti e ci facenu falà cutrate...
Quellu articulu nant' a caccia era per mè tuttu salvune piacevule; hè nurmale di macagnàssi mà micca pichjendu à l'accarcu nant'i paesani o un altra categuria. Per mè, hè 'contrapruduttivu'.

Hè strettu strettu u chjassu trà l'omu di spiritu scherzosu è u pretenziunutu chi dà lezzione... Di quessu ùn avemu bisognu.

6.mandatu da l'associu di i cacciadori di u falasorma u 14/04/2008 16:53
eccu.

avà ch'e no avemu pussutu identificà "a bistuca" e ch'e no sapimu quale si piatta daretu à stu pseudonimu, i colpi anu da falà.

appuntamentu hè presu pà a rientrata, luni chi vene. ci semi capiti.

7.mandatu da société de chasse de Cugnocoli-Muntichji u 14/04/2008 22:50
CI SEREMU ANCU NOI.

DA RIFLETTECI.

8.mandatu da l'associu di i cacciatori (à l'omu) di Sulleforche paese sup u 15/04/2008 15:45
Ancu noi ci seremu.
Di modu sulennu dichjaremu ch'ella hè lampata a fatwà sopr'à a bistuca !!
Hè inaccettevule chì stu pretenziunutu si permetti di fà ci riflette appenuccia è ch'ellu adopri u sacrilegissimu "secondu gradu" !!!!
Noi, à u "secondu gradu" ùn ci capimu un acca, allora c'emu à ritruvà soli cum'è conni à fighjà tutti l'altri sbillicati ???
Ci vole à tichjà lu di colpi. I colpi : què si chì ghjè "primu gradu" è chì si capisce bè da tuttu u mondu.
U mondu averebbe da girà à tichjate di colpi ...
Da riflette ci (fintantu ch'ellu hè sempre auturizatu ...)

9.mandatu da Homo Josestromboniensis u 15/04/2008 16:20
han era secondu gradu ? ùn avia micca capitu (mà ùn ci capiscu nunda à nunda)! anc'assai chi ci hè a bistuca pè spiecàmi !

pè dilla franca, avà chi aghju capitu tuttu, mi sentu un antru omu, un antru Corsu ! ùn vecu più e cose di listessa manera ! vengu di scopre cio chi si chjama " A RIFLESSIONE" ! ùn sapia micca ch'ellu era pussibule pè l'omi nurmali !

Sta mane, stracquatu in a mo caverna, mastuchendu un cusciottu di carne cruda (dà qui a pocu, spergu di manighjà u focu), stava à l'addisperu, "ci la feraghju, di fà viaghjà u mio ciarbellu?". Ié, cari amichi, a pudemu fà ! Aghju vistu u lume !

Nè ci vulerebbe di più, tippi cum'è a bistuca, pè caccià a Corsica di a preistoria intellettuale è murale ! in più di quessa, l'omu hè burlescu cum'è nimu ! chi si po bramà di più ? Avà so fidanciu in l'avvene.

10.mandatu da Riririflettu!!!!!! u 15/04/2008 18:40
U prublema hè chì a socetà corsa hè una socetà malata, in piena crisa identitaria.

È tù, quantu anni ai? Fai a to crisa d'adulescenza? O buffalò!

11.mandatu da sp u 29/10/2009 06:28

MONOGRAFIA-ARTIGO-RESENHA-RESUMO-DISSERTAÇÃO-TESE E OUTROS....

Elaboracao , Orientacao , Complementacao ou Conclusao. Desde a escolha de um tema atual ate a seu resultado final.Interatividade direta com os orientadores. Garantindo excelencia em qualidade e exclusividade . Possuimos toda a documentacao de uma Empresa totalmente legalizada. Conheca nossos servicos , temos um especialmente para voce.
Sites
www .dissertacaoetese. com. br
www . elitemonografias. com. br
(11) 7542-2121
MSN: dominiomonos@hotmail.com

obs: os enderecos devem ser digitados sem espacos.

Acesse nosso site agora mesmo: www.elitemonografias.com.br
www.dissertacaoetese.com.br
msn: elitemonografias@hotmail.com
tel- 11-7542-2121





























12.mandatu da SP u 28/05/2010 19:07
ASSESSORIA ACADÊMICA, INTELECTUAL, EMPRESARIAL E TECNOLÓGICA

Empresa especializada em assessoria em LIVROS, MONOGRAFIAS, TCC´s, PRÉ - PROJETOS, ARTIGOS etc.
Somos uma equipe especializada em assessoria e orientação de trabalhos universitários, ou qualquer outro trabalho que exija em sua estrutura a aplicação de metodologia cientifica. Estamos no mercado há 18 anos, sendo 6 na Internet hospedados nas páginas www.dissertacaoetese.com.br e www.helpuniversitarios.com.br, e inscritos de forma jurídica sob o CNPJ: 11.641.989/0001-39, responsável por uma cooperativa composta por mais de 500 profissionais entre Mestres e Doutores com especializações dentro da área de orientação e metodologia cientifica.
Nossos professores comprometem-se com a elaboração de trabalhos INÉDITOS, além de bibliografias atuais, de forma que todos os trabalhos são passados por um sistema de capta possíveis plágio pela internet, garantindo assim a afirmação aqui realizada.
Vale frisar que apesar de haver uma exposição de nossa parte, o inverso não precisa ocorrer, já que o sigilo de nossos clientes é uma máxima observada em nosso cotidiano empresarial
Consulte nosso mega Promoção !!!!!

Entrem em contato agora mesmo:

www.helpuniversitario.com.br www.dissertacaoetese.com.br

Telefone 24hs : (011) 2626-9225

Email: monografias.tese@gmail.com
































Novu cumentu :