Accueil
Envoyer à un ami
Version imprimable
Partager

A Champion's League corsa

Quale ùn hà mai intesu : "Mais prenez-la votre indépendance, comme ça vous ferez votre championnat avec Corte et Ghisonaccia". Ci semu guasi, dumènica u Sporting và à ghjucà in Corti...



A Champion's League corsa
U picculu stadiu Santos Manfredi serà pienu à tappu pè u derby USC - Sporting in cuppa di Francia.

3000 persone sò aspettate allora chì a sola tribuna pò cuntene 700 persone. Crucemu e dite per ch'ellu ùn accadi nunda...

In tutti i casi pè i sustenidori turchini a mutivazione ci hè malgradu chì e pompe d'essenza sianu à seccu.

Iè, ancu per un Corti - Sporting ci hè a passione ! Cusì avemu una idea di ciò chì puderà esse u campiunatu corsu si un ghjornu a Corsica indipendente. Imaginate i derbies contr'à L'Isula Rossa, u CAB, a Squadra Capicursina, Antisanti... Ci camperiamu ogni dumènica !

Cumu nò ? Seranu megliu i macciacci contr'à Lorient, Sochaux, Troyes, Vannes, Sedan, Angers è Arles-Avignon ? Face un pezzu chì a Liga 1 francese ùn s'assumiglia più à nunda, ùn parlemu mancu di a L2.

Malgradu a falata, u pùblicu bastiacciu hà fattu u so ritornu in Furiani. Facia un pezzu ch'ellu ùn si vidia più tantu mondu è una ambienza cusì. Ancu France-Foot a dice. 5000 persone contr'à Gap (o ghjente, contr'à GAP !!!), ùn l'averiate criduta, nò ?

Allora vidite ch'ellu si stà bè in u mondu di u futbol amatore...

u 17 d'Utrovi 2010
u webmaestru



1.mandatu da estrimei u 17/10/2010 12:06
ancu ch'o un sie tantu passiunatu da u ghjocu a ballò , a vincità di i curtinesi mi feria piecè.
ma so chi primureghja he ch'omu un si scordi ch'ell'he un ghjocu 'nduve u piecè , u rispettu , e l'amicizia devenu esse quelli chi vincenu.
s'ell'un he cusi , serrà, una disfatta generale

2.mandatu da estrimei u 17/10/2010 12:07
a vìncita

3.mandatu da anto u 17/10/2010 16:04
Ci so d'altri affari piu impurtanti chè u futbol ,un sia chè l'essenza scarsa !

4.mandatu da per ride u 17/10/2010 17:43
Ci so d'altri affari piu impurtanti chè u futbol ,un sia chè l'essenza scarsa ! ANTÒ a dice..

È l'affare di l'arrubbecciu di e ritirate ùn vi pare micca di di più di primura cà a scarsità di l'essenza (è micca l'essezza...)?

Basta à ùn esse for di sensu...

5.mandatu da Linguaccia u 17/10/2010 19:01
@ per ride Chi arrubbecciu ?? Ancu un omu di manca cume Depardieu à dice chi ghjè una carnavalata ste greve pè e ritiratte...!! in altri paesi nè simu digià à 65 è 67 anni, ùn si po fà altrimenti o allora ci volerà à passà à a capitalizazzione....cume in Inghilterra...

sempre stu "Bonismu" di manca francese fora di realità (è à più stupida di u mondu.).

6.mandatu da per ride u 17/10/2010 19:14
Ah! avà ne semu à piglià u sensu ind'è DEPARDIEU (chì pinseri ùn ne hà pà a so ritirata).
Soca certi sò abbagliucati da l'ultima sillaba di a so casata!

È po depardieu ùn hè mancu corsu!

7.mandatu da Linguaccia u 17/10/2010 20:28
Depardieu era un grandissimu attore..francese..mà nimu ùn hè perfettu..!!

pè a so ritiratta hè vera chi penseri ùn ci nè deve esse.. vole ghjustu fà rimarcà chi omu po esse di manca è avè a "frasca" è a vita chi l'accumpagna....
mà mantingu chi a manca francese hè a peghju di u mondu....!!

8.mandatu da Mika Biskà u 18/10/2010 18:00
Infine bò, Curtinesi s'anu pigliatu a chjibba... Micca quant'è l'aiaccini ma a s'anu pigliata anch'elli.
i 35 sustenidori di l'ACA quant'à mè anu digià u trimuleghju di cascà contr'à noi.... OUAH ! ! !

9.mandatu da per ride u 18/10/2010 22:31
ribilotta...

Depardieu di manca , cum'è besson, krouchner et fadela amara, chì hà vutatu à sarkozy.

Soca sarkozy hè acu ellu di manca (imper et passe, forse?).

A manca francese a peghju di u mondu? Sarà ch'ella ùn abbastanza di manca?
Ci vole à capisce una volta pà sempre ch'ellu hè falatu u muru di berlinu!

10.mandatu da Michè u fliccu u 21/10/2010 20:56
u ballo d'avà ghjè pè i sempliciotti

11.mandatu da mercato u 21/10/2010 21:48
Mà e grande squadre cume l'Inter o Liverpool ùn morenu mai...!!

12.mandatu da Vivrefute u 17/12/2010 06:05
Infine bò, Curtinesi s'anu pigliatu a chjibba... Micca quant'è l'aiaccini ma a s'anu pigliata anch'elli.
i 35 sustenidori di l'ACA quant'à mè anu digià u trimuleghju di cascà contr'à noi.... OUAH ! ! !

Reductions

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta