Accueil
Envoyer à un ami
Version imprimable
Partager

A Corsica di i Cayenne è quella di i "screus"

A Corsica dinù hà a so "frattura suciale". Ci sò quelli chì viaghjanu in Porsche Cayenne, chì flàmbanu è ch'ùn cunnoscenu a crisa. È ci hè a "Corsica chì strazia", quella di e vitturacce, i chjodi, i screus, i càteri...



A Corsica di i Cayenne è quella di i "screus"
In 1995 per fassi eleghje Jacques Chirac avia inventatu l'idea di "fracture sociale" ch'ellu avia da riduce. 15 anni dopu, a frattura s'hè ingrandata, a puvertà hà splusatu, a miseria hè in ogni locu.

Sì in Corsica a puvertà ci vole à piattalla, a frasca è a sbacca elle si mostranu, sopr'à tuttu in e vitture, sìmbulu di riescita suciale.

Cusì, a sucetà corsa si sparte trà ricchi sbacconi chì rutuleghjanu 6 mesi in Cayenne, 6 mesi in Audi Q8 o in ML. Tantu peghju s'ellu cresce u prezzu di u baril d'essenza. U sbaccone ùn cunnosce a crisa nè mancu u Grenelle di l'environnement. Certi puntanu u lussu sin'à cunduce in "voiture blindée", u must.

Eppò ci hè a 'Corse d'en bas" pè ripiglià una Raffarinata. Quella di a precarità, di i picculi mischjeri stagiunali, di i strazii.

A nostra sucetà s'impuverisce è d'altronde a miseria ùn s'hè mai purtata cusì bè. Hà un bellu avvene davant'à ella. Da leghje l'articulu di u situ Corse-Economie : L’inexorable hausse de la pauvreté en Corse.

Sta Corsica chì strazia, ella, rutuleghja cù una vitturaccia, un càteru, un "screu", un chjodu, un catemblò...

Hè quella di e Renault 12, Supercinq Saga, 205 Junior, 4L Clan, AX K-Way, Break Volvo, 106 rughjinose o Lada sbrembati...

Più và è più crèscenu e disparità in a sucetà corsa. Sò dui mondi chì esistenu è ch'ùn si pàrlanu. Quellu di i ricchi sbacconi chì flambanu è quelli chì strazianu è chì s'arrizzanu à bon'ora.

Amichi chì cunducite in Talbot, ùn vale a pena di sunnià. Ùn hè micca dumane ch'è vo vi cumprerete u Cayenne...

l'8 d'Aprile 2010
U Sgaiuffu



1.mandatu da bob u 08/04/2010 15:48
certi dicenu chi a crisa ci hè in corsica... ma certi ùn a cunnoscenu micca

ùn ci hè che da vade tutti i 4x4 di i nostri simpatichi "hommes d'affaires" chi ripiglianu e povere sucetà di a povera "brise de mer"

per elli, a muneta cuntinuveghja di cascà tutti i ghjorni

2.mandatu da estrimei u 08/04/2010 18:50
mi pare chi pè a prima volta quist'annu , 'nu a campagna di a cullettività s'he ammentadu a puvertà: mi pare chi d'un cantu c'era a lista "du front de gauche" e di l'astru Corsica Libera .
e mi pare chi sti dui pertiti hanu surpresu 'ncu i so risultati !
ie in Corsica ci so i disgraziati , e numerosi so i corsi chi un ponu accasassi , chi un ghjunghjenu a impieggassi e chi un so piu assicurati di buscassi un pezzu di pane in astrò.
in listessu tempu ci so chi campanu senza travaglià (!) , ci so chi s'inricchiscenu per ch'elli so 'nu a manica , ci so chi hanu l'impieghi per ch'elli so di u pertitu..... : so forse quessi chi hanu , piu che l'astri , a divuzione di u "4X4"

3.mandatu da Fabien u 08/04/2010 21:26
C'hè un antra causa di richezza o di puvertà : a pruprietà.
Sè vo site pruprietariu di qualcosa (un terrenu, a vostra casa, qualcosa per i turisti, una paillotte...), site riccu, puvete cumprà u Cayenne.
Sè vo avete à cumprà a vostra casa, un terrenu... ghjustu per campà, site mortu. 25 anni à travaglià per a banca, à manghjà Panzani è à viaghjà in AX...

4.mandatu da Eric Zeymour u 09/04/2010 00:19
Ma, si pò ritruvà ste duie categurie suciale in lu mondu spurtivu isulanu : U Rallye !
- I carc'a soldi, ladri, parvinuti, malunesti, bobo,"fils à papa", pidochji rifatti, ch'un sanu più chi fà di li so soldi per amusassi, fora di i week end in Barcelona, di qualqui braquage, di a gestione di i stock di cucanïna o di li so schjavi di doppu...
- E closce, dunque spessu impiegati da quelli di nanzu, o disucupati , RMIsti, "emploi-jeunes", sumeroni, chi s'arruvinanu tuttu l'anu, pronti da andà piglià i denti in oru di lu s'arcicaccaru ind'a so cascia in campu santu per vendelle, o da fà manghjà u jambon translucidu "bien vu" à li so zitelli, tuttu que per rompe una Lancia Stratos à l'agunia dopu a 26 metri ind'a prima speziala...
Eccu una bella adunatita spurtiva è suciale di beaufs dicerbellati, u tempu d'una cumpetizione, sò tutti fratelli d'embrayage...

5.mandatu da Dollar... u 09/04/2010 07:22
Aio' o ghjente !! Megliu avè i soldi chi di esse poveru .... site veri communisti no ??

A ghjente travaglianu pè migliurà a so vita e quella di i so fliglioli... micca pè participà a ùn so chè..avvene.......allora piantatte appena di criticç u "Clan" ellu facia e dava piazza e pensioni a corsi, quale hè avà chi nè farà altr"è tantu ? i detti naziunalisti chi un vi parlanu chi di spartera incu i stranieri (Chi avale vitanu per elli...). O corsi battiti puru pè vvince soldi chi sarai liberu di campà cume tu voli , induve tu voli....

6.mandatu da anto u 09/04/2010 08:42
Bella riflessione nant'a un "traversu" di a nostra sucieta .E di chi tempi fà Cayenne era u "bagne " .

7.mandatu da bati u 09/04/2010 09:54
Tremendu di realisimu è di verità cio che tù dici o Eric Zeymour...

8.mandatu da Seb u 09/04/2010 10:04
Viaghju in 307, so povaru o ricchu ?

9.mandatu da Ahmed Zavìa u 09/04/2010 13:37
Eiu sò Aiaccinu e mi piaccerìa assai di viaghjà in Porsche CAIORNU...

10.mandatu da marcu u 09/04/2010 14:28
avte raghjò, mà so quelli ch'ùn anu u soldu chì facenu un sforzu tamantu per parè "in piazza" ... scarpi goffe (ma care), k-way "michelin" spaventosu, iphone, jean g-star strappatu à 250 € ... so elli i piu povari ... di ciarbeddu.

In corsica cume in francia a richezza e a riuscita di l'altri ùn piace monda ...




11.mandatu da Bobby u 09/04/2010 14:32 (da un teleffuninu)
Eiu so un "bobò" rusticu, aghju l'iPhone è viaghju in C15

12.mandatu da marcu u 09/04/2010 14:53
ch'ha da esse a "mode" quist'annu ...?


13.mandatu da estrimei u 09/04/2010 15:09
marcu :ch'ha da esse a "mode" quist'annu ...?
cume annu : fallà in Porti Vecchju , e fà u sbaccone nu u "vip " di "Via Notte"!

14.mandatu da Eric Zeymour u 09/04/2010 17:35
A "mode", in Purti vechju, hà da esse di "mettre le feu" nantu à lu dance floor di u "club 80" !

15.mandatu da Eric Naulleau u 09/04/2010 22:10
A moda in portivechju : Sbarazzasi di a so vechja motunaccia intisgiendu un fliccu...
A classa!! No a first classa...

16.mandatu da Traditore u 09/04/2010 22:24
In PVechju a moda hè avale di passà dà u patriottisimu corsu à u Boboisimu
franco-Corsu.....l'Angelinu hè avà un veru "Santu"...

17.mandatu da PER RIDE u 11/04/2010 09:32
AOL
Alain Orsoni Liberu !

Ci hè vulsutu chì a mamma li chersi, À A TELEVISIÒ, di pianta di fà l'anoressicu perch'ellu pianti.
Stu Alain chì macagnone.

Forse lampa ancu ellu una moda?

18.mandatu da Tarrucchendu u 11/04/2010 19:53
A più bella macagna, serà quand'ellu serà liberu, per a so mamma.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta