Accueil
Envoyer à un ami
Version imprimable
Partager

A Corsica hè rapresentata à a Cannabis Cup

Cunniscite a Cannabis Cup ? Hè una cumpetizione chì si passa in Amsterdam induve si festighjeghja u tizzone. In Corsica dinù, face una stonda ch'ellu si pianta di più canapu ch'è granu...



A Corsica hè rapresentata à a Cannabis Cup
In Corsica semu forti pè truvà feste è fiere pè tuttu : fiera di u casgiu, di a castagna, di u vinu, di u legnu, di u mele, di u ficu... L'Olandesi n'anu inventatu una chì puderia avè a so piazza in Corsica : a fiera di u tizzone.

Ind'è noi ci aviamu digià à "festijoint", ma custì hè ancu più grossu. A Cannabis Cup esiste dapoi 1988 è cum"è à a Santa di u Niolu, ci sò parechji stands di pruduttori chì presentanu i so prudutti. Ci hè una ghjuria chì i tasta tutti (o piuttostu chì i fuma tutti) è chì dà una ricumpensa à a più bona erba.

U successu hè tale chì u guvernu olandese vole avà interdisce à i fresteri di vene. Da sente nant'à u situ di France Info : A Amsterdam, le succès de la Cannabis Cup. I strangeri i più numerosi à andacci sò d'altronde i... francesi.

È di siguru, cum'è pè tutte e cunnerie, vulite ch'ellu ùn ci sia micca Corsi ? Oghje, ogni paese (o guasi) hà u so cutlivatore di canapu. Face un pezzu ch'ellu si pianta di più cannabis ch'è di granu. Di lugliu scorsu era in Castagniccia chì un "agricultore" s'hè fattu chjappà... in traccia d'annacquà e so lenze (da leghje in Corse-Matin : Castagniccia : un cultivateur de cannabis pris la main dans l'arrosoir).

Hè cusì, oghje l'ortu di babbone è a lenza di minnana ghjovanu pè l'amatori di tizzoni. È forse sti cultivatori seranu in "Tempi Fà", da quì à 50 anni...

Dumenica u 4 di Dicembre 2011
Gattivu



1.mandatu da Bob Marley u 04/12/2011 23:13
Rendite vi contu s'ellu era legalizatu u cannabis, l'agricultura corsa si purterebbe assai megliu.

2.mandatu da Cannavaghja u 04/12/2011 23:21
Pow, hè vera o Bob !

l'agricultura corsa salvata, u mondu di ritornu in i paesi pieni à tappu...

3.mandatu da Bobmarleghju u 04/12/2011 23:25
fuss'ella pure !

che no ni finischimu cù sta suceta di caca, Corsica Babilona !

che tuttu picesse 'n a cennera di u tizzone...

4.mandatu da a cuppulata u 05/12/2011 07:45
a i tempi, si piantava bè u papāvaru, i vechji si ne facìanu "decoctions" pa i dulori, pa calmassi... si chjama "opium" questu nò ?

5.mandatu da U Palatinu u 05/12/2011 08:51

6.mandatu da Mike Tizzoni u 05/12/2011 11:44
m'arricordu chi tandu in paese parechji vechji eranu sempre "sfundati"

7.mandatu da Francescu Antone Zappalortu u 05/12/2011 12:21
Iè, ancu inde mè eranu parechji l'antichi à stirpassi di Marighjuvanna !

8.mandatu da Claude E. u 05/12/2011 16:32
perche un lasceremu micca fa... ghje nurmale i drugadi si droganu e assai nurmale.
liberta di spressione, e liberta di fà.

pudemu fa tuttu cio che no vulemu in stu paese oghje perche micca droga a buzefu

9.mandatu da Michè u 05/12/2011 16:48
e torna unu chi mischja l'affare di l'affissu 'sacrileghju', a droga, ecc.
Cun argumenti cusi fini u dibattitu ha da avanzà di sicuru.
Quale hè chi ha parlatu di un mondu cumplessu digià ?

10.mandatu da Suzzoni u 05/12/2011 18:24
Inde mè piantemu sempre l'Erba tabacca... Ùn sò micca s'ella hè una droga, mà ci campemu !

11.mandatu da ANTO u 06/12/2011 05:38
Utizzone ghjè focu e u focu ghjè a morte .Ma cu Hollande si pudera cumpra u so "chichon" a Super U !

12.mandatu da marboeuf u 07/12/2011 00:35
Iè... Un manca più che un cummentu di u vostru fratellu di lotta Baccarelli... arf

13.mandatu da Paradisu u 08/12/2011 08:44
Un pocu di canapu sottu u PIPPINU CURTINESE ? D'appressu a me avianu tutti fumattu!.....

14.mandatu da Claude E. u 10/12/2011 22:44
e tu chi facci contra a droga 'cu i to grossi musculi???

Novu cumentu :



Seguitate A Piazzetta nant'à Facebook



Abbunatevi à u giurnale

Abbunatevi à u giurnale
Per abbunavvi à u giurnale o cummandà i vechji nùmeri, si passà quì



Site più di 19.000 à avè l'applicazione iPiazzetta !

Site più di 19.000 à avè l'applicazione iPiazzetta !
Eccu, site più di 19.000 à avè caricatu l'applicazione di A Piazzetta nant'à l'AppStore !

L'applicazione viaghja per iPhone è iPad, ma dinù Android è WP7.

a prima applicazione d'un media corsu.

Sò state sviluppate da una intrapresa corsa, DuoApps !


Ricircà nant'à A Piazzetta

Inscription à la newsletter