Accueil
Envoyer à un ami
Version imprimable
Partager

A Corsica infine trasfurmata in Côte d'Azur ?

In Corsica, i bettunizadori ùn si riposanu mai. I prugetti immubiliari tremendi sò di ritornu.



U situ di l'associu U Levante face circulà una petizione di u cullettivu di a lege liturale contr'à u prugettu di Padduc chì prevede di custruisce nant'à certe ZNIEFF (zone naturelle d'intérêt écologique, faunistique et floristique).

E Znieff sò prutette è incustruttibili dapoi u 1992. Ma ben'intesu, ùn mancanu e pressioni di e cagnacce chì volenu trasfurmà a Corsica in Côte d'Azur.

Hè cusì chì di parechji prugetti immubiliari in i più belli lochi priservati di Corsica sò di ritornu. U Levante parla di quelli di A Testa Vintilegna in Figari, Arone in Piana, o in Coti Chjavari : "projet immobilier sur 137 hectares avec villas de 400 m², golf 18 trous..."

In altrò, si sà chì stu mudellu di sviluppu ùn viaghja micca è ch'ellu hè dannificu. Ma cum'è in Corsica ùn avemu capitu nunda è ch'è no avemu 30 anni di ritardu, arruvinemu i nostri paisaghji chì eranu (à pocu pressu) priservati sin'avà.

À voi di fà sente a vostra voce s'è vò ùn vulete di quessa. A petizione si trova quì.

Avà, avete u dirittu di pensà ch'ellu hè più bellu quandu hè tuttu bettunizatu è chì "on ne va quand même pas transmettre que du maquis à nos enfants".
A magnifica cità di Benidorm, Spagna.
A magnifica cità di Benidorm, Spagna.

u 1mu di Sittembre 2014



1.mandatu da Paganucci u 02/09/2014 13:09 (da un teleffuninu)
Pourvu que la Corse ne ressemble jamais a ça!!

2.mandatu da Mènicucucci Dumènicu u 02/09/2014 13:19
Micà què in Corsica !

3.mandatu da Billou u 02/09/2014 13:31 (da un teleffuninu)
Si scrive "testa vintilegna".

4.mandatu da sardu u 02/09/2014 16:58
noo,micca costa azzurra,lasciate a corsica bella cusì cume hè,sta cazzu di bettunizzazione di *****

5.mandatu da Salvatore Corda u 08/09/2014 12:53
Sa Corsica est bella com'est! No hat bisonzu de tottu custu zimentu chi battit su dinare in buzzacca a sos ispeculadores!! Saludos dae Barbagia.

6.mandatu da stumacatu u 16/05/2016 10:56
Pacienza, tuttu hà da vene...!!

Si n'occupanu : "on ne va quand même pas transmettre que du maquis à nos enfants"...

Novu cumentu :