A Corsica nant'à Google Street View

Casca bè, facia una stonda ch'ellu ùn c'era più pulèmica nant'à Google. À u mumentu induve u deputatu Jean-Christophe Lagarde lancia u dibattitu nant'à a a quistione di a vita privata nant'à internet, s'ampara chì a Corsica sana si ritrova nant'à Google Street View.

Per ellu, «La protection de la vie privée passe avant le business d'une multinationale du net». Si tratta di siguru di Google, è in particulare di Google Street View.

N'aviamu parlatu qualchì mese fà nant'à A Piazzetta.

Pruvate ! Vi puderete spassighjà in e strette di Bastia o quelle di Bustanicu.

U serviziu hè propiu fattu bè. Ma semu da veru sempre appena di più fliccati...