Accueil
Envoyer à un ami
Version imprimable
Partager

A Corsica, riserva naturale d'indiani ?

"Réserve naturelle de vacances" dice u slogan di l'ultima campagna publicitaria di l'ATC chì si pò vede da per tuttu in Francia. Per una volta ùn si pò esse ch'è d'accunsentu cù i capizzoni di a regione : a Corsica s'assumiglia di più in più à una riserva.



A Corsica, riserva naturale d'indiani ?
L'Americani anu riesciutu à regulà u prublemu di e so minorità : anu datu à l'indiani una spezia d'autonomia nant'à un territoriu custrettu. Cusì sò nate e "riserve indiane". Dopu, per avè a pace, l'anu lampati unepochi di casinò è d'alcolu per ch'elli possinu distrucesi trà d'elli. Almenu, ùn facenu più cacà à nimu.

Serà per preparà a prussima evuluzione istituziunale di a Corsica chì i publicitarii parigini pagati da l'ATC anu sceltu stu slogan ?

U fattu si stà chì a Corsica s'assumiglia di più in più à una riserva d'indìgeni, digià minuritarii ind'è elli.

Ci vole à dì chì pettu à u trionfu di u soldu è à a mundializazione ch'arruvineghja tuttu, hà da esse di più in più difficiule per u picculu populu corsu di cuntinuvà à tene a so cultura, a so lingua è a so identità.

U turisimu hà acceleratu l'acculturazione è ci hà arregatu u so lottu di disguasti : pippol conni, trafficoni in tutti i gèneri, sonniu americanu pè i disgraziati. D'avanti à st'afflussu di soldi da fà girà i capi, i corsi si sò messi à vende a so terra è a so anima. A saperanu Séguéla è Clavier. Welcome to the pleasure !

Hà ragiò l'ATC, a Corsica hè digià una riserva. Ùn ci manca più ch'è da mette a beretta misgia è a cinta rossa per andà à cantà l'estate innù e pizzerie per fà crede à i turisti chì u populu corsu hè sempre vivu.

Ah nò hè vera, quessa esiste digià.


tags : vacances tourisme corse

A Corsica, riserva naturale d'indiani ?

Marti 1 Aprile 2008
U Sgaiuffu



1.mandatu da Quill'altru u 2008-04-02 12:18
Ùn v'inchiitate, da quì à bellu pocu pudarete truvavvi un novu stanta pane per 'ssu Nebbiu.
Iè, aiò per quellu golfu chì s'hà dà fà, cù u so spaziu esoticu è u so paese corsu !
Sciaccatevi puru un curpettu, lampate una paghjella, fatevi falà un pastizzu sprimenduvi cù qualchì onomatopè è farete l'affare...

2.mandatu da circinelludiguagnènativupèliguagnesusosanguaversatu u 2008-04-02 14:18
Bravu ! Ben' vistu
ciò chi mi stumaca u più hè l'utilizazioni di u nomu "corse" pà u nostru paesu, allura chi pà 5 milliardi di tarriani, hè cunisciutu cum'è a "Corsica" o "Corcega". Povar'à noi, privilegiemu un nomu agraditu da a putenza cuntinentali ancu s'eddu ci ghjoca contru à u puntu di vista puri ecunomicu !!!

3.mandatu da gigi u 2008-04-02 14:21
http://i41.servimg.com/u/f41/12/21/14/97/corse_10.jpg



vu sur unforum

super

4.mandatu da Benghjè u 2008-04-02 19:43
Ch'elli varghinu puru à fassi leghje tutti st'inculati... scusate ma sò e prime parolle chì mi venenu quandu pensu à ciò ch'elli volenu fà di u nostr'avvene...
Anc'assai ch'ùn simu ancu morti.

(sinnò una volta di più vi feliciteghju per u vostru travagliu nant'à stu blog, veramente ci campate bravi !! spergu ch'avete da cuntinuà)

5.mandatu da GWM u 2008-04-03 00:01
ALLORA CHI FÀ?

6.mandatu da ribella u 2008-04-03 00:13
Bel articulu cume sempre!
Hé un bellu pezzu chi u scagnu di l'Auropa fendu riunioni in Ajacciu, in Bastia , a l'Università dicia ch' issi cusi belli loghi devianu sta in u statu naturale(!) .di tandu : eramu a pocu pressu qualch'annu dopu l'apertura di l'Università....
L'aviamu dumandatu trà Mma Grimaldi è eiu cume ci aviamu dà vesteci pè piace à issa ghjente chi travagliava è ripurtava solli, venuta dà u nordu di l'Auropa a ripusassi , è si un spaziu ci seria datu : a riserva
E cose avanzanu.!.....hè l'Assembléa chi prupone a riserva naturale !

Un ci dove restà abbastanza vodka!
Hè forse perqu'essa chi Camillou si ne vole andà è ricupera a so lascita di Porti Vecchju

7.mandatu da Yvanuterribule u 2008-04-05 17:07
a riserva ci hè digià : CTC , corsu Grandval in Aiacciu; u sceffu ùn ci n'hè scurdemu micca hè u figliolu di u puverettu di RENARD ARGENTE !!!

8.mandatu da furesteru u 2008-09-01 12:06
E i nostri paesi so tutti "villages vacances" .
Case trafalate cù e so "boîtes" à lettere nove.
Spertimenti micca fatti nimu ci vole mette un sollu ma tutti ci volenu vutà.
Quandu ghjunghje un "tourisque", dopu a visita di a chesa ci fieghja pusà e senza un salutu si ne và.



9.mandatu da furesteru u 2008-09-01 12:08
E i nostri paesi so tutti "villages vacances" .
Case trafalate cù e so "boîtes" à lettere nove.
Spertimenti micca fatti: nimu ci vole mette un sollu ma tutti ci volenu vutà!
Quandu ghjunghje un "tourisque", dopu a visita di a chjesa ci fieghja pusà è senza un salutu si ne và.



10.mandatu da Elvira u 2008-09-01 13:55
"indigeni" semi, si dici cussì, è sta parola ùn hè pessima, mancu una cria.......quali si n'hà da amuscià? quisti ghjilosi chì ùn hani nisciuna radica ùn la poni pata.....ci vurria à sarrà ci in tal'modu chì in la noscia riserva ci fissinì cacà pochi pochi "americani" di paccotiglia........(senza taruccà!)

11.mandatu da lisandra u 2008-10-12 15:01
A momentu ci dara a i turisti un guidu chi spiegherà a manera di parlà à i corsi per falli piacè, a manera di campà in corsica e a manera di da i soldi a i corsi. cusi, u populu sera zitu e seremu cume e scimie nant' un zoo!!!

12.mandatu da Marie-Angé u 2008-10-19 11:28
Chi piacè di receve tutti l'anni ind'e a nostra riserva i turisti, supra tuttu francesi, chi cunnoscenu tuttu nant'à nostra cultura, a nostra gastrunumia è chi anu sempre quistione intelligente à dumandà cum'è : "Elle est de cette année la figatella ?" Si passà di cumentu!
Cumu a publicita per una vittura chi passava à a televisio, a Corsica ha da diventa une riserva naturalle chi accogliera turisti o pumataghji, e tutti inseme ci feremu passà per paisani chi un anu mancu a televisio!
infini vale megliu esse paisanu che pumataghju!

13.mandatu da 2035 u 2008-10-19 16:00
Ùn vi inchietate micca, campani sempre pà sti paesi corsi integri, fidi è sinceri.
Sò elli chi seranu i paganacci di u padduc di Camille è Ange.

14.mandatu da Cara u 2008-10-21 17:18
l'activita turistica un face che augmenta, ma u prublema ghje chi di iu in piu i turisti dumenda une certa qualita per e so vacance

15.mandatu da 90210 u 2008-10-21 21:20
E veru che i turisti quandu ghiunghienu in corsica fannu come se semu indegeni, e che un avvemu micca à u "modernisme" , pa elli a corsica è sempre quella dà 1800 ... I cuntinentali chi so mai venuti in da noi pensanu che in corsica un ci hé micca vittura e strada e che avvemu sempre sumeri, camini in terra e maghja !

16.mandatu da 112588 u 2008-10-21 21:39
So d'accordu, a Corsica s'assumiglia di più in più à una riserva d'indìgeni, per colpa da i turisti che credanu che semu inferiori à elli! Quandu arrivanu in vacanza , fanu cumu se a nostra cultura era insinifiante. E difficiule pè a corsica di cuntinuvà à tene a so cultura, a so lingua .

17.mandatu da oziu u 2008-11-04 14:17
bravi!
Vandemu nostra terra, nostra cultura et oghje noi!
Seremu indigeni cume indiani in America e acculturazione in Corsica so piu e piu forta.
Stu articulu mi fà pora!

18.mandatu da 9999 u 2008-11-04 20:04
Stu articulu mi fà pensà à u PADDUC. Cù ellu, ci vulenu cambià a Corsica pè fà più soldi in u turismu, è strughje a fauna è a flora ugnulu in Corsica.

19.mandatu da a bedula u 2008-11-08 16:54
Hé veru chi 'ssu articulu fà pensà à u PADDUC cù u fattu di fà passà i bisogni di i turisti davanti i nosci !
Prima , ritruvemu i nosci priurità é dopu pensaremu à l'altri

20.mandatu da Femina u 2008-11-10 15:19
Un avemu micca bisognu di bettuniza vicinu a u mare per fa vene i turistie i people!
Prima ci vole a sviluppa a nostra ecunumia cu d'altre cose che u turisimu.

21.mandatu da Diu u 2008-11-11 20:10
hè veru ch' ùn cè micca tuttu qui, mà ùn semu micca in li tempa mezzani!

22.mandatu da Cavallucciu Marinu u 2008-11-11 22:07
Ieri,oghje è dumane si u corsu ùn scambia micca a manera di pensà , u corsu ùn pò esse altre cose che un funziunariu. Pò mette in valore a so terra è campà di sta terra è di tuttu ch'ella pò dà.

23.mandatu da micca nome 2 u 2008-11-12 13:31
ùn aghju micca cummentu da fà nantu st'articulu

24.mandatu da Santu Ghjuliu u 2008-11-12 14:49
Se elli ci danu alcool e casino, perchè mai???

25.mandatu da Ballarina u 2008-11-12 21:09
Pò esse a Corsica una riserva « d’indigeni ». Ma di duie categorie i ricchi ch’anu i tarreni, i povari ch’ùn anu nulla. I ricchi vendenu a so robba à i pizunti, migliureghjanu a so vita. I povari elli guardanu è facenu critiche. A lingua francese affacata dopu u talianu hè diventata lingua di prumuzione suciale. Ùn ci stunemu micca sè i turisti sò anch’elli rispunsevuli di a riescita suciale di tutti sti corsi ch ‘ùn volenu più zappà è campà cù u fruttu cacciatu da a tarra ! Ùn vale ad’ incalfà a baretta misgia è cinghje a cinta rossa pà fà capì che no semu corsi. A corsica hè ciò che noi n’emu fattu !!!

26.mandatu da o valisglia u 2008-11-23 19:12
U populu corsu vivè in una "reserve naturelle de vacances", tutti ghjorni simu in vacanze, un paradisu nanta a terra.
Nò un'hè micca què, travagliemu ma sott'u sole, un hè piu listessa, mezza pena. E vacanze, u turisimu, "s'ella fussi pussibule di ritruvà i soldi ch'avemu lampati in sta Corsica" stu dolce sonniu di "retombées economiques".

27.mandatu da Piratella u 2009-02-16 01:56

Simu una riserva, hè per quessa chì certi turisti ci trovanu "riservati"?


28.mandatu da Tritore u 2009-02-25 15:17
A corsica e cio qu'ellu ne hannu fattu uni pocchi, e diventara cio qu'ellu ne faccie u restu.
U travagliu si saria ind'e noi ma , bulemu esse tutti impiegati, u zapone un lu piglia piu nimu. U statu francese lampa uni pochi di soldi in tantu tantu e pensa : avale tassatevi e sterpatevi e cusi u problema e regulatu. O a me cursichella quant'eiu ti lagnu.

29.mandatu da joe l'indianu u 2009-03-02 11:11
semu lecchi !!!!

30.mandatu da Tritore u 2009-03-02 11:58
Un semi mica lecchi. Ci vole a pisa u capu. Si noi bassemu i braci allora si chi semu lecchi. Aghjo spartemuci chi ghje ora.

31.mandatu da opé u 2009-12-01 21:50
Remerciez les personnes qui remplissent nos commerces l'été et soulignez leurs efforts au lieu de manipuler les gens en leur donnant une fausse opinion de nos institutions touristiques.

32.mandatu da manipulator u 2009-12-02 01:04
fuck turisimu

33.mandatu da machja u 2009-12-02 11:06
Quels commerces, quels touristes ?
Ce sont les holding de l'agro-alimentaire, et leurs super marchés qui rafflent le peu d'argent que laissent ceux que vous appellez des touristes, et qui ne sont que des mendiants ,sans moyens, qui se contentent de quelques tomates sur le parking d'un geant casino.
Faites les comptes en fin de saison, et vous verez que la Corse est encore perdante, car non seulement, il n'y a aucune retombée economique mais en plus, ce sont les corses qui doivent payer pour nettoyer les "merdes" laissé par ces gens la.
Le tourisme ne profite à aucun pays pauvre, on exploite notre environnement, notre terre, on detruit notre culture, notre langue, on pollue nos rivages, nos lacs et nos riviére de façon irreversible, tout cela au profit de quelques financiers etrangers, et quelques mange merde corse qui se croient plus malins que les autres.

34.mandatu da Tritore u 2009-12-02 11:21
Chi disgrazia. Si cerca sempre a da a colpa a l'altri, semu noi i corsi, semu noi chi lasciemu fa. Allora ci bulara un ghjornu a fa "tabula rasa" senza liticche senza rancore. Pa noi, pa a corsica: curraghju e un pocu di fiertà.

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter