Accueil
Envoyer à un ami
Version imprimable
Partager

A Grecia vende u so liturale

A Grecia hè officialmente u Magic Stock di l'Auropa è u paradisu di i speculatori. A liquidazione cuntinuveghja, u Statu mette in vendita 110 mari, marine è pezzi di liturale.



A Grecia vende u so liturale
In u guatru di u pianu per fà entre i soldi in e casce di u Statu, tutti i mezi sò boni in Grecia.

A Taiped, l'agenzia di privatizazione di u paese hà decisu di mette in vendita 110 mari, marine è pezzi di liturale. I speculatori è e cagnacce di finanza si sò trovi un paradisu.

"Informez les Russes et les Qataris de se dépêcher !" si pò leghje nant'à un situ d'infurmazione grecu. Tout doit disparaître ! È trippa, custì ùn si parla micca di statutu di residente.

In a lista di i 110 lochi à vende, parechji giuielli è zone d'interessu eculògicu "Natura 2000". Hè u casu di i mari di l'isula d'Élafonissos. U mare hè bellu è a rena hè bianca. Sin'avà l'abitanti avianu riesciutu à più o menu priservalla di u cimentu.

Spiega u merre in Le Monde :

« C'est le choix de développement que nous avons collectivement adopté pour préserver notre plage, et aujourd'hui, au nom du remboursement de la dette grecque, on nous imposerait de vendre notre trésor ? »

Da quì à pocu ci serà un bellu cumplessu immubiliare ch'impiastrerà u paisaghju, è ùn li firmaranu più ch'è i so ochji per pienghje :

« Si, demain, de gros complexes hôteliers ou des villas privatives se multiplient sur ces plages que nous avons choisi de garder le plus vierge possible, alors ces touristes partiront. »

Tè, ellu almenu hà capitu. Ci vuleria forse à presentalli parechji eletti corsi.

Nant'à u situ di l'agenzia greca incaricata d'organizà stu spachju, ci hè un catalogu induv'ellu si sceglie, cum'è nant'à La Redoute. "A unique opportunity for investors" si pò leghje.

Casce viote, paisaghju priservatu à vende è à custruisce, speculatori... Vi face pensà à qualcosa ? Ùn vale a pena di piglià a Grecia à a risa. Dice u pruverbiu "ùn ride micca di u mo dolu, quandu u meiu serà vechju, u toiu serà novu"...

u 14 di Ghjugnu 2014



1.mandatu da sardu u 14/06/2014 13:20
un hè ghjustu!!! europei di u cazzu!!! i qatarioti ruvineghjanu sulamente e spiagie(si dice cusì?),ma se si salveghjanu cusì(cosa chi dubitu fortemente) u possunu micca face altru! ma ci sò altri motivi pè escierne...mandà a FANCULO st' auropa!!! cù quessu sistema auropeu...saremu finiti,nunda di "libertè,fraternitè è egalitè".

2.mandatu da stefana u 15/06/2014 16:19 (da un teleffuninu)
C'è da rendè

3.mandatu da mmi un colpu à beie u 15/06/2014 21:07
sè ùn c 'era chè a Grecia,,,, Per disgrazia ancu in Italia : l 'isula di Poveglia in Venezia avia purtantu mubilizatu a ghjente per pruvà di cumpralla à u Statu ma i 420 000 € racolti ùn sò bastati à pettu à i 513 000 di un prumutore, A quandu a vendita di a Corsica per rimpattà i debbiti di francia è u qatar per salvacci di tutta ssa machja chì c 'invadisce, nè o Mela !

4.mandatu da sardu u 16/06/2014 12:31
qatar...più bettunizzazione!

5.mandatu da sempr'azeza u 16/06/2014 13:22
Hé principiata a vendita di a Corsica dinù : in Galeria a casa di u mare
Ancu di grazia chi u merre s'hè mossu !!!
Lezziò per d'altri chi lasienu fà

Novu cumentu :