Accueil
Envoyer à un ami
Version imprimable
Partager

A Nasa hà scupertu ET ?

Hè l'infurmazione di u ghjornu chì hà infiaratu u web : a NASA riunisce a stampa ghjovi per annunzià una nutizia impurtante. Forse a scuperta d'una vita straterrestra...



A Nasa hà scupertu ET ?
Ma ch'averà da dì a NASA ghjovi à a stampa ? Poche infurmazioni anu filtratu, ma si sà chì l'americani anu da annunzià una nutizia impurtante in u duminiu di a ricerca di vita straterrestra.

Tutta a stampa di u net ne parla. Bon, forse micca marziani, mostri verdi è goffi cun facce d'ET o di quellu gobbu di Roswell... Ci hè di chè esse dillusu, ma e voce parlanu forse di scuperta di vita batteriològica nant'à Titan, un sattelitu di Saturnu.

Iè, solu qualchì piccula batteria microscòpica, nunda di più. Ma saria digià micca male, aspettendu quelli gattivi omucci verdi chì volenu tichjacci di colpi, cumu nentru à Mars Attacks, "V", Les Envahisseurs o La Guerre des Mondes.

Purtantu, ciò chì a NASA ùn sà micca hè chì ind'è noi i marziani sò ghjunti face un pezzu è ch'elli sò da per tuttu. À a CTC, à u Cunsigliu Generale, à e Ghjurnate di Corti, à Corsica Sera, à l'Università, in merria di u vostru paese, à u Sporting, à u forum di RCFM...

Peccatu, a NASA ùn hà mai decisu di studialli, i nostri, i straterrestri di Corsica...

u 2ndu di Dicembre 2010
u webmaestru



1.mandatu da NZL u 02/12/2010 16:38
Si "l'Alien" esistenu seranu i benvenuti in corsica...forse ci aiuteranu....!!

2.mandatu da nuit bleue u 02/12/2010 16:56
Aiutati ! che u Celu t'aiuterà !!!!!

3.mandatu da ANTO u 03/12/2010 08:10
Mi dumandu s'ell'un ci n'hè mica nant'a A PIAZZETTA ???

4.mandatu da KÜG u 03/12/2010 19:23
Battini, fughjitu di a zona 51?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta