A Piazzetta, blog in lingua corsa - blog en langue corse / apiazzetta.com informations, actualité of corsica

ATTUALITÀ CORSA

FUTBOL

BETTUNIZEMU

MAGAGNA

CULTURA

SUCETÀ

VIDEO

GIURNALE

CUMU SI DICE...

CUNTATTU / PUBBA

Accolta > GIURNALE

A Piazzetta hà 3 anni oghje

27 dicembre 2007, hè a data di u primu articulu publicatu in linea nant'à stu situ. 3 anni, digià...

3 anni chì A Piazzetta magagna, annerba, stuzzica, scuzzula, fatica

Ditela francamente. S'è vo leghjite st'articulu, hè ch'è vo site diventati Piazzetta-addict, ùn vi ne pudite più passà.

Site dipendente !

U situ aPiazzetta.com hà dunque trè anni oghje... digià ! Eppò rassicuratevi : ùn hè ancu finita.

Per fà appena d'autocelebrazione (và bè, serà a sola volta in l'annata, prumessa !) eccu appena di sciffri :

Dapoi u 2007, sò 1000 articuli in linea

Più di 1500 visite à ghjornu

500 visite à ghjornu nant'à l'applicazione per iFonu

Un giurnale gràtisi chì sorte tutti i 3 mesi, stampatu à 12.000 esemplarii

8 nùmeri di u giurnale sò stati esciuti dapoi ferraghju 2008

Una cinquantina d'abbunati di sustegnu à un giurnale... gràtisi

Più di 4500 fans nant'à Facebook

Bon, ùn hè micca troppu male per un media 100% amatore, nò ?

u 27 di Dicembre 2010

u webmaestru

Accueil

Envoyer à un ami

Version imprimable

1.mandatu da Jonny valker u 27/12/2010 15:54

Pranzemu?

2.mandatu da Gagbò u 27/12/2010 16:43

Evviva !

3.mandatu da U Palatinu u 27/12/2010 16:59

Felicitazione per u vostru successu tremendu !
Hè una vera sfida ch'e vo ci avete fattu quì.

PS : Incù u mio foru in lingua corsa ùn mi ne sortu micca. Voi chì avete tanti "fan", ùn pudete micca mandàmmine qualchiduni, per piacè ?

http://appuntamentu-corsu.forums-actifs.net

4.mandatu da TURCHINU u 27/12/2010 17:30

Evviva a Piazzetta !

5.mandatu da Ottimistu u 27/12/2010 18:56

Di qui à 10 anni s'ell' esiste sempre si chjamerà "La Placette"...

6.mandatu da Ghja u 27/12/2010 19:13

Felice anniversariu a piazzetta ! Cun voi ci hé Natale tutti i ghjorni !

7.mandatu da MARCUCCIU u 27/12/2010 23:06

bravi a PIAZZETTA, hé cusi quella cuntinuéghia sempré ...

8.mandatu da Cipolla u 28/12/2010 01:12

Bravi !
Cuntinuate cusi chi ci campate !

9.mandatu da apiazzoletta u 28/12/2010 09:21

bravissimi ch'ella duressi puru, longa vita

10.mandatu da luka u 28/12/2010 11:21

"Bonu augurios e a kent'annos" (auguri e à centu anni). Salutemu dà a Sardegna. Pace & salute a tutti

11.mandatu da Piatamò u 28/12/2010 17:06

Cumplimenti pà u vosciu travaddu "amatori". Feti campà u stintu macagnonu è schirzosu di u nosciu populu incù talenti. Praticheti a lingua corsa è li deti una piazza in una forma nova di cummunicazioni. È par ciò ch edda campi a piazzetta è tutti i so sgaiuffeddi!!! Boni festi à tutti.

12.mandatu da Per ride u 28/12/2010 20:34

Bravi è à CENT'ANNI !!!

13.mandatu da anto u 29/12/2010 07:53

Ancu di grazia che vo ci site ,felicitemmu a squadra e u webmaestru pè tuttu stu travagliu d'ogni ghjornu .

http://www.blog-anto.be

14.mandatu da MM u 29/12/2010 08:21

3 anni digià chì una manata di passiunati anu sfidatu u destinu lampendu u so bloggu scherzosu in linguanostra.
Liberendusi di e pastoghje di i puristi è i sapientoni anu sappiutu prupone una
lingua muderna,oghjinca,lighjitoghja da tutti...
Senza scurdacci di u spiritu di macagna chì rinfresca e mente è ralegra i cori...

15.mandatu da Francesco u 29/12/2010 09:46

W a Piazzetta, u bloggu 100% corsu, longa vita!

16.mandatu da estrimei u 29/12/2010 11:42

o M.M , scrivi:" Liberendusi di e pastoghje di i puristi è i sapientoni anu sappiutu prupone una lingua muderna,oghjinca,lighjitoghja da tutti... "
un so micca d'accunsentu 'ncu te .
a mè mi pieceria ch'omu puessi scrive:
spastughjendusi di tutti i frencisumi, a piazzetta ci face sciarlà e in listessu tempu , c'ajuta a praticà una lingua arradicata chi pò trattà di tuttu.

17.mandatu da imbecille u 29/12/2010 16:31

avvia a piazzuccia

18.mandatu da Pietralunga2a u 30/12/2010 18:53

Félicitations ... A piazzetta. Extra et toujours très pertinents merci a voi

Novu cumentu :