Accueil
Envoyer à un ami
Version imprimable
Partager

A Piazzetta in periculu ?



A Piazzetta in periculu ?
Per forza o per amora, ch’ella v’intaressu o manc’appena fate voi dinù parte di ciò ch’omu chjama a « bloggusfera ». Vale à dì chì v’accade di favvi un giru ogni tantu nantu à un bloggu è forse di « pustà » qualchì cummentu. È quellu chè vo prifirite, A Piazzetta participeghja anc’ellu à u sviluppa di a piccula bloggusfera corsa per nasce.
Sappiate avale chì u Parlamentu aurupeu s’intaressa à voi, è soprattuttu à noi…

A Piazzetta priculosa ?
À dilla franca, Marianne Mikko, diputatu estunianna, o u so cumpare aurodiputatu tedescu Jorgo Chatzimarkakis (salute !), a Piazzetta ùn saparanu mancu ch’ellu asiste. Eppuru, sò inchieti… Per fallu à l’accorta, per elli, i bloghi pudarianu esse minaccia. È perchè ? Per via di a so multiplicazione è di a so banalizazione, sicondu à i nostri amichi diputati aurupei, sò di più in più aduprati da arnesi di lobbying o da internotti pochi rilighjosi, ciò ch’elli qualificheghjanu cum’è una « pulluzione di ciberspaziu ».
Cù i nostri « Ozzi » di i Chinesi militenti di a causa corsa, o di u Dalai Lama in Corsica, ci sariamu in drentu.

È cosa prupone u nostru Parlamentu aurupeu impauriti d’una libertà di sprissione scuntrullata per luttà contru à sti gattivi bloghi ?
Si sente parlà di filtraghji, di surviglianza di i cuntinuti

Labbelizazione
Tandu, quale sarianu i nostri articulelli ad esse cinsurati ? Quelli di Sbanditu ch’ùn manca di sciaccà fendu nice di nulla un bellu ritrattu di donne spugliate ? I Scritti di a Bistuca ? I muntami scherzosi di u Sgaiuffu ? In tutti i casi avaranu u travagliu i nostri amichi aurodiputati, sopra più chì u Corsu ùn essendu ricunnisciutu, anu da mancà i traduttori !
Ma per avà si tratta piuttostu di misure più dolce, cum’è per undettu una labbelizazione cù un indice qualità.
In quale categuria ci mittarianu ? « Bloggu in lingua corsa, scherzosu, puliticamente scurrettu è certe volte gattivu », à noi ci cunvene. Per l’indice di qualità, pocu impreme, cum’ellu diciaria quill’altru : they don’t like us but we don’t care, ùn ci ponu patte ma ci n’impippemu !

u 7 di Lugliu 2008
Mazzone



1.mandatu da u biondu u 07/07/2008 00:30
micca male stu ritrattu di Sbanditu. hè appena invechjatu, nò ?

2.mandatu da TonyMontana u 07/07/2008 01:12
Bellu articulu è longa vita à a Piazzetta ! U Parlamentu Auropeu ùn ci face paura. S’ellu cerca a puzza, chjapperemu per Bruxelles o Strasbourg cù Estrimei è tutti l’amicacci di u nostru blogu preferitu…
Allora, ch’elli si calmanu appena u Jorgo Chatzimarkakis (à u bon’ latte di brebis) è l’altra tecchja di ghjacci Marianne MiKo : basta a cumeria !!!

3.mandatu da GWM u 07/07/2008 01:53
farebbe megliu di vultassi à prisentà à Telefoot, sta tonta...tandu si chi facia un travagliu currettu. Cosa li piglia avà ?

4.mandatu da estrimei u 07/07/2008 10:46
ci simmu sottu a cuntrollu, tutti, ma i naziunalisti ,dipoi sempre , assai piu che l'astri .
o TonyMontana , mi volli fà piglia i cuntinenti ? sai tutti sti 'ntrappallati di francesi, belgichi, tedeschi ... un ci credu tantu.
l'indipendenza elletronica un ci so che i nostri cerbelloni infurmatichi chi a ci ponnu dà

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta