Accueil
Envoyer à un ami
Version imprimable
Partager

A Piazzetta riceve u premiu Grossu Minutu !

Tutti l'anni, l'associu Grossu Minutu ricumpensa quelli chì si sò distinti cù u so sensu di a risa è di u so "spiritu minutincu". Quist'annu, hè cascata nant'à noi !



A Piazzetta riceve u premiu Grossu Minutu !
Bon i cummentatori abituali di stu situ è i sempiterni azezi ci diceranu ch'è no ci muntemu torna a sega, ma quantunque ci vulia à dilla : quist'annu hè accadutu un picculu miraculu.

A Piazzetta hà vintu qualcosa è simu fieri chì l'Associu Grossu Minutu ci appia onoratu, ellu chì cerca di fà campà u spiritu è u sensu di u scherzu di Grossu Minutu.

L'associu Grossu Minutu hà dunque invitatu A Piazzetta quist'annu in u paese di I Prelli d'Alisgiani pè rimette i so truffei : un'opera in legnu di l'attellu Paoli di Nucariu, un inciacca fasgiole è un pulendaghju fatti da Pantaléon Alessandri (casca bè chì semu di razza pisticcina).

Forse chì di vene à a seguita d'una lista di i laureati cusì prestigiosi ci derà a forza di cuntinuvà torna appena. Perchè chì di circà à fà ride di sti tempi in un paese d'azezi cum'è u nostru, ùn hè micca sempre faciule...

Eppò hè megliu chè di riceve un calciu in quellu locu, nò ?

u 16 d'Aostu 2013
U Webmaestru



1.mandatu da bastiacciu stortu u 16/08/2013 13:52
Un simu micca azzezi ..... cristacciu ......!!!!

2.mandatu da ANTO u 16/08/2013 15:29
Ghjè una distinzione meritata ,pè quelli chi facenu l'articuli e ancu pè quelli chi dicenu a soia ogni ghjornu.

3.mandatu da u webmaestru u 16/08/2013 15:50
Ai ragiò Antò. I lettori chì cummentanu, cuntrastanu, tarroccanu, mughjanu è dicenu a soia ogni ghjornu arricchiscenu l'articuli è facenu parte di A Piazzetta anch'elli, puru s'è no ùn simu micca sempre d'accunsentu.

I cummenti di i lettori facenu campà l'articuli è spessu sò savuriti. Sta ricumpensa hè a soia dinù !

4.mandatu da ghjuva u 16/08/2013 20:43
ie so azzezzu e alora..! ghje que chi vi face campa no? (a a piazzetta)

5.mandatu da Calvoise u 16/08/2013 23:20
U Nobel di a burlà !!! BRAVI !!!

6.mandatu da J G u 17/08/2013 06:59
A sapiete chi si minutu Grossu ( ié , hé statu minutu per via di u so spiritu avanti di diventa Grossu per via di a sciupina ) era cusi forte in magagna hé per ch'ellu era andatu a a facultà di Vituletu paisolo sopra a u Petricaghju

7.mandatu da Leandri u 17/08/2013 14:47
Serà sempre megliu chi u premiu di l'humour francese no?

8.mandatu da Giacomoni u 17/08/2013 16:31
Grossu Minutu era di più panzutu chè Pasquale Paoli !

Luigi G.

9.mandatu da #pasympa u 18/08/2013 01:23
E quelli chi faccianu ride senza falla aposta ? Un' hannu dritt'a nulla? Scumitemu per quist'annu chi vene? Heu... Un certu Marcellu u rè di u Marcel? Nò?

10.mandatu da bastiacciu stortu u 18/08/2013 12:27
O zitelli so andatu a fa un giru "aux puces " nanta a piazza santu nicula sta manè .... Corsi pocchi , purtantu Minutu un éra tragulinu......??? Simu lecchi.....

11.mandatu da henry smart u 18/08/2013 14:39
A piazzetta : un la sapia chi ghjera ghjuva u vostru patrone !!?? vi paca be omancu ?

bon valls l'ha detta, ci vole à parla, palisa, denunzia...:
corre a vuciata chi a piazzetta, cu i soldi stantati cu u situ, serebbe à u centru di u trafficu di droga in Bastia...è svilupperebbe u so business cu anziani ma sempre naziunalisti capicursini è di u nebbiu ???!!!

Novu cumentu :