Accueil
Envoyer à un ami
Version imprimable
Partager

A Shoah è a resistenza in Corsica...

L'avete guardatu u filmu nant'à a resistenza passatu nant'à France 2? Iè? Innò? Pocu impreme, ghjera un scumpientu! À sente li, tutti i Francesi eranu resistenti. Laval era udiatu è Pétain averebbe vulsutu difende a Francia in pettu à a cunquista tedesca. A sfarenza trà De Gaule è ellu sarebbe solu nant'à a forma data à a resistenza. Dicerete chì ne facciu troppu? Ci vulia à sente quant'è volte sta racana di narratore ci hà ribradutu l'arechje incù "l'importance de la résistance dansa la constitution de l'identité nationale". E so corne! Ci aghju vistu sopratuttu l'impurtanza di a fola nant'à a resistenza à prò di Sarkozy...



A Shoah è a resistenza in Corsica...
Paria ch'ellu fussi statu ellu u realizatore di stu prugramma! Sò falate scutrate nant'à i cummunisti chì attizzavanu a resistenza interna malgratu a ripressione tedesca. D'altronde, u filu dramaticu azzione/ripressione, mi ramintava l'attualità isulana di st'ultime simane...

U puntu pusitivu di stu filmu hè ch'ellu abbia messu in risaltu a varietà di e mutivazione di i resistenti. L'avvicinera di a resistenza, ch'omu fussi in a machja o in Londra, cummunista o gaullista era propriu sfarente. À chì vulia aspettà u sbarcamentu, à chì vulia ricattà u fronte di l'este attizzendu u focu in Francia. A figura di Jean Moulin si ritova cusì mesa in valore assai postu chì ghjè ellu chì l'hà fatta à unisce i resistenti in e FFI.

Peccatu chì stu ducumentariu fussi più un attrazzu à prò di a prupaganda oghjinca chè un attrazzu pedagogicu da capì e mutivazione è a strutturazione di a resistenza.

Ritengu dinù u so silenziu nant'à a Corsica. Soca st'estate, quandu venerà u tempu di e vacanze, si ricurderanu di noi altri. U duvere di mimoria li impone di dì chì a Corsica ùn hà aspettatu à nimu per inizià a rivolta. Ma certe verità cascanu male per l'urgogliu francese quant'è per a mimoria corsa chì si scorda di i maruccani cascati in Teghjime...

Infine, postu chì s'hè parlatu assai di a quistione di a Shoah. Sarkozy vulerebbe chì ogni sculare di CM2 cunosca a vita d'un zitellu francese mortu in dipurtazione, ci tocca à ramintà chì in Corsica ùn ci hè stata nisuna dipurtazione. Mentre seriamu razzisti, noi sì chì l'apremu e porte...

Curagiu, un situ nant'à a resistenza in Corsica

u 20 di Farraghju 2008
Sbanditu



1.mandatu da estrimei u 20/02/2008 19:00
un rimprovaru: parlanu di prima "dipartimentu" FRANCESE ; e i francesi a sannu -a sapemmu ancu noi - in verità,a Corsica 'un he mai stata a Francia.`
S'elli un vulenu currege i so libri di storia he per via di quessa.
e a me un mi dispiace

2.mandatu da Porcafonu u 24/02/2008 15:15
Eccu ! So d'accusentu à centu per centu !
Un amicu di meiu, presidente di una cummunità ghjudea sù u cuntinente, hè statu surpresu quandu l'aghju cuntatu a storia di i Ghjudei in Corsica, specialmente l'assenza di dipurtati mentre l'Occupazione. Un a sapia mancu !
In Aiacciu, ogni annu, a preffetura cummemureghja u drama di u Vel d'Hiv, ma un hè micca a nostra, a storia ! U presidente d'Israele, Shimon Pérès, ha da vene prestu in Francia pè una visita ufficiale, è u mio amica serà di a partita. M'ha dettu che li ne parlerà. Saria una bella manera di stringhje u beccu di i Francesi d'uttenne una ricunniscenza ufficiale di Yad Vashem ! Un vi ne pare !
Pè i Marrucani di Teghjime, l'aghju appena amparata... Chi vergogna d'avè piattu stu fattu !

3.mandatu da VM u 30/03/2008 01:19
A francia un hè micca fiera di u passatu allora prova di mette in avanti a resistenza per migliura a so magina è diminuisce a so responsabilità. Mà e ghjente un so micca burlata è mai ci so scurdaranu

4.mandatu da Lisandrina u 30/03/2008 16:15
A shoah ? È chì femu di i Tsigani, Polonesi, testimoni di Jehovah è di l’omosessuali ?
Eranu ancu tumbatu in cundizione atroce. Chì avìanu di menu chì l’altri ?
Da quì, povemu dumandassi ciò ch’elli cuntanu i stòrichi.

Mi ricordu di più di un prufessore chì dicìa sempre ch’ellu, ùn impiegarà mai u manuale di storia che ci pruponìa à i studientini.
È puru, aghju imparatu à fidami. Stu suggettu hè ricurrente in a nostra società.

Per prova, a surtita di u « Da Vinci Code » hà trinnicatu cunivizione in u mondu perchè si l’esistenza di Maria Madalena hè stata ricunnusciuta per a Ghjesa in a seconda parte di u vintesimu seculu, a maiò parte di a ghjente ignurìa stu fattu.
Què vultula a visione di u mondu perchè si l’esistenza di u Christu hè rimette in quistione, sò i segni è i fundamenti chì cambianu u sensu di u mondu.

Cusì, perchè i Tsigani ò l’omosessuali serìanu menu impurtante chì l’altri ?
Perchè oghje, tenemu più interessi in l’Ebreii chì per esempiu in Fred Scamaroni ò i Gumieri ?

Perchè … Una parolla senza risposta.

Corruzzione di u spìritu ?

5.mandatu da Quill'altru u 31/03/2008 15:50
Stu filmu diffusatu nantu à un sirviziu publicu righjunghjaria anc’ellu una certa manera di fà a pulitica. Ghjè di manera aggalabbata chì u putere fà nasce… è more l’infurmazione sincondu à i so bisogni.
À dilla franca, di farraghju u populu di Francia t’avia poca primura d’una resistenza di sissanta anni fà o di a strage di a shoah. Ma in tempu di fine di « statu di grazia » prisindiziale, diciaremu ch’un appuntamentu in lea cù una storia di Francia fatta gluriosa è chì ripiglia temi d’una campagna ch’ùn hè tantu luntana cum’è l’ « idintità naziunale », cascava à tappu à solu qualchì ghjornu d’una visita prugrammata à u Pianu di Glières…
Da vede a strombacata ch’ellu s’hè mancatu di manghjassi u sgiò prisidente, c’hè da crede chì st’eserciziu ùn l’hà micca riisciutu…
http://www.wmaker.net/apiazzetta/index.php?action=article&numero=145
È sè no ci rifaciamu à Ponte Novu per u sinemà ? Scurdenduci di fatti (cullabburazione, stirpera d’astri gruppi umani chì i ghjudei…) o ramintendu u veru, toccu u mese di maghju è micca quand’ellu c’acconcia per scurdà à a ghjente o so cutidiannu ?

6.mandatu da mezzu pinzutu mezzu pinzuti u 31/03/2008 18:42
ùn aghju micca vistu u filmu nant'à a resistenza passatu nant'à France 2 e sò be cuntentu. Incù questi filmi nant'à a granda guerra, a ghjente pensa che i francesi di quest'epoca eranu tutti resistenti, è prupaganda! U duveru di mimoria duvrebbe essè interu, c'eranu francesi resistenti ma anche francesi cullaboratori.

7.mandatu da 68ard attardé u 31/03/2008 18:49
Un s'arresterranu mai di parlà di sta Shoah?Hè veru,hè statu una vergogna,mà in a vita se ùn si parla che di u passatu,ùn s'avvanza micca.Un dicu micca che ci vole a scordassine,dicu che ci vole a passà a alt'affare.E po,sta cuneria di sarkozy,i zitelli ùn so micca responsabili d'affari accadutti 60 anni fà.Povenu fà affari a nantu a shoah,è ancu a st'età mi parenu a pena troppu giovani;mà a u cullegiu o a u liceu,hè possibile,mà micca cusi.Cume hè prisentatu,guasi guasi, serianu sti giovani che averianu tombati i ghjudei morti.E po anche,durante a shoah ùn so micca morti che ghjudei?E l'altri,putsanu o che?Se lu si face per unu,si face per tutti!

8.mandatu da Matteuccia u 02/04/2008 19:57
a shoa? ié un drama tragicu ch'un si pò capì ma pensu ch'un é micca a i zitelli di cm2 di purtà sta croce sò tropi giovani.dopu ghjé micca nurmale chi i filmi e l'altri raconti un parlenu mai di l'altri morti chi sò morti anch'elli.stu ducumente nantà france2 é forse un scumpiente!!!!

9.mandatu da Matteuccia u 02/04/2008 20:55
mi sò scurdata di u H pè u verbu esse!!!!!

10.mandatu da a balanina u 04/04/2008 23:45
A Shoa hè stata un affare orribile, cù assai morti, in piu di a guerra... Mà oghje chi si po fà? piu nulla. U passatu hè u passatu, ancu s'ellu ghjè tristu.
ùn mi fate micca di cio ch'ùn aghju micca dettu: u duvere di memoria esiste, ùn ci vole micca scurdassi di st'epica! perchè? micca pè pienghje di a matina sina à sera mà pè fà chi quessu ùn pudera mai accade di novu... cume tutte e guerre, e cume tutti i malfatti, ancu quelli di a resistenza...

aghju un missaghju pè sarkozy: "la guerre de 100 ans" hà troppu durata fate qualcosa!

11.mandatu da filippi u 06/04/2008 20:36
A vulintà di i Tedeschi di strughje l'Ebrei hè stata veramente una tragedia mà un ci vole micca oghje à fà cume si un ci era statu che elli chi anu sufertu postu chi d'altri populi so state victime di u fascismu.
A shoha hè stata una cosa probiu crudela è un ci vole micca scurdassi da u duvere di memoria, mà un zitellu di CM2 di 10anni incu a vida cuculata ch'ellu hà oghje, cumu po capi a sufrenza di l'Ebrei a l'epica, postu chi ancu per noi hè un affare incumprensibile.
Infine, pensu chi sti zitelli so tropu giovani per purtà u pesu di a storia!

12.mandatu da Ballarina u 07/04/2008 01:48
Schirzà nant’à un sughjettu cum’è quellu di A SHOAH mi si pare appena difficiule! Ùn hè vera?
Ùn aghju vistu u documentariu, allora ùn si pò dì « pocu impreme »; masimu più chì si deve dà quì u nostru sintimu.
Podassi in lu documentu tutti i francesi eranu risistenti, cusì hè dettu, è da stu latu, omu deve fà ti cunfidenza.
Dici chì stu documentu ùn hè micca un urdignu pedagogicu, ma un urdignu à prò di a prupaganda oghjinca! và bè! Forse mi ripetu, ma mi vene male à piglià a pratesa d’un affare o d’un altru senza esse à capu di ciò ch’ellu dicia stu documentu.
Ci hè un puntu pusitivu: e sfarente mutivazione di i risistenti ; ghjè omancu què !
In quant’à ùn parlà di a Corsica chì s’hè libarata da par ella, ùn hè micca bè! Ghjè una vargogna, d’ùn avè palisatu stu fattu maiò. Sopratuttu si d’altre regione di Francia sò state messe nanzu. Li piace à stuzzicà ci !!!
Un affare hè più cà sicuru: alcunu ghjudeu, ùn hè statu messu in manu à u numicu.
Ghjè impurtantissimu à ramintà lu è à tene lu à mente! Ind’è noi e porte s’aprianu pà piattà li da l’occupatore Talianu. Pochi quelli chì sò stati piatti è salvi !

Novu cumentu :