Accueil
Envoyer à un ami
Version imprimable
Partager

A bellezza di e pitture à l'affrescu d'Omessa

Hè eccezziunale è hè siguramente a scuperta di l'annu in Corsica. In Omessa, sò antiche pitture à l'affrescu chì sò state trove.



Ritrattu : pagina Facebook di CA' Architectes
Ritrattu : pagina Facebook di CA' Architectes
Ùn a sapete micca, ma ci sò pienu di tesori piattati in Corsica chì più nimu cunnosce. È forse ancu in un'antica cappella chì più nimu fideghja.

A prova cun sta scuperta magnifica in a chjesa Sant'Andria d'Omessa induve pitture à l'affrescu di u XVu seculu sò state trove.

Ùn ci hè un dettu chì dice "Omessa capimondu, Roma segondu" ?

D'appressu à i spezialisti si tratta d'affreschi di a segonda metà di u XVu seculu. A maiò parte di e pitture à l'affrescu corse sò situate à i seculi XV è XVI (e più anziane sò di a fine di u XIVu).

U statu di cunservazione di ste pitture hè eccezziunale. Ci vole à dì chì a cuscenza patrimuniale ùn hè micca sempre statu quellu d'oghje.

U disprezzu pè a so propia cultura hà purtatu in parechji lochi i Corsi à distruge è arruvinà per sempre pezzi di a so cultura paisana. Hè u casu di tante statue, i mobuli, è altre pitture...

Tempi fà pitture à l'affrescu ci n'era guasi in ogni cappella. Oghje ci ne ferma una vintina. Cunniscimu quelle di Santa Maria à U Favalellu, di Sermanu in Santi Niculaiu, di Santa Cristina di E Valle di Campulori, di Cambia in San Chirgu, di San Tumasgiu di Pastureccia in Castellu di Rustinu, è ci n'hè tante altre.

Scrivia Ghjiseppu Orsolini in u so libru L'art de la fresque en Corse (1990) :

"Si la plupart de ces fresques sont perdues à jamais, d'autre, peut-être, vont surgir un jour ou l'autre de dessous un badigeon protecteur... Celles qui nous sont parvenues, incomplètes et délabrées, seront toujours pour nous les fragments d'une création picturale insulaire, riche de tant d'expérience, d'essais de réussites, d'échecs, de découvertes, d'échanges, de communions : une mémoire."

Vinti cinqu'anni dopu, a scuperta d'Omessa li dà ragiò.

Scrivenu l'architetti spezializati in a risturazione patrimuniale CA Architectes :

"La qualité picturale est par ailleurs absolument remarquable, relevant davantage de la première renaissance italienne que de l’iconographie romane plus répandue en Corse."

Ci vole à insiste nant'à u fattu chì troppu spessu (ancu avà...) certi ùn anu micca cuscenza di a ricchezza ch'ellu rapresenta stu testimoniu di i nostri antichi. Oghje quesse sò salvate è seranu prutette. È speremu ch'ellu ci ne serà d'altre.

Da vede : u sugettu di France 3 Corse

Nant'à u situ di u cabinettu CA Architectes

Ritrattu : pagina Facebook di CA' Architectes


u 12 di Maghju 2015


Novu cumentu :