Accueil
Envoyer à un ami
Version imprimable
Partager

A bellezza di l'Alcùdina

Cunniscite stu capu d'opera di u cantu tradiziunale corsu ?



L'Alcùdina (ribattizata oghje "Incudine"...) hè a muntagna mìtica di l'Alta Rocca è di l'altu Tàravu. Terra di pastori, hà inspiratu sta canzona, chì Canta u Populu Corsu hà resu cèlebre in u so discu "Eri oghje è dumane" in u 1975.

A canzona hè un omagiu à a bellezza di i lochi.

U musicòlocu Félix Quilici l'hà arregistrata in u 1949. Hè un giuvanottu di Zìcavu chì canta, hà 11 anni tandu. Si chjama Francescu Bianconi. A so interpretazione si passa di cummenti. Quilici hà parlatu d'una "mélodie orientalisante", unica in i canti tradiziunali corsi.

Più di 60 anni dopu, u CMT di Corsica (Centre de Musiques Traditionnelles de Corse) hà turnatu à truvà à Francescu Bianconi chì canta Alcùdina.

Hè siguramente unu di i più belli giuielli di a nostra antica tradizione pupulare.

Da vede : e videò di u CMT nant'à Youtube


u 22 di Ghjenaghju 2012
U Webmaestru



1.mandatu da ghjiseppa u 22/01/2012 20:06
chi voce ! hè magnificu ! isse video so ghjuvelli, spampelli ! un rigraziu à voi è a Damianu Delgrossi di u cmt !

2.mandatu da Zitellu u 22/01/2012 21:18
Qualchisia hà scrittu e parole d'issa cansone ?

3.mandatu da eccu u 22/01/2012 22:20
Principià vogliu à lodare
U San Petri è Veraculongu
Po ci hè Nebbiu cù la trova
U Fraulettu à fà la prova.

Funtana di Termineddi
U terminu da faccia al Pianu
Teppa Ritta fù chjamata
O da quel terminu vicinu.

Sattu quel toppe di prati
Sguizzanu tanti roscelli
Sottu son pesci sarrati
È sopra pascinu l'agnelli
Li cavalli è li ghjumenti
È li boia cù li vitelli.

O passendu par li Croci
U Cavallari è Pallaiolu
Sentu una sampugna rara
Chì facianu tanti caroli.

L'Alcudina chjama è invita
O di l'altezza nun ci hè la para
Guarda la Corsica unita
O quantu giranu terra è mari
È po guarda à Magior Segnu
È parte assai de la Sardegna

4.mandatu da Cazzumarinu u 22/01/2012 23:04
Ben dettu o Darius!
Hè una maraviglia!

5.mandatu da perchè micca u 23/01/2012 11:33
sottu quel toppe micca sattu

6.mandatu da perchè micca u 23/01/2012 11:46
Manca quì a quinta strufata, Francescu Bianconi ùn ne canta chè dui versi :
Intraianu in quelli selvi
Ronchi cervi è russignoli
Po c'era tanti colombi
Chì facianu tanti caroli

7.mandatu da ANTO u 23/01/2012 18:21
Maravigliosa a chjarezza d'issa voce linda cume u cristallu !

8.mandatu da altore u 23/01/2012 21:53
hè quantunque megliu l'arcusgi nò..? (deccuneghju)

9.mandatu da Antonello u 24/01/2012 00:15
Ma si vede la mia Sardegna dal monte?? che bello deve essere!!!!

10.mandatu da u miumese u 24/01/2012 19:55
Chì meraviglia issa voce !

11.mandatu da Talavesu u 26/01/2012 20:11
Antonello,possu vene in Sardegna?

12.mandatu da Saveriu u 27/01/2012 10:37
Peccatu chì à spessu u paesaghju sia guastatu pè quelli chì sò vestuti in Millet è Queshua. Scasate d'avè guastatu stu mumentu di puesia

13.mandatu da Sam Buccuciu-Dalandeaux u 01/02/2012 00:09
Piccula currezzione, si tratta di una zampugna raghja (une cornemuse aigre) sapendu u sonu ch'ellu pruducenu s'i strumenti.

14.mandatu da Antonello u 04/02/2012 14:21
@talavesu
Si che pui venne in Sardegna...insule sorelle populi fratelli!!!
Si no volemu che e nostre culture muoiano, tenemus que entrar en contacto....

15.mandatu da Saturax u 26/08/2015 19:42
À ringrazziavi per avè sparte 'ssu cantu tradiziunale.

Novu cumentu :