Accueil
Envoyer à un ami
Version imprimable
Partager

A cacciata di u ghjornu di Jean-François Baccarelli

Cumu opponesi à a bettunizazione è sustene à Fanfan Vendasi, capimachja di u bettonu, senza vergugnassi...



A cacciata di u ghjornu di Jean-François Baccarelli
Jean-François Baccarelli, quellu chì s'hè presentatu à l'ultime municipali in Bastia cun l'etichetta "ecologista" ùn sà più chì fà per fassi rimarcà. Hà fattu u 18 agostu a so rientrata pulitica dendu un'intervista à Corse-Matin.

S'ampara chì u giovanu bastiacciu ne hà appressu à i pippol : "arrêtons (...) la bétonisation du littoral corse au profit de quelques milliardaires et autres people s'arrogeant le droit avec leur carnet de chèque de construire au gré de leur bon plaisir". Benissimu ! U tippu hà li sciacca ! Ancu s'ellu ci saria piaciutu ch'ellu si sentissi di più quand'ellu ci hè vulsutu à mubilizassi in Balistra, hà u curagiu di dì quessa à Corse-Matin, chì mette ogni ghjornu ritratti di pippulacci ind'e so villà nant'à u liturale di Portivechju o di Balagna.

Ma più luntanu, l'affari si cumplicheghjanu. S'ampara chì l'eccolò sustene u merre di Furiani è capi d'impresa di u BTP, Fanfan Vendasi, pè l'elezzioni senaturiale : "j'apporte mon soutien à M. François Vendasi, qui à ce jour, est le seul élu à avoir signé notre charte de l'environnement pour la Corse".

Opponesi à a betunizazione è sustene u sceffu di u bettonu in Corsica, ci vulia à falla...

Ramintemu chì in stu mumentu precisu, sò parechje e bettoneuses di Fanfan à funziunà à pienu regime da Macinaghju à Bonifaziu...

Ma Baccarelli hè in traccia di diventà u spezialistu di e cuntradizzioni. Ellu chì hà fattu campagna contr'à u portu novu di L'Arinella è chì hà sustenutu à Emile Zuccarelli pè u segondu giru, chì purtava stu prugettu...

Ùn avemu micca finitu di sente parlà di Ghjanfrancè Baccarelli !


u 20 d'Aostu 2008
U Sgaiuffu



1.mandatu da Ziu Dumè u 20/08/2008 09:07
Eccu dui articuli interessanti nant"à Vendasi, u patrone di u BTP è u manghjone di Furiani:

http://www.conseil-concurrence.fr/doc/ca06d13_furiani.pdf

http://www.achatpublic.com/dmp/jp/conseilconc/AchatPublicBrevePro.2006-06-16.2103/Attachment00082542/06d13.pdf

Ne vulete baccalà? Vutate Baccarelli!

2.mandatu da Paulu Francè u 20/08/2008 09:47
Mi face pensà à una canzona di Dutronc chì dicia qualcosa cum' è "je retourne ma veste, toujours du bon côté".

Sarebbe l' usu avà mi pare, nò?

3.mandatu da circinelludiguagnènativupèliguagnesusosanguaversatu u 20/08/2008 10:22
"le courage à défendre sa liberté et la probité de ce peuple n'a d'égal que l'inconstance et la vénalité de leurs représentants". D'un ufficiali francese duranti a cunquista... 250 anni dopu ni semi sempri à sicutera ! Piutostu ùn avemi micca cambiatu !

4.mandatu da estrimei u 20/08/2008 10:51
he giovannu , ma cunosce a minighetta , u ponu mette nantu a lista di u mere di Bastia ; si mérita a so piazza.

5.mandatu da Ghjuvà u 20/08/2008 14:48
Arricurdatevi chi stu tippu a dà e so voce a milou ... pè qualchisia chi ricusa u portu in l'arinella, mi pare stranu.

6.mandatu da Cumpalliols u 22/08/2008 15:06
Hè simpliciamente un'centru-cummunistru di strema-diritta-mezana, è ancu certe volte sarcusistu. Ùn vecu micca cio ch'ùn capite, voi !

7.mandatu da cece di cardu u 23/08/2008 01:33
e fritelle giranu, giranu,giranu,giranu, giranu,giranu,giranu, giranu,giranu,giranu, giranu,giranu............................................................................................................................................................................................................................................................................
ma so sempre fritelle.

8.mandatu da RESISTENTE u 09/09/2008 19:10
Capiscu megliu chi ZUCARELLI , GIACOBBI (sustenudu da i naziunalisti ) e ROCCA SERRA sianu sempre i patroni di a CORSICA .

Novu cumentu :