A cacciata di u ghjornu di u prefettu : 'la loi littoral est bien appliquée en Corse'

U cullettivu pè a difesa di a lege liturale hà incuntratu u prefettu ghjovi. Dop'à l'affari di e casi Séguéla Sulitzer Delsol, hè vera ch'ellu ci hè di chè inchietassi.

Per Michelle Salotti hè chjaru : a lege ùn hè micca appiegata in Corsica, l'hà detta à Alta Frequenza.

Basta d'andà à vede ciò ch'ellu si face in u Purtivechjacciu pè rendesine contu : a banda di i centu metri ùn hè manc'appena rispettata, n'avemu di già parlatu quì è quì.

Più surprendente, a pusizione di u prefettu : a lege liturale hè appiegata in Corsica ! Statelu à sente à Christian Leyrit à u microffonu d'Alta

U sottu prefettu di Sartè và ancu più luntanu : piuttostu ch'è d'appiegà a lege di manera franca è chjara, ci vole à truvà un comprumessu trà interessi publichi è privati !!! Strana risposta di i rapresententi di u Statu, ch'ùn parenu micca veramente mutivati à l'edea di fà appiegà a lege... Da leghje nant'à Amnistia

Eccu induve ne semu : un prefettu chì dice d'ùn vulè fà rispettà a lege, ma di truvà comprumessi... È dopu sò i listessi chì vi danu e lezzioni è chì vi caccianu i grandi discorsi nant'à "l'état de droit"... Felicitazione dunque à Christian Leyrit per avè una volta di più discreditatu l'azzione di u Statu in Corsica !