Accueil
Envoyer à un ami
Version imprimable
Partager

A canzona chì hà annerbatu u forum di RCFM

SACRILEGIU - Quandu u cullettivu The Corsica Sound face una ripresa di "A ghitarra" di Diana di l'Alba, ci n'hè chì chjamanu u forum di RCFM per lagnassi.



A canzona chì hà annerbatu u forum di RCFM
Ancu di grazia chì a Corsica hà sempre i so vechji rockers !

U 25 di settembre scorsu era l'apertura di u centru culturale Alb'oru in Lupinu. L'idea era di fà un cuncertu induve i gruppi corsi duvianu interpretà e canzone di l'altri.

È dunque hè tuccata à u cullettivu The Corsica Sound di fà una ripresa di "A Ghitarra" di Diana di l'Alba.

A ghitarra, iè ma qualessa ? A Classica ? O l'elettrica ?

A so versione hè stata abbastanza... stunante per chì qualchì ghjornu dopu unepochi si lagninu à u forum di RCFM per parlà di sta bella serata, di stu bellu cuncertu... "sauf la reprise de A Ghitarra".

Ma capimu chì u casting di i rockers nustrali pudessi impressiunà l'arechje di certi. I musicanti anu tutti (malgradu i so parcorsi differenti) marcatu a storia i u rock nustrale :

C'era Christophe Mac Daniel à e tastiere (o "i glaviers" s'è vo preferite) anzianu di u gruppu Rialzu (ùn cunniscite micca ? Andate à vede st'ovni musicale tremendu), Ange Torre à a bassa (i Varans), Bruno Vidal à a batteria (Zia Devota è I Cantelli), Paul Miniconi, Paul Cesari è Tonton (I Cantelli). Poca dream team, nò ?

Fidighjate u risultatu :


Pè i marziani chì ùn cunnuscerianu micca, eccu u "tube" di Diana di l'Alba :





Nant'à Twitter, avemu amparatu chì a versione rock di A Ghitarra hè piaciuta à Diana di l'Alba :



In a listessa serata, Diana di l'Alba avia fattu una ripresa di "Mi ne vocu" di u gruppu Vitalba.

Ritrasmessu nant'à Via Stella, u cuncertu sanu si pò vede nant'à YouTube. Andate puru à vedelu, ci sò d'altre surprese chì valenu u colpu d'esse viste.

Felicitazione à tutti l'artisti chì anu cuntribuitu à sta bellissima serata !

u 7 d'Utrovi 2015



1.mandatu da ogadali u 07/10/2015 09:28
per mè hè stata una di e più belle adattazione cù "senti a filetta"....perchè chì u scopu era quantunque quessu : fà soia a canzona di l'altru; è Corsica Sound cù una maestria perfetta ci hà purtatu al di là di ciò ch'ellu si pudia aspittà...

2.mandatu da Punk nustrale u 07/10/2015 09:41 (da un teleffuninu)
Grandissima versione di A Ghitarra. Hè ciò chì m'hè piaciutu u più, cù Doria è ghanfrancescu Mattei (cunfittura) è a caramusa di JY Casalta (mi ne vocu)

Forza i vechji di u rock !

3.mandatu da Casata u 07/10/2015 10:02
Rialzu - u rigiru nant'à youtube

https://www.youtube.com/watch?v=2Wit0-_tE6Y

4.mandatu da fieru d'esse un hippie corsu u 07/10/2015 11:32
hè stata a ripresa a più originale di a serata. appena d'anti cunfurmisimu face prò !

Tutte e camisge nere sticchite nanta a scena, hè bè, ma ci vole à scambià appena o ghjente !!! quessa dinù ùn hè micca veramente " a nostra cultura "....

5.mandatu da Albinucciu u 07/10/2015 13:33
Què. Ún hè micca musica corsa. Ghjè solu cumeria. Puntu è basta.

6.mandatu da squal zik u 07/10/2015 13:35
pour moi les deux prestations sont de qualite .

7.mandatu da Morsiglia u 07/10/2015 17:44 (da un teleffuninu)
Le pire c'est le massacre de Stirling bridge par Batista acquaviva

8.mandatu da Sadio Diallo u 07/10/2015 19:15
Bah, forse à l'epica, quande chi a ghitarra un era piu u solu strumentu annant'à e canzone di Canta è tutti l'altri, tutti i vechji conni si so lagnati... Ci so di è cose chi un cambianu micca !

9.mandatu da Antonu u 07/10/2015 20:12
Era una bellissima serata, grandi artisti, belle voce.

Bravi à TUTTI è TUTTE !!!

Ma a palma di l'originalità và a i sgaiuffi di The Corsica Sound

10.mandatu da sentu lu chjoccu u 08/10/2015 00:31
à quandu una versione di "sciù pà mu" da "le chœur d'hommes de Sartene ?

11.mandatu da Arrigu Malossu u 08/10/2015 00:53 (da un teleffuninu)
È u défibrillateur, chì hè diventatu?

12.mandatu da Media Torre u 06/11/2015 11:48 (da un teleffuninu)
A mè mi piace assai st''adattazione. Vive à musica. Vive a cultura. S''omu dispiace, ghjè chi si passa qualcosa! A mudernità di stu gruppu è a vita ch''ellu sparghje so una obligazzione di u mondu oghjincu. Ci vole vivè si un vulemu micca morè!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta