Accueil
Envoyer à un ami
Version imprimable
Partager

A capra corsa minacciata di smarisce. U populu corsu dinù

I pastori lampanu una chjama di succorsu : a capra corsa hè minacciata da una malatia chì a tomba. U populu corsu, dinù.



A capra corsa minacciata di smarisce. U populu corsu dinù
A paratuberculose hè a malatia chì face un sterminiu in e bande di capre corse (vede l'articulu di Corse-Matin).

In qualchì ghjornu, a battèria amazza l'animale è sò belli imbestiati i pastori corsi. Purtantu, u vaghjolu ci hè. Hè solu un prublema di soldi è di rentabilità. Basta a vuluntà pulitica per salvà a razza corsa.

U populu corsu, anch'ellu hè minacciatu di smarisce di u pianeta. Custì u prublema ùn hè micca una malatia, ma parechje : acculturazione, mundializazione, uniformizazione o ancu sumerisimu...

Chjamatele cum'è vo vulete, u risultatu hè chì l'integrazione di i ghjunghjiticci (sempre più numerosi) ùn si face più.

A famosa mascina à fabricà i corsi hè in panna. Guasi 300 000 abitanti, circa 4 000 ghjunghjiticci in più à l'annu. U risultatu si vede in giru à voi, in carrughju, à u supermercatu, à u caffè...

Basta d'apre l'arechje. Ne sentite assai, ghjente in traccia di parlà corsu ?

Ùn parlemu mancu di i Corsi, cusì primurosi di piglià in esempiu u mudellu fresteru, sempre di più impinzutitu.

A dumanda hè dunque : è custì, l'avemu da truvà u vaghjolu o nò ?

u 3 di Marzu 2009
General Pattone



1.mandatu da Kugùrn u 03/03/2009 09:33
"u supermercatu"

a dicia quellu...

2.mandatu da Piratella u 03/03/2009 10:00
u vaghjolu? ci ne serà parechji pè a lingua corsa, unu hè A PIAZZETTA!! lol

3.mandatu da estrimei u 03/03/2009 11:59
bellissim'articulu o sgiò generale ! un'aghjustu nunda, chi ai dettu cio ch'o pensu.

4.mandatu da ZIU ANTO U PURCAGHIU u 03/03/2009 14:40
Mica solu in carughjiu di è cità un si sente più parla corsu ! ! !Ancu in di paesi un si sente più parla a nostra lingua nustrale... E di è capre alora un si ne sente nome.In fine sensa capre corse ne menu lingua corsa corci di noi ! ! ! ! !

5.mandatu da ghjacumu terzu u 03/03/2009 14:54
ùn ci so ch'è e capre di a CTC chi elle ùn so minacciate...

6.mandatu da henry smart u 05/03/2009 04:00
Tè ùn a cunniscia micca quessa a parolla : u vaghjolu ! solu per què sò cuntentu di st'articulu. Per u restu ... ci matriculemu i calcagni (vechja spressione corsa di a parte punente di u paisolu di Castellu in Luri) è caschemu ind' u discorsu senza fondu (ùn vogliu micca dì senza sumerinu, ma senza fine) nant'à l'identità. Scappu, scappu ...
A prestu

7.mandatu da JTG u 06/03/2009 03:20
Ma un ci so micca 11 capre i Vennari nantu "Armand-Cesari"?

8.mandatu da Piratella u 06/03/2009 16:22

Aiò, ch'ùn sò ancu sparite tutte e capre corse...!

9.mandatu da filidatu u 10/03/2009 00:01
oghje nantu à a frequenza mora in l'emissione di cristofanu zagaglia da cinque à sette ghjuvan paulu luciani hà fattu una bella cronaca nantu à u populu corsu, rendendu omaggiu à léon alessandri, hà fattu u listinu di tuttu ciò chì hè impeghuritu ind'è noi in qualchì anni a francisata massiva di e cuscenze l'amore di u soldu a deriva fascista di una gran parte di l'elettori corsi (parlava di u risultatu di le pen à l'ultime elezzioni

10.mandatu da henry smart u 13/03/2009 23:57
O filidatu, l'aghju intesa dinù sta cronaca . era più chè bè ! Un bellu omaggiu à leon allessandri dinù chi a si merita ancu s'o sò micca sempre d'accunsentu cun ellu.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta