Accueil
Envoyer à un ami
Version imprimable
Partager

A carta chivì...

Ma cumu serà ch'elli ùn ci avessinu ancu pensatu i nostri puliticanti??? Mentre a ghjente si lagna di più in più di a calata di u putere cumpraticciu è di a cullata di i prezzi di l'essenza, di a manghjusca è di e sigarette, ind'è l'anni ottanta, unepochi di sapientoni avianu lanciatu un idea tremenda : "la carte kiwi"...



Tout est possible avec la carte kiwi !

Arricurdate vi ! Bastava à buscà si un zitellacciu è una carta per pagà solu a metà di u prezzu. Chì scruccuneria quantunque... L'avianu l'idee tandu, mì! Avianu certi think tank, di quelli! Omancu, s'è sta carta ùn aiutava micca e ghjente in u so campà, li permettia di ripiglià a riturnella "tout est possible avec la carte kiwi...". Si pudianu sbilicà ancu i disgraziati. Ma sta publicità t'hà avutu una seconda ghjuventù. Annu, Sarko hà ancu ripigliatu a so virsura per fà ne u so mottu di campagna : "ensemble tout devient possible "... À dilla franca, a soia a riturnella era menu scherzosa... Ma bon, hè cusì, l'hà fatta quantunque à purtà à certi di fole in chivì...

In un 95, hè un antru fruttu chì fece a furtuna di Chirac. Tandu, l'avia fatta à vince dumandendu à i francesi di "manger des pommes ".

L'avete sempre una carta chivì?

Hè incù e pignatte anziane chì femu... Allora, contru à a vita cara, ripigliemu e nostre vechje carte chivì. Cusì, megliu chè Catinu chì vi rigala un pacchettu di Scioccapiccu s'è ne cumprate dece, dumatina puderete turnà à fà u spaccone incù u vostru carettu carcu di Coca è di pomi fritti.

Casu mai, s'è n'avete una di più, lasciate la puru à i Capizzoni, di a CAB, a Cummeria Bastiaccia. Cusì, a faranu forse à pagà un stadiu à bon pattu? S'è ùn la facenu mancu incù a carta chivì, allora mai più. Avà sò quantunque trenta anni ch'ellu hè aspettatu u stadiu. U troppu stroppia, ùn ci l'hà ramintata a strage di maghju 92?

l'8 di Ghjugnu 2008
Sbanditu


Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta