Accueil
Envoyer à un ami
Version imprimable
Partager

A cascia di u derby, novu affare Dreyfus nustrale

Di quandu in quandu a Corsica si sterpa nant'à e rete suciale per un novu affare Dreyfus. Pensemu forte à Ghjuvan Michele Fraticelli chì hà da piglianne tutta a settimana (almenu) à u forum di RCFM...



Ci sò quelli chì anu risu :
Una cascia in un stadiu, ùn sò micca i Corsi chì l'anu inventata. Si vede spessu in Italia, per magagnà (o piuttostu per annerbà...) i cugini d'in faccia. Di quandu in quandu una tifoseria inventa un interru di l'altru club... S'hè vista decine è decine di volte. Cum'è in Genoa per esempiu, quandu i sustenidori di u Genuva avianu festighjatu a falata di l'altru club di a cità, a Sampdoria...

Ci sò quelli chì anu datu e lezziò :
Indignati di Facebook è muralizatori, a Corsica ne conta pienu. In sti casi custì, Facebook s'assumiglia à un campu di battaglia. Dapoi eri hè un Hiroshima di l'azizume.

"J'ai honte d'être corse"
Bon, ùn cumminciate micca cun quessa chì a lista di l'affari vergugnosi in Corsica, hè longa ! È forse, ancu più gravi.

"C'était mieux avant, nanzu c'era u rispettu"
Nò, 60 anni fà e partite trà Bastia è Aiacciu finianu digià à calci è pugni. Ma tandu, ùn c'eranu micca 15.000 persone à u stadiu, YouTube, Facebook è e camerà di Canal+. Ùn parlemu mancu di e partite di ballò trà quartieri di Bastia... Ùn vole micca dì ch'ellu ci vole à cuntinuvà, è ùn hè micca una scusa per fà peghju, ma nanzu, rispettu, ùn ci n'era micca non più.

Ci sò quelli chì dicenu ch'ella ùn hè ch'è una magagna :
Adimettimu. Hè cusì da per tuttu in u mondu, in ogni stadiu da Glasgow à Roma, u stadiu hè un cìrculu, un carnavale, un locu induve tuttu hè permessu, u solu locu induve hè permessu d'insultà à l'altru. A regula hè di pruvucà per fà biscà à l'altru. Avete u dirittu di truvà quessa goffa. Ma hè u futbol chì vole quessa...

U ballò, un sport di pace ?
Ùn cuntate micca nant'à u futbol per a fratellanza è per avvicinà a ghjente. Leghjite i scritti di l'etnolocu Christian Bromberger, i rumanzi di Tim Parks o di John King. Avà, avete dinù u dirittu di truvà quessa goffa. Ma hè cusì, u stadiu hè una cumedia.

Ci sò quelli chì anu trovu ch'ellu era goffu :
Si sente assai "c'est de mauvais gout"... Anu dirittu di pensalla. Cumu u harlem shake di l'ACA cù un tippu cù una pistola passa nant'à un t-max, ùn era tantu di u più bellu effettu... 1 à 1.

Ci sò quelli chì dicenu chì pè i tempi chì correnu, ùn face micca ride :
Quessa a sapemu, a Corsica stà male, a sucetà corsa hè in pistìcciuli, acculturata, di più in più povera, inchieta per u so avvene, addisperata, preda di a miseria è di u banditisimu. Ùn avemu ancu trovu a medicina. Ma s'è vo site indignatu, casca bè ! Ci hè un paese da turnà à custruisce, è ci hè u travagliu. Tutte e vuluntà sò e benvenute...

Ci sò quelli chì pensanu à e vìttime di a catastrofa di Furiani :
Bon, in listessu tempu, s'ellu ci hè UN locu in u campiunatu di Francia induve i minuti di silenziu sò rispettati, hè in Corsica. In cuntinente, ùn esiste micca. Andate à vede in Parigi, in Marseglia o in Liò... Per quessa i sustenidori corsi sò i più rispettosi, ch'elli sianu di u Sporting è di l'ACA.

Ci sò quelli chì cercanu quale hà cumminciatu u primu :
Andateci voi à ragiunà cun elli per circà di sapè quale hà principiatu...

Ci sò quelli chì trovanu ch'ellu ùn hè micca terribule, è basta :
È si pò dinù capisce u so puntu di vista, senza falalli à dossu.

Allora eccu, tuttu quessa ùn era ch'è una magagna. Certi si sò campati, d'altri l'anu truvata storta, è si pò capisce ch'ella ùn pò piace.

Avà forse ùn ci hè bisognu di parlanne torna una settimana sana. In quant'à e rete suciale, in sti casi custì hè megliu à ùn andacci mancu. Forse dinù, certi ponu capisce chì d'altri trovinu a magagna micca terribule. Ma ci vole à crede ch'ellu ci piace in veru à stirpacci nant'à Facebook.

Di tutte e manere, ognunu hà u so puntu di vista è hè abbastanza azezu per fallu scambià d'avisu.

O sinnò, ci vulerebbe à truvà un sugettu di discussione induve si parli di u cane Whisky, di u minchju di Limelette, di a cascia di a tribune Est è di a sciarpa di Simeoni. N'averiamu per sei mesi di tazzeghju cusì.

Eccu, hè detta. Passemu à altr'affare avà ?

u 21 d'Aprile 2014



1.mandatu da Ghjesù u 21/04/2014 20:17
à mè da quassu m'anu fattu troppu ride....

2.mandatu da ucatenacciudisartè u 21/04/2014 20:19
era forse megliu s'elli avianu cantatu u "Perdono mio Dio"

3.mandatu da incatinatu u 21/04/2014 20:20
in tutti i casi a cascia era bella

4.mandatu da anghjulu u 21/04/2014 20:57
Eccu, a me ùn m' hé piaciutu, chi una cascia di sti tempi in Corsica trovu ch´ellu hé apena limitu

Ma bon, hè solu una magagna di sgaiuffi

Ne femu micca una storia.... Un vale a pena

5.mandatu da Ceccè Lanfranchi u 21/04/2014 21:38
Parchì parlà ni par dì "passemu à un'altr'affari" ? Ùn aviati nudda à dì issa sittimana cari amichi ? Dà impurtanza, parlendu ni, à un affari ch'iddu si dici senza impurtanza pari un pocu storcia si i minuci in darru nò ?

6.mandatu da anto u 21/04/2014 22:05
Iè o Ceccè.
Ma chi si po di ?

U publicu di u ghjocu a ballo hè u listessu da per tuttu per issu mondu. Tuttu què Hè cunnaria umana universale... Chi dì di piu?

7.mandatu da Ceccè Lanfranchi u 21/04/2014 22:10
Nudda.... Hè par quissa chì saria statu meddu à ùn parlà ni micca.... Al menu ch'idd'ùn si volga siducia issu publicu..... Mi faci pinsà à issi sprissioni francesi chì pruducini u cuntrariu di ciò ch'iddi dicini, com'è "cela va sans dire" quand'iddu si dici qualcosa... Quì l'effettu hè u stessu... Si dici "ùn vali à pena à parlà ni" è si ni parla... Soca chì no' t'avemu pochi affari à dì, in fin'di contu....

8.mandatu da plus rien ne m'étonne u 21/04/2014 22:19
Eiu mi n'é futtu di bastia e di L'aca. Des jeux ,du pain ,et des elections pour le peuple a oui j'oubliais des combines et des places dans l'administration ,rien ne change en corse et rien ne changera .........

9.mandatu da honte d''''etre keurse u 21/04/2014 22:45
"Puton avec ce qu'ils on fait les supporters bastiais, il faut appeler M. Valls! C'était mieux avant! Le SCB est la honte de la Keurse! On a honte d'être keurse aussi!"

Fatela finita, ùn avete chi què à pinsà ?!

10.mandatu da bastiacciu stortu u 21/04/2014 23:16
U Corsu è fattu cusi ....Stèrpemucci in' tra di noï in parulè é in fatti .... é l'altri ghjunghjenu é ci piglianu a suprana ....Pover'a noï ....!!!

11.mandatu da balaninu u 22/04/2014 01:29
e cume facciu eu ?

a magagna di a cascia l'aghju trova mancata, i giovani anu vulsutu magagnà senza pensà a e cunseguenze

ma e reazione d'indignazione l'aghju trove esagerate dinù.... troppu "donneurs de leçons" e muralisatori....

campemu in un paese induve ci so di+ indignati pe a cascia di l'ACA chè pè l'assassinatu di Jean Leccia

ci hè qualcosa ch'ùn và in stu paese........

12.mandatu da Paoli u 22/04/2014 07:07
Ma saremu cusi coni pà fà macagne cusi goffe ?

13.mandatu da Calvoise u 22/04/2014 11:38
Hà fattu ride in cuntinente, era u scopu, innò ?!?!?!

14.mandatu da simu freschi u 22/04/2014 12:58
ah iè simu quì per fà i carnavali cù u Cuntinente ? bellu prugramma

15.mandatu da butà u 22/04/2014 17:40
livellu troppu altu per mè stu blog, certi averianu da pruvà a Franmassuneria, chì forse custì u livellu l'anderia megliu!!!

16.mandatu da Si Corti avia un portu... u 22/04/2014 20:18
Avà ne simu per una settimana di "c'est pas bien", "c'est pas digne d'un corse", "y a plus de valeurs"... Certi ferebbinu megliu d'andà à zappà un pezzu d'ortu ò di pulisce i chjassi di i nostr' antenati invece di dà lezziò di filusufia nantu à Facebook...
Per rivene à a cascia, quantunque u bancalaru hà fattu un bellu travagliu...

17.mandatu da O CORSU RIFLETTI u 23/04/2014 12:48
Ne valerà a pena d'andà à u macciu per vede fatti simili ?

18.mandatu da Turchini u 23/04/2014 15:52
So Turchini fin'a a morte ! Bastiacciu, bastièse per a vita ! Corsu sempre !!!!Ma centu per centu per Alanu Orsoni hé una vergogna per u SCB !!!!!!!
Hantz si bon entraineur tu m'a déçu fora !!!
I mulitzi corsi é no corsi (tutti insemme, tutti insemme....)
avec le cercueil de l'ACA fori !!!

Vergogna a voi !!!!!!!!!!!!!!!!!!!!!!!!! Poveru un grande Carlu Papi !!!!!

Evviva l'ACA é Moretti

19.mandatu da Turchini u 23/04/2014 15:53
Evviva a droga é u whyskie

20.mandatu da Turchini u 23/04/2014 15:55
Belle leçon di a a squadra di a corsica pffffff !!!!!!

Novu cumentu :