Accueil
Envoyer à un ami
Version imprimable
Partager

A "cité U" di a prigiò di U Borgu

Pè Sauveur Gandolfi-Scheit, e cellule di a prigiò s'assumiglianu à e stanze universitarie.



A "cité U" di a prigiò di U Borgu
A situazione à a prigiò di U Borgu ùn hè micca faciule. Ci sò stati parechji incidenti è mumenti di tensioni. U persunale si lagna di e cundizioni di travagliu, i ditenuti elli si lagnanu di e cundizione di vita. Ancu Gilbert Casanova l'avia detta à u ministru di a ghjustizia, qualchì mese fà durante una visita di U Borgu.

Allora, u deputatu Sauveur Gandolfi-Scheit hè andatu à visità a prigiò, anch'ellu (da leghje in Corse-Matin).

Nant'à RCFM, hà dichjaratu chì : "On a visité les cellules, ça me faisait penser aux chambres universitaires, je trouve que c'est correct pour le moment. Il ne faut pas dire que c'est merveilleux, mais il y a un label de la prison de Borgo, c'est correct..."

Duie infurmazioni in sta dichjarazione : Sauveur Gandolfi-Scheit hà veramente un gattivu ricordu di e so annate passate à l'università. Serà statu traumatizatu ?

Segondu insignamentu : postu chì i prezzi di l'immubiliare flambanu, ch'è vo ùn pudete più cumpravvi un alloghju, perchè ùn vi pigliate micca una piccula stanza à a "cité U" di a prigiò di U Borgu ?

u 1mu d'Utrovi 2011
U Webmaestru



1.mandatu da Michè u 02/10/2011 10:29
assumiglià un carcere à una stanza universitaria, mi pare un fallu di cumunicazione sprupusitatu...

2.mandatu da ghjustizia u 02/10/2011 17:53
C'hé peghju che a prigiô !
A canzona dice :
Eo , aghju u core crebatu da mille ragiô
Tu , m'hai fattu piu male che tutte s'annate passate in prigiô ......

3.mandatu da pumataghju u 02/10/2011 19:09
S'ellu ci hé troppu mondu a a prigio di Borgu ch'elli ne mandinu qualghi unu a piantà i cavuli in Casbianda , a zappa i calmera appena cusi ! ! !
Mandà i piu corci a fassi una lenza per amparalli u travagliu onestu serrebe un bellu affare .

4.mandatu da Casata u 03/10/2011 00:17
u tippu hé cumplettamente tontu di dì què !

assimilà l'imagine di l'università, di studii, à una prigiò !!!

trà ellu è Jean-Jean di Papa per andà à l'assemblea naziunale, simu belli ! oimè !!! ch'avemu fattu pè merità closce d'eletti cusi?

5.mandatu da JJDP u 03/10/2011 00:19
leghjite sta closcia :

"Mais dans l'esprit, Émile Zuccarelli est le maire en exercice et il accomplit un travail remarquable et reconnu par les citoyens bastiais"

6.mandatu da ANTO u 04/10/2011 14:00
Di chè si pienghjenu i prigiuneri :dumenica scorsa fecianu a bicicletta nant'a sse strade .

Novu cumentu :