Accueil
Envoyer à un ami
Version imprimable
Partager

À cosa servi tù... Camille de Rocca Serra ?

Ricusendu di fà entre in dibàttitu à l'Assamblèa di Còrsica l'incridìbule prucessu Colonna, Camiù hà datu una prova di più ch'ellu ci serve à pocu affari... Ma à chì ci puderà dunque ghjuvà u tippu ? A dumanda hè posta, bisogna à rispòndeci...



À cosa servi tù... Camille de Rocca Serra ?
À nunda.
È s’è quessu testìculu s’arrestava quì, nimu ci puderebbe aghjunghje nunda. Ma chì talentu per esse cusì pènciulu è serve à cusì pocu affari ! Ci serebbe ancu da rìdene s'ellu ùn era ellu u sceffu di i Corsi... L'affare hè chì ghjè ellu, u Presidente di a CTC dipoi u 2004 ! Ancu voi vi n'èrate scurdatu ? Nurmale.
In cinqu'anni di serviziu, u tippu ùn hà pigliatu nisuna decisione è datu nisun' parè stagliatu senza esse statu à sente a prèdica di Padre Sarko.

Allora noi, cun l'aiutu di Jérôme Bonaldi emu circatu di truvà à u nostru capimachja qualch' interessu, una qualità, qualcosa chì ci possi serve. À Jérôme nù u cunniscite ? Hà trovu utulità pendente anni è anni nant'à Canal+ à unepochi di gadgets fràcichi chì ùn anu mai viaghjatu. Ebbè custì, pettu à tamanta prova, ancu Bonaldi s'hè ammutulitu, l'ochji crosci di vede chì per a prima volta di a so vita ùn ci l'avìa fatta à dà un sensu à un' invenzione. Ancu à Bonaldi l'averà dati u stumacheghju Camille !

Ma in tantu ch'è prufeziunale è spezialistu, Ghjilormu hà vulsutu dacci un listinu abbastanza precisu è argumentatu d'ogetti chì ci ghjuverèbbenu di più, à noi Corsi, à u capu di a CTC invece di tene à Cameddu. Allora avemu a scelta trà :

À cosa servi tù... Camille de Rocca Serra ?
A famosa "Tong Caccia Tappu"

À cosa servi tù... Camille de Rocca Serra ?
ma dinù a "Ghjaccera à mutore" per pudè beie è cunduce senza lampassi troppu in fùria...

À cosa servi tù... Camille de Rocca Serra ?
L'apparechju à fondue nant'à port USB per pudè fà cena cù u vostru ordinatore

À cosa servi tù... Camille de Rocca Serra ?
Incù a so brossa per i denti, sempre USB, per chjinavvi subitu dopu senza passà in sala di bagnu

À cosa servi tù... Camille de Rocca Serra ?
Un telèfonu di casa branchèvule nant'à un telefuninu

À cosa servi tù... Camille de Rocca Serra ?
Un custume di sumò ? Per fà paura à i pumataghji st'estate à u mare...

À cosa servi tù... Camille de Rocca Serra ?
O Ellu ?

Astre pruposte ?

u 21 di Marzu 2009
Ussamà Ben Lazezu



1.mandatu da Culomba1 u 21/03/2009 14:35

Digià ci ghjova à senteci intelligenti !

Un uggettu pi ghjuvativu chè ellu 0 u capu di a CTC,..,Lasciateci riflette...

Un distruttore automaticu di deliberazione di l'Assemblea, chì di tutta manera finiscenu in i tiretti?




2.mandatu da fratellu ficatellu u 21/03/2009 16:33
Pensu chi ci vulerebbe una chjaccera a mutore d'una capacità maiò per stu sac'a vinu di Camiyou !

3.mandatu da l addisperu u 22/03/2009 00:18 (da un teleffuninu)
ci voli di fani un aqua prupulsori (munitu di l ultimu mutori di a Nasa) da raccoglia tutti i cazzi marini di Palombaggia, i turisti u ringraziarani

4.mandatu da estrimei u 22/03/2009 09:49
eu vuleria una pianta chi rimetti a senu u cerbellu di tutti i corsi

5.mandatu da estrimei u 22/03/2009 09:50
forse a sennu ( mi pare chi 'nu a prununcia s'incalca nant'a u n)

6.mandatu da filidatu u 23/03/2009 09:21
camillou hè un bel esempiu di riescita si pò esse briacone è presidente di l'assemblea di corsica

7.mandatu da Culomba1 u 23/03/2009 23:15
Basterebbe una mariunetta azziunata da Parigi da Sarco è Cumpagnia...?

8.mandatu da Gérard u 22/04/2009 18:25
A u mio avisu serebe una "tong" ma una "tong corse" ...

Novu cumentu :