Accueil
Envoyer à un ami
Version imprimable
Partager

A cultura corsa à l'OM !

A cultura corsa diventerebbe troppu à a moda ? Rod Fanni, futbalore francese chì ghjoca à l'OM dice ch'ellu ascolta musica corsa.



A cultura corsa à l'OM !
Dopu à Jenifer chì vole fà un discu in corsu, Yannick Cahuzac chì dice à So Foot ch'ellu parla corsu, eccu u giru di Rod Fanni.

Ùn cunniscite micca à Rod Fanni ? Hè normale, hè un futbalore francese d'orìgine di u Bénin chì ghjoca à l'OM.

A so cacciata hè stata ripigliata nant'à u net. Dice ch'ellu hè u DJ di l'OM (ùn mi dumandate micca à ciò ch'ellu currisponde, ùn vogliu mancu sapè) : « Je passe du ragga, du r’n’b, de la pop... Vous savez, à Rennes, j’ai mis de la musique corse. » Almenu, ùn si puderà micca dì ch'ellu hè razzistu.

Ma chì serà u prussimu ?

Black Eyed Peas chì dice ch'elli anu da fà un remix di e canzone di Carlu Rocchi ?
Barack Obama chì annunzia ch'ellu cummanda u so figatellu in Alisgiani ?
Steven Spielberg chì dichjara ch'ellu vole adattà "The battle of Ponte Novu" ?

u 26 di Ghjenaghju 2011
U Webmaestru



1.mandatu da Michè u fliccu u 26/01/2011 10:12
spiecateci appena cio chi fate nant'à om.net

2.mandatu da lingua di puttana u 26/01/2011 10:39
Forse a prussima caccaita serà chì quelli di Corsica libera si mettenu in fine à parlà in corsu

3.mandatu da lingua di puttana u 26/01/2011 10:39
cacciata ( è micca caccaita )

4.mandatu da Urelianu u 28/01/2011 10:18
innò o lingua di puttana (bellu eh)... U to laspsus ghjè interessante eheh... A prussima CACATA qual'ha da esse...?? eheh

5.mandatu da U Palatinu u 28/01/2011 17:42
Perchè micca ? Hè una bona nutizia di vede ch'e a nostra cultura si sparghjessi cusì.

Ma d'un altru latu, ùn vole dì nunda. À me, per esempiu, mi piace a musica classica russia. Ùn vole dì nunda.

6.mandatu da U beauf u 30/01/2011 01:24
The battle of Ponte Novu... The battle of New Bridge.. Hahaaaahahah

7.mandatu da ANTO u 31/01/2011 14:12
Si vedè subitu chi pè a paghjella hè un amatore di u versu aschèse !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta